ԳԷՈՐԳ ՔԷՕՇԿԷՐԵԱՆ
Ամուսնութիւնները երկու ձեւով տեղի կ՚ունենան, կա՛մ եկեղեցական արարողութեամբ եւ կամ ալ քաղաքացիական պարզ ձեւակերպութեամբ։ Բայց նոյնիսկ եկեղեցական արարողութեան համար՝ նախ պէտք է քաղաքացիական արտօնութիւն ստանալ։
ՏՔԹ. ԶԱՒԷՆ Ա. ՔՀՆՅ. ԱՐԶՈՒՄԱՆԵԱՆ
Ամենայն Հայոց երջանկայիշատակ Տ.Տ. Վազգէն Ա. Կաթողիկոս 1994 թուականին իր վախճանումէն քիչ առաջ օրհնած էր հիմերը Երեւանի Մայր Եկեղեցիին, որ պիտի կառուցուէր Հայաստանի Քրիստոնէութեան մեծ դարձին 1700-ամեակի բացառիկ առիթով, հաստատելէ ետք անոր վերջնական նախագիծը:
Պատրաստեց՝ ՆԱՐԷ ԳԱԼԵՄՔԷՐԵԱՆ
Մարդկութիւնը կ՚անցնի նոր եւ աննախընթաց փորձառութենէ արագօրէն տարածուող քորոնաժահրի համաճարակի լոյսին տակ: Մենք տակաւին չենք գիտեր, թէ ո՛վ է «հիւանդ զերօ»ն՝ առաջին մարդը, որ վարակուած է եւ ժահրը փոխանցած ուրիշներուն:
ՏՔԹ. ԶԱՒԷՆ Ա. ՔՀՆՅ. ԱՐԶՈՒՄԱՆԵԱՆ
Իր բառերով Պոլսոյ երգիչներուն «կոյկոյ»ներէն անհանգիստ, Շահան Պէրպէրեան Կոմիտաս Վարդապետի պարագային եւս կը կարծէր, թէ տարբերութիւն մը պիտի չտեսնէր, եւ սակայն երբ Փարիզի մէջ անձամբ տեսած է Վարդապետը ու լսած իր ձայնը, բոլորովին հիացած գիտցած է հայ երաժշտութեան իսկական արժանիքը եւ ինքն իսկ դարձած երաժշտագէտ։
ԱՐԵՒԻԿ ՊԱՊԱՅԵԱՆ
2010 թուականի օգոստոսի վերջ՝ Ստեփանակերտ: Նոր ուսումնական տարիին մնացած է համրուած օրեր ու ժամեր: Ահաւասիկ, երկար տարիներու իմ բաղձանքը դարձած է իրականութիւն:
ՀՐԱՅՐ ՃԷՊԷՃԵԱՆ
Աշխարհ այսօր նոր իրավիճակներու ու կացութիւններու մէջ է: Քորոնաժահրը շրջեց աշխարհի կարգն ու սարքը: Մարդկային կեանքեր ստացան նոր բովանդակութիւն, բայց նաեւ յարաբերութիւններ եւ հաղորդակցութեան լծակներն ու արժեչափերը շրջուեցան:
ԳԷՈՐԳ ՊԵՏԻԿԵԱՆ
Չեմ յիշեր ո՛չ տարին եւ ո՛չ ալ ամիսը: Միայն այն գիտեմ, որ տակաւին նախակրթարանի աշակերտ էի, երբ կիրակի առաւօտ մը, ողորմած մայրս մեզ կանուխէն արթնցուց, ո՛չ թէ եկեղեցի, այլ՝ «Կար տը Պաղտատ» կոչուած քաղաքի շոգեկառքի մեծ եւ նշանաւոր կայարանը երթալու համար:
Մեր ընթերցողներուն կու գանք դառնութեամբ տեղեկացնել, թէ Սուրբ Փրկիչ Ազգային հիւանդանոցի մէջ դարմանման տակ կը գտնուի ԺԱՄԱՆԱԿ-ի ընտանիքի երիցագոյն անդամներէն, թերթիս բազմամեայ սիւնակագիր եւ մեր հոգեւորականաց դասու յարգուած դէմքերէն Տ. Մաշտոց Քհնյ. Գալփաքճեան։ Ինչպէս ծանօթ է, շուրջ շաբաթէ մը ի վեր Տէր Հօր գրութիւնները լոյս չեն տեսներ եւ այս ընթացքին թէ՛ մեր ընթերցողները եւ թէ համայնքային շրջանակները մտահոգուած են այս կապակցութեամբ։
ՆԱՐԷ ԳԱԼԵՄՔԷՐԵԱՆ
Մուրացկանները մարդկային հասարակութեան մէջ գոյութիւն ունին պատմութեան առաջին օրէն: Փողոցային մուրացկանութիւնը տեղի ունեցած է աշխարհի բոլոր երկիրներուն մէջ, թէեւ ատոր չափերը եւ ձեւերը տարբեր են:
ԳԷՈՐԳ ՊԵՏԻԿԵԱՆ
Տարիներէ ի վեր, մեր այս ապրած երկրէն ներս, գրեթէ շաբաթական դրութեամբ, զանազան ուրախ եւ տխուր, պարզ եւ «ծանր» լուրերու կողքին, ձայնասփիւռի կայաններէն, մամուլի էջերէն եւ կամ թիվիներէն կը լսենք, կը կարդանք եւ կը տեսնենք, որ նահանգէ մը ներս, սեւամորթ մը եւ կամ աւելի ճիշդ ափրիկեան-ամերիկացի մը, ոճիր մը, գողութիւն մը գործած կամ կատարած պահուն ձերբակալւած, եւ կամ ալ իբրեւ կասկածելի «անմեղ» տեղը դատապարտուած եւ կամ ալ սպաննուած է:
