Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ վերադարձաւ Սուրբ Երուսաղէմէն։ Սա իր գահակալութեան շրջանի առաջին ուղեւորութիւնն էր՝ դէպի Սուրբ Երկիր։ Համայնքային շրջանակները ուրախութեամբ կ՚ողջունեն Ամեն. Ս. Պատրիարք Հօր Աթոռ վերադարձը։
Մեծի Տանն Կիլիկիոյ Տ.Տ. Արամ Ա. Կաթողիկոսը երէկ երեկոյեան Անթիլիասի մէջ հիւրընկալեց Մարոնիտ եկեղեցւոյ Ռաաի Պատրիարքը։ Աւելի քան ժամ մը տեւեց հանդիպումը, որու ընթացքին երկու հոգեւոր առաջնորդները քննարկումներ ծաւալեցին Լիբանանի մէջ նախատեսուած նախագահական ընտրութիւններուն շուրջ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան այսօր կ՚աւարտէ դէպի Երուսաղէմ իր ուղեւորութիւնը եւ երեկոյեան ժամերուն կը վերադառնայ իր Աթոռը։
Ինչպէս հաղորդած էինք, երէկ առաւօտ Ամեն. Ս. Պատրիարք Հայրը հանդիսաւոր Ս. Պատարագ մատոյց Ս. Յարութեան տաճարին մէջ։
Վեհափառ Հայրապետը բարձր գնահատեց 30-ամեայ այս կարեւոր ցանցի գործունէութիւնը:
Հայորդեաց տուներու կրթական գործընթացի արդիւնաւէտութեան առաւել բարձրացման ուղղեալ որոնումներ:
Ամենապատիւ Ս. Պատրիարք Հայրը այս առաւօտ պատարագեց Տէր Յիսուսի Լոյս գերեզմանին վրայ:
Նորին Ամենապատուութիւնը երէկ այցելեց Երուսաղէմի հայկական կրթօճախները, իսկ երեկոյեան Քրիստոսի անուանակոչութեան՝ Ութօրէքի նախատօնակին հանդիսապետեց Սրբոց Յակոբեանց մայր տաճարի երդիքին տակ:
Արեւմտեան Եւրոպայի հայրապետական պատուիրակ եւ Վատիկանի Ս. Աթոռի մօտ Հայաստանեայց Առաքելական Եկեղեցւոյ մշտական ներկայացուցիչ Տ. Խաժակ Արք. Պարսամեան ներկայ շաբթուան սկիզբին մասնակցեցաւ միջեկեղեցական կարեւոր մամլոյ ասուլիսի մը։
Թուրքիոյ Հայոց Պատրիարք Ամենապատիւ Տ. Սահակ Ս. Արք. Մաշալեանի դէպի Երուսաղէմ ուղեւորութիւնը կը շարունակուի։ Թէեւ այցելութեան ծրագիրը աստիճանաբար կը մօտենայ իր աւարտին, սակայն, վառ պահերը չեն պակսիր։
Պատրիարքական Աթոռի միաբաններէն Տ. Յարութիւն Վրդ. Տամատեան, որ վերջին ամիսներուն կը գտնուի Հայց. Առաքելական Եկեղեցւոյ Հիւսիսային Ամերիկայի Արեւելեան թեմէն ներս, շաբաթավերջին պատարագեց եւ քարոզեց Նիւ Պրիթընի Ս. Յարութիւն եկեղեցւոյ մէջ։ Ներկայ էր նաեւ Տ. Կարապետ Քհնյ. Թելֆէեան։
Երուսաղէմի եւ Պոլսոյ ամենապատիւ պատրիարքները երէկ կէսօրուան ժամերուն Յորդանան գետի ափին էին:
Տ. Յովակիմ Աբեղայ Սերովբեան այս առաւօտ պատարագեց Ս. Յարութեան տաճարին մէջ, Տիրոջ Լոյս գերեզմանին վրայ:
Ամեն. Ս. Պատրիարք Հայրը այս օրերուն կը շրջի Սուրբ Երկրի հիւսիսի Տէրունակոխ սրբավայրերը, իսկ վաղը Յորդանան գետի ափին Սրբոց Յակոբեանց միաբանութեան հետ կը մասնակցի աւանդական արարողութեան:
Նորին Ամենապատուութեան դէպի Երուսաղէմ ուղեւորութիւնը պիտի եզրափակուի Ս. Յարութեան տաճարէն ներս, Քրիստոսի Լոյս գերեզմանին վրայ մատուցելիք Սուրբ Պատարագով: Պոլիսէն կազմակերպուած ուխտագնացութեան մասնակիցները վառ տպաւորութիւններով, հոգեւոր խոր ապրումներով կը հետեւին իրենց բազմակողմանի ծրագրին:
