Լրահոս

Հանրապետութեան նախագահը այսօր Հայաստանի վարչապետը հիւրընկալելու ընդառաջ երէկ Ատրպէյճանի պաշտօնակցին հետ էր:
Անգարայի կշիռը հետզհետէ զգալի կը դառնայ Երեւան-Պաքու հաշտութեան գործընթացէն ներս: Թուրքիա հաշուի կ՚առնէ հարեւան տարածաշրջաններու հրատապ եւ անկիւնադարձային իրադարձութիւնները՝ առանց էական փոփոխութեան ենթարկելու Հարաւային Կովկասի վերաբերեալ խօսոյթը:

Հայաստանի Ազգային ֆիլհարմոնիք նուագախումբը եւ «Կերոն» զարգացման հիմնադրամը ստորագրեցին համագործակցութեան յուշագիր մը։

ԱՐԱՄ ԱԲՐԱՀԱՄԵԱՆ

Բնականաբար, ես յոյս ունիմ, թէ Փաշինեան չի յաջողիր յեղաշրջում իրականացնել Մայր Աթոռի մէջ։ Ես սա բացարձակապէս անընդունելի կը համարեմ ո՛չ թէ այն պատճառով, որ չեմ տեսներ մեր եպիսկոպոսներու եւ ընդհանրապէս հոգեւորականներու թերութիւնները։

ՍԱԳՕ ԱՐԵԱՆ

Հայաստանի իշխանութիւններուն կողմէ Մայր Աթոռ Սուրբ Էջմիածնի դէմ թիրախաւորումը ունի քաղաքական հաշուարկներով մեկնակէտ:
«Որքան կը գահավիժի կառավարութեան հեղինակութիւնը, այնքան կը բարձրանայ եկեղեցւոյ ազդեցութիւնը։ Հանրութեան զգալի հատուածը անտարբեր չէ այս հարցին շուրջ եւ պատրաստ է գործողութիւններու։ Անոնք գաղափարական հակառակորդներ են՝ ազգային արժեհամակարգի դէմ կամ կողմնակից ըլլալու առումով»:

Գոհունակութեամբ վերահասու կ՚ըլլանք, թէ ԺԱՄԱՆԱԿ-ի ընտանիքի նոր սերունդի շառաւիղներէն Թալիա Մելքոնեան ծափահարելի յաջողութիւն մը արձանագրած է Լոս Անճելըսի մէջ, Ամերիկայի Միացեալ Նահանգներ։

Երեւանէն կը յայտնեն, թէ Անգարայի հետ յարաբերութիւններու կարգաւորման գործընթացէն ներս կայ յառաջընթաց:
Նախագահ Էրտողան-վարչապետ Փաշինեան մօտալուտ հանդիպման սեմին՝ Ռուբէն Ռուբինեան լրագրողներու հետ զրոյցի ընթացքին ըսաւ. «Հայաստան պատրաստ է Իրան-Իսրայէլ հակամարտութեան հաւանական զանազան հետեւանքներով պայմանաւորուած բեմագրութիւններուն»:

Հայաստանի իշխանութիւնները սկսած են թիրախաւորել նաեւ եկեղեցւոյ զօրակցութիւն յայտնած շրջանակները:
Ընկերային ցանցերու վրայ իշխանաւորները՝ հայհոյախառն ոճով նոր հարթութեան մը վրայ դրած են հակաեկեղեցական արշաւը:

ԺԻՐԱՅՐ ՉՈԼԱՔԵԱՆ

Ռումբերու պայթումները կ՚որոտան Միջին Արեւելքի մէջ՝ տարածաշրջանային ու նոյնիսկ համաշխարհային պատերազմի բռնկման սպառնալիք ստեղծելով։ Իսրայէլ-Իրան գոյամարտը ուղղակի կը խառնէ տեղական ուժերու բարդ աշխարհագրութիւնը։

Թուրքիոյ եւ Հայաստանի արտաքին գործոց փոխ-նախարարներու հանդիպում՝ Էրտողան-Փաշինեան ժամադրութեան ընդառաջ:
Անգարա-Երեւան բնականոնացման գործընթացը դարձեալ գետի նման վարարած է՝ միշտ բեկումնային պահու սպասումնով: Պերրիս Էքինճի եւ Վահան Կոստանեան կարծիքի փոխանակումներ ունեցան երկկողմանի օրակարգի հարցերուն եւ տարածաշրջանային իրադարձութիւններուն շուրջ:

Միջազգային օրակարգը կը շարունակէ ողողուած մնալ Իսրայէլ-Իրան պատերազմին վերաբերեալ իրադարձութիւններով։ Միջազգային հարթութեան վրայ համատարած մտահոգութիւն յառաջացած է՝ մինչ պատերազմի կասեցման ուղղեալ ջանքերը անընդհատ կը շարունակուին համաշխարհային դերակատարներու միջոցաւ։