Մեծի Տանն Կիլիկիոյ Կաթողիկոսութիւնը վերջին օրերուն հրաժեշտ տուաւ իր երիցագոյն միաբաններէն Տ. Եփրեմ Արք. Թապաքեանին, որու վախճանումը խոր ցաւ յառաջացուցած էր։ Հոգելոյս բարձրաստիճան եկեղեցականին վերջին օծման, յուղարկաւորութեան եւ թաղման կարգերը տեղի ունեցան Լոս Անճելըսի մէջ։
Տ.Տ. Գարեգին Բ. Ամենայն Հայոց Կաթողիկոսը երէկ առաւօտ անմիջապէս արձագանգեց ահաւոր երկրաշարժին։ Նորին Սրբութիւնը Մայր Աթոռ Սուրբ Էջմիածնէն հեռաձայնով կապ հաստատեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանին հետ։
Արեւելեան Ուղղափառ եւ Կաթողիկէ եկեղեցիներու ներկայացուցիչներուն տասնիններորդ հաւաքը:
Տ. Խաժակ Արք. Պարսամեան եւ Տ. Աշոտ Եպսկ. Մնացականեան մասնակցեցան՝ Եգիպտոսի մէջ կազմակերպուած աստուածաբանական երկխօսութեան հերթական փուլին: Ժողովականները ընդունուեցան նաեւ Տ.Տ. Թաւատրոս Ղպտի Ուղղափառ Պատրիարքին կողմէ:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Օրթագիւղի Ս. Աստուածածին եկեղեցւոյ մէջ նախագահեց կիրակնօրեայ արարողութիւններուն։ Ամեն. Ս. Պատրիարք Հայրը տուաւ նաեւ օրուան պատգամը։
Արաբական ծոցի երկիրներու Աստուածաշունչի ընկերութիւններու ընդհանուր քարտուղար տքթ. Հրայր Ճէպէճեան շաբաթավերջին հանդիպում մը ունեցաւ Քուէյթի եւ տարածաշրջանի երկիրներուն մօտ Վատիկանի դեսպան Իւժէն Արք. Նիւճենթի հետ։
Ամերիկայի Միացեալ Նահանգներու Տալլաս քաղաքի Հիւսիսային Քարոլթըն արուարձանի Ս. Սարգիս Հայաստանեայց Առաքելական Եկեղեցին հռչակուեցաւ երկրի՝ 2022 թուականի լաւագոյն շինութիւնը։ «world-architects.com» կայքէջի հաղորդումներով, եկեղեցին լաւագոյն շինութիւնը ճանչցուած է անոր կողմէ կազմակերպուած հարցախոյզի արդիւնքով։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ այցելեց Ֆէնէրի Յունաց Պատրիարքարանը։ Նորին Ամենապատուութեան ընկերացաւ Պատրիարքական փոխանորդ Տ. Գրիգոր Աւ. Քհնյ. Տամատեան։ Ամեն. Ս. Պատրիարք Հօր այս այցելութեան նպատակն էր ցաւակցութիւն յայտնել Տ.Տ. Պարթոլոմէոս Ա. Ծայրագոյն Պատրիարքին, որու քոյրը մահացած է օրերս։
Պատրիարքական Աթոռի միաբաններէն Տ. Յարութիւն Վրդ. Տամատեան շաբաթավերջին պատարագեց եւ քարոզեց Հիւսիսային Ամերիկայի Արեւելեան թեմէն ներս, Եիւնիըն Սիթիի Ս. Խաչ եկեղեցւոյ մէջ։ Հարկ է նշել, որ այս եկեղեցին կը յաճախեն՝ ընդհանրապէս նախկին պոլսահայ հաւատացեալներ։
Տ.Տ. Գարեգին Բ. Ամենայն Հայոց Կաթողիկոսը երէկ կարճատեւ այցելութեամբ մեկնեցաւ Անգլիա։ Ամենայն Հայոց Կաթողիկոսութեան տեղեկատուութեան համակարգը հաղորդեց, որ Վեհափառ Հայրապետին կ՚ուղեկցի Մայր Աթոռ Սուրբ Էջմիածնի քարոզչական կեդրոնի եւ Արցախի հոգեւոր-մշակութային ժառանգութեան հարցերով գրասենեակի տնօրէն Տ. Գարեգին Վրդ. Համբարձումեան։
Հռովմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապը երէկ Վատիկանի մէջ հերթական անգամ անդրադարձաւ Լաչինի միջանցքի փակման բերումով շրջափակուած Արցախէն ներս ստեղծուած մարդասիրական ծանր իրավիճակին։
