Քրիստոս ծնաւ եւ յայտնեցաւ. Հայաստանեայց Առաքելական Սուրբ Եկեղեցին հոգեւոր հրճուանքով նշեց 2023 թուականի առաջին տաղաւարը:
Տ.Տ. Գարեգին Բ. Ամենայն Հայոց Կաթողիկոսը Երեւանի Ս. Գրիգոր Լուսաւորիչ Մայր Տաճարի Հայրապետական Ս. Պատարագին ընթացքին փոխանցեց տօնական աւետիսը:
Սիրելի բարեպաշտ հաւատացեալներ ի Հայաստան, յԱրցախ եւ ի սփիւռս,
Մեր Տիրոջ՝ Յիսուս Քրիստոսի Սուրբ Ծննդեան եւ Աստուածայայտնութեան տօնի հրաշագործ այս օրը, համախմբուած մեր եկեղեցիներուն մէջ, կ՚օրհնաբանենք նորածին Փրկիչը՝ իրարու փոխանցելով փրկաւէտ ողջոյնը. «Քրիստոս ծնաւ եւ յայտնեցաւ, ձեզ եւ մեզ մեծ աւետիս»։
ՍԱՀԱԿ Բ. ՊԱՏՐԻԱՐՔ
Մարդկային պատմութեան մեծագոյն դէպքն է անկասկած Աստուծոյ մարմնացումը Բեթղեհէմի մէջ՝ մեծագոյն «խորհուրդ խորին»ը տիեզերքին:
ՅԱՐՈՒԹԻՒՆ ՎՐԴ. ՏԱՄԱՏԵԱՆ
Կրկին անգամ հասած է Ս. Ծննդեան եւ Աստուածայայտնութեան տաղաւարը եւ եկեղեցւոյ զանգակները կրկին անգամ կը սկսին ղօղանջել ամենաբարձր մակարդակով՝ աւետելու համար, թէ Քրիստոս Ծնաւ եւ Յայտնեցաւ։
Վատիկանի մէջ այսօր տեղի կ՚ունենայ երջանկայիշատակ Պենետիքտոս ԺԶ. Պատուաւոր Պապի յուղարկաւորութիւնը։ Արարողութեան կը մասնակցի նաեւ Հայաստանեայց Առաքելական Եկեղեցւոյ կողմէ բարձրաստիճան պատուիրակութիւն մը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Ամանորի եւ Ս. Ծննդեան առթիւ կը շարունակէ շնորհաւորական այցելութիւններ տալ քաղաքիս քրիստոնեայ հոգեւոր առաջնորդներուն։
Ամենայն Հայոց Տ.Տ. Գարեգին Բ. Վեհափառ Հայրապետը Ամանորի կէս գիշերին Մայր Աթոռ Սուրբ Էջմիածնէն համայն հայութեան ուղղեց իր պատգամը։ Ստորեւ կը ներկայացնենք Նորին Սրբութեան Նոր տարուան վերաբերեալ խորհրդածութիւնը։
Պոլսահայ հոգեւորականաց դասը Ամանորի առթիւ Գումգաբուի Ս. Աստուածածին Աթոռանիստ Մայր եկեղեցւոյ մէջ համախմբուեցաւ՝ գլխաւորութեամբ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի։
Հռոմէական Կաթոլիկ Եկեղեցին ներկայ տարեմուտին կը սգայ Պենետիքտոս ԺԶ. պատուաւոր Պապին կորուստը։ Այս կապակցութեամբ Ամենայն Հայոց Տ.Տ. Գարեգին Բ. Կաթողիկոսը նախընթաց օր ցաւակցական մը ուղարկեց Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապին։
ՄԱՇՏՈՑ ՔՀՆՅ. ԳԱԼՓԱՔՃԵԱՆ
Սիրելի՜ բարեկամներ, ով գիտէ քանիերորդ անգամ մը եւս մեր առջեւ նոր ճամբայ մը կը բացուի ահաւասիկ։ Շատեր անցան հին ճամբայէն՝ երբեմն զուարթ, երբեմն տխուր, երբեմն լուսաւոր, երբեմն խաւար, երբեմն գոհացած, երբեմն կարօտալի՝ միշտ տարբեր տրամադրութիւններու, տարբեր վիճակներու մէջ։
