Մեծի Տանն Կիլիկիոյ Տ.Տ. Արամ Ա. Կաթողիկոսը 2022 թուականը հռչակած է «Սփիւռքի տարի»։ Կիլիկեան Աթոռի գահակալը 2003 թուականէն ի վեր իւրաքանչիւր տարին կը բնորոշէ՝ հայ ժողովուրդի կեանքին հետ աղերսակից կարեւոր դէպքով մը, յոբելեանով մը կամ երեւոյթով մը։
Հայաստանեայց Առաքելական Եկեղեցին մեծ շուքով տօնախմբեց Սուրբ Ծննդեան եւ Աստուածայայտնութեան տաղաւարը: Ամենայն Հայոց Տ.Տ. Գարեգին Բ. Վեհափառ Հայրապետը պատարագեց Երեւանի Սուրբ Գրիգոր Լուսաւորիչ Մայր եկեղեցւոյ մէջ, ուր տուաւ իր աշխարհացրիւ հօտին ուղղեալ տօնական պատգամը:
«Մանուկ Յիսուսի Ծննդեան շնորհով Բեթղեհէմ դարձած հոգիներէն կը ցրուի անյուսութեան խաւարը։ Աստուած Իր Միածին Որդիի յայտնութեամբ հրաւէր կ՚ուղղէ ողջ մարդկութեան՝ իրենց սրտերը դարձնելու աստուածային անսահման սիրոյ յայտնութեան վկայարան, մեղքերէն սրբուելու, վերափոխուելու եւ նորոգութեան միջոցաւ փրկուելու: Թէ՛ հայրենիքի մէջ եւ թէ աշխարհասփիւռ մեր համայնքներէն ներս ըլլանք միաբան ու միասնական։ Մեր անմիաբանութիւնն ու անհամերաշխութիւնը ծնունդ կու տան նոր կորուստներու»:
Ս. Ծննդեան եւ Աստուածայայտնութեան տաղաւարին առթիւ Ամենայն Հայոց Տ.Տ. Գարեգին Բ. Կաթողիկոսը երէկ Երեւանի Ս. Գրիգոր Լուսաւորիչ Մայր եկեղեցւոյ մէջ, յընթացս հայրապետական Ս. Պատարագի, աշխարհացրիւ իր հօտին տուաւ տաղաւարի պատգամը, զոր կը ներկայացնենք ստորեւ։
Սուրբ Ծնունդի եւ Կաղանդի եղանակը սերտօրէն աղերսուած է «նուէր»ի գաղափարին հետ, որուն հոմանիշներն են «շնորհք», «պարգեւ» եւ մասամբ «ողորմութիւն» բառերը: Նուէրներ տալն ու առնելը վերածուած է այս եղանակին հետ առընչուած գողտրիկ աւանդութեան մը, որ ինքնին կը ստեղծէ ոգեւորութիւն ու խանդավառութիւն:
ԳՐԻԳՈՐ ԱՒ. ՔՀՆՅ. ՏԱՄԱՏԵԱՆ
Նոր Տարիի սեմէն մուտք գործելէ անմիջապէս յետոյ կը տօնենք Աստուածայայտնութեան տաղաւարը։ Քրիստոսի մարդեղութեան եւ իբրեւ Փրկիչ համայն մարդկութեան յայտնութեան աւետիսը մեր սրտերը հոգեւոր ուրախութեամբ կը պարուրէ։
ՅՈՎՆԱՆ ԱՐՔ. ՏԷՐՏԷՐԵԱՆ
Հայ քրիստոնեային կոչումն է սրբութեան մէջ դրոշմուած ընտանիքը։ Ինչպէս բոլոր ժամանակներուն մէջ, Աստուծոյ մեծ երազն է եղած սուրբ ընտանիքը, այսօր առաւել եւս, մարդկութիւնը դէպի խաղաղութիւն առաջնորդող տեսիլքը պիտի մնայ սուրբ ընտանիքը։
ԹՈՐԳՈՄ ԵՊՍ. ՏՕՆՈՅԵԱՆ
Նոր տարուան արշալոյսին ընդառաջ,
Սուրբ Ծննդեան խորհուրդով հոգեվառ,
Այս է պաղատագին աղօթքը մեր,
Զոր կը ձգենք դէպի արեւոտ հորիզոններ.
Խաղաղութի՜ւն տիեզերքին, ողջ մարդկութեան, մեր աշխարհին,
Խաղաղութի՜ւն Հայաստանին, հայ սփիւռքին, հայոց ազգին,
Խաղաղութի՜ւն մեր ընտանեաց ու զաւակաց, ձեզի, մեզի,
Խաղաղութի՜ւն նախնիներուն ու դեռ գալիք ապագային:
Մեծի Տանն Կիլիկիոյ Տ.Տ. Արամ Ա. Կաթողիկոսը երէկ Անթիլիասի մէջ հիւրընկալեց Հայ Կաթողիկէ եկեղեցւոյ նորընտիր Կաթողիկոս-պատրիարք Ռաֆայէլ-Պետրոս ԻԱ-ը, որուն կ՚ընկերանային շարք մը բարձրաստիճան հոգեւորականներ։
Երեսունեւերկամեայ ժամանակաւ սպասաւորեալ Առաքելական Սրբոյ Եկեղեցւոյս Հայաստանեայց, երբեմնի հոգեւոր հովուին Պաքըրգիւղի, Նառլըգաբուի, Թոփգաբուի եւ Էյուպի, Գումգաբու Դուրսի, Սամաթիոյ, Ենիգաբուի եւ Պալաթու Սուրբ Եկեղեցեաց, յետ խաթարեալ առողջական վիճակի իւրոյ կոչեցեալ հանգստեան, փոխեցաւ առ Աստուած ի յոյս կենացն յաւիտենից յամին 2022, ի 2ն Յունուարի յաւուրն Միաշաբաթի, ի ժամու միջօրէի, յետ երկարատեւ հիւանդութեան։ Կամք Տեառն օրհնեալ եղիցի։
Ամենայն Հայոց Տ.Տ. Գարեգին Բ. Կաթողիկոսը երէկ ուշ գիշերին Ամանորի առթիւ խօսք ուղղեց իր աշխարհացրիւ հօտին։ Ստորեւ կը ներկայացնենք Վեհափառ Հայրապետին պատգամը։
