Երուսաղէմի կալուածական հարցերուն ծանօթ շրջանակները ներկայիս հաշուի կ՚առնեն զանազան հաւանականութիւններ՝ Հայոց Պատրիարքութեան դիմագրաւած առկայ խնդիրներու եւ մանաւանդ՝ «Կովերու պարտէզ» ազգապատկան կալուածի փրկութեան հեռանկարին շուրջ։
Երուսաղէմի Հայոց Պատրիարքական Սուրբ Աթոռը այս շրջանին կը դիմագրաւէ դժուարին եւ նուրբ կացութիւն մը:
Յորդանանի եւ Պաղեստինի իշխանութիւնները դադրեցան Ամեն. Տ. Նուրհան Սրբազան Արքեպիսկոպոս Մանուկեանի Պատրիարքի հանգամանքը ճանչնալէ: Միաբանական ընդհանուր ժողովը կոչ ուղղեց, որպէսզի վերատեսութեան ենթարկուի որոշումը:
Սրբոց Յակոբեանց զինուորեալ միաբանութիւնը շարժման անցած է գերադասելով եկեղեցւոյ եւ պատիրաքութեան գերակայ եւ անսակարկելի շահերը: Ստեղծուած լուրջ ու ծանրակշիռ իրադրութիւնը կը յաջորդէ Տ. Պարէտ Ծայրագոյն Վարդապետ Երէցեանի կարգալոյծ հռչակուելուն եւ վանքէն վտարուելուն, ինչ որ անմիջական կապ ունի «Կովերու պարտէզ» ազգապատկան կալուածի աղմկարար վարձակալութեան հարցին հետ։
Գնալը կղզիի Ս. Գրիգոր Լուսաւորիչ եկեղեցին շաբաթավերջին պաշտամունքի վերաբացուեցաւ՝ ձեռամբ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի։ Արարողութեան մասնակցեցան Տ. Յարութիւն Վրդ. Տամատեան, Տ. Գասպար Աբեղայ Կարապետեան, Տ. Գրիգոր Աւ. Քհնյ. Տամատեան, Տ. Տրդատ Աւ. Քհնյ. Ուզունեան եւ Տ. Շիրվան Քհնյ. Միւրզեան։
ԳԷՈՐԳ ՊԵՏԻԿԵԱՆ
Այս տարի, յատուկ յարգանքով կը յիշատակուի հայ կրօնական արուեստի եզակի նմոյշներու ներբող, «Առաւօտ լուսոյ»ի, «Հաւատով խոստովանիմ»ի, «Նորահրաշ»ի եւ բազմաթիւ այլ հոգեւոր երգերու, աղօթքներու, տաղերու, առակներու եւ հանելուկներու հեղինակին, 12-րդ դարու մեր մեծ սուրբին՝ Ս. Ներսէս Շնորհալի Երաշնորհ Հայրապետի մահուան 850-րդ տարելիցը:
Տ.Տ. Գարեգին Բ. Ամենայն Հայոց Կաթողիկոսի բարձր նախագահութեամբ, երէկ, Մայր Աթոռ Սուրբ Էջմիածնի մէջ տեղի ունեցաւ Խաղաղութեան աղօթք՝ Հայաստանի եւ Արցախի ապահովութեան ու խաղաղութեան համար։
Երուսաղէմի Հայոց Պատրիարքարանէն շաբաթավերջին հասան զգայացունց լուրեր։ Այսպէս, Սուրբ Աթոռի դիւանը տեղեկացուց, որ կարգալոյծ հռչակուած է Տ. Պարէտ Ծայրագոյն Վարդապետ Երէցեան։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ հիւրընկալեց շուրջ 150 համալսարանականներ, որոնց շարքին կը գտնուէին թէ՛ ուսանողներ եւ թէ շրջանաւարտներ։
Պատրիարքական Աթոռի միաբաններէն Տ. Յարութիւն Վրդ. Տամատեան երէկ պատարագեց Թորոնթոյի Ս. Երրորդութիւն եկեղեցւոյ մէջ։ Ներկայ էին նաեւ առաջնորդական փոխանորդ Տ. Զարեհ Աւ. Քհնյ. Զարգարեան եւ Տ. Հայարի Քհնյ. Թանաշեան։
Տ.Տ. Գարեգին Բ. Ամենայն Հայոց Կաթողիկոսը երէկ Մայր Աթոռ Սուրբ Էջմիածնի մէջ ընդունեց Երեւանի մօտ Հնդկաստանի դեսպան Նիլաքշի Սահա Սինհայը։ Վեհափառ Հայրապետը շնորհաւորեց նորանշանակ դեսպանը եւ անոր արդիւնաշատ առաքելութիւն մաղթեց Հայաստանի մէջ։
Մեծի Տանն Կիլիկիոյ Տ.Տ. Արամ Ա. Կաթողիկոսը նախընթաց օր հանդիպում մը ունեցաւ Լիբանանի Մարոնիտ եկեղեցւոյ Ռաի Պատրիարքին հետ։ Տեսակցութիւնը տեղի ունեցաւ Լիբանանի Մարոնիտ եկեղեցւոյ կեդրոնատեղիին՝ Պըքերքէի մէջ։
