Լրահոս

Անգարա կ՚ակնկալէ Մոսկուա-Երեւան-Պաքու համաձայնութիւններու ամբողջական կատարումը:
Էրտողանի եւ Փութինի հեռախօսազրոյցին ժամանակ օրակարգի վրայ եկաւ Լեռնային Ղարաբաղի շուրջ ստեղծուած կացութիւնը:

Երէկ, Երեւանի մէջ տեղի ունեցաւ բողոքի ցոյց մը՝ շաբաթավերջի արտահերթ ընտրութեան արդիւնքով խորհրդարան մուտք գործած «Հայաստան» դաշինքին կողմէ։ Հանրապետութեան Աւագ դատախազութեան շէնքին առջեւ տեղի ունեցաւ այս հակազդեցութեան հաւաքը, որուն պատճառ դարձած էր բժիշկ Արմէն Չարչեանի կալանաւորումը։

Հայաստանի նախկին նախագահ Սերժ Սարգսեան BBC-ի ռուսական ծառայութեան տուաւ հարցազրոյց մը, որու ժամանակ անդրադարձաւ շաբաթավերջի արտահերթ խորհրդարանական ընտրութեան։ «Այո, ես կը կարծեմ, թէ ան յաղթած է», ըսաւ Սերժ Սարգսեան՝ ձեւով մը հաստատելով ընտրութիւններու արդիւնքով Նիկոլ Փաշինեանի կողմէ արձանագրուած յաջողութիւնը։

Հայաստանի վարչապետ Նիկոլ Փաշինեան երէկ հիւրընկալեց ռուսահայ յայտնի գործարար ու բարերար Սամուէլ Կարապետեանը, որ «Տաշիր» ընկերութիւններու խումբի ղեկավարն է։ Պաշտօնական աղբիւրներու հաղորդումներով, հանդիպման ժամանակ անդրադարձ կատարուեցաւ «Տաշիր»ի ներդրումային ծրագրերու ընթացքին։

Հայաստանի Պետական սենեկային երգչախումբը յառաջիկայ ամսուայ սկիզբին Իտալիոյ մէջ պիտի մասնակցի Ռավեննայի յայտնի փառատօնին։ Քերուպինիի նուագախումբին հետ, ի թիւս այլ ստեղծագործութիւններու, Սենեկային երգչախումբը պիտի ներկայացնէ նաեւ հայ երաժշտութեան կենդանի առասպել Տիգրան Մանսուրեանի կողմէ՝ յատուկ այս փառատօնին համար կատարուած յօրինում մը։

Լիզպոնի «Գալուստ Կիւլպէնկեան» հիմնարկի Հայկական համայնքներու բաժանմունքը կը շարունակէ սփիւռքահայ կրթօճախներու աջակցութեան ուղղեալ ծրագրերը՝ մասնաւորապէս Լիբանանի հայկական վարժարաններու ցանցին միջոցաւ։ Այսպէս, հիմնարկը ներկայիս նոր նախաձեռնութիւնով մը հանդէս կու գայ ու կը պատրաստուի կեանքի կոչել Լիբանանի մէջ ուսուցչական վերաորակաւորման նոր ծրագիր մը:

Ճաբոնցիները արեւի լոյսի օգնութեամբ «կը գրեն» եւ «կը նկարեն» խնձորներու վրայ։ Այսպէս, Ճաբոնի մէջ իւրայատուկ փորձագիտութեան մը միջոցով գեղեցիկ զարդանախշերով պատուած խնձորներ կը ստացուին՝ առանց քիմիական յաւելանիւթերու կիրառման:

Մոսկուա-Պաքու առանցքին վրայ ամենաբարձր մակարդակի հեռախօսազրոյցներով քննարկումներ:
Հայաստանի ընտրութեան աւարտին Ատրպէյճան միշտ հետամուտ տարածքաշրջանային հաղորդակցութիւններու վերականգնման:

ԱՔ կուսակցութեան Իսթանպուլի մասնաճիւղի ղեկավարութեան նախաձեռնութեամբ ընդունելութիւն մը:
Պէյքոզի «Մեճիտիյէ» ապարանքին մէջ հիւընկալուեցան զանգուածային լրատուութեան միջոցներու ներկայացուցիչներ:

Հայաստանի Հանրապետութեան նախագահ Արմէն Սարգսեան յայտարարեց, որ Լեռնային Ղարաբաղի պատերազմի պարտութենէն վերջ պէտք է նաեւ աշխատիլ արտաքին կապերու ամրապնդման ուղղութեամբ։ Սպանական «El Pais» յայտնի թերթին տուած հարցազրոյցին մէջ Արմէն Սարգսեան ըսաւ. «Պէտք է կայունացնենք իրավիճակը եւ կեդրոնանանք բազմաթիւ խնդիրներու վրայ»։