Լրահոս

«Kardeş Türküler» ժողովրդական խումբը շաբաթավերջին խանդավառ ելոյթով մը հանդէս եկաւ Հարպիյէի մէջ:
Ունկնդիրները հայկական նշանաւոր «Հանանէ»ն լսեցին՝ հետեւելով Մարալ Ճերանօղլուին եւ Միհրան Թովմասեանին:

Հայաստան-Ատրպէյճան սահմանի լարուածութեան զուգահեռ արդէն թէ՛ Եւրոպական միութեան եւ թէ՛ ԵԱՀԿ-ի կողմէ դիտորդական առաքելութիւններու տեղակայման պարագաները օրակարգի վրայ եկած են եւ գործնական քայլեր կ՚առնուին։ Վերջին օրերուն ԵԱՀԿ-ի կողմէ կարիքներու գնահատման նպատակով առաքելութիւն մը ուղարկուեցաւ Երեւան։

Հայաստանի վարչապետ Նիկոլ Փաշինեան շաբաթավերջին հիւրընկալեց Իրանի Արտաքին գործոց նախարար Ամիր Ապտուլլահիանը, որ պաշտօնական այցելութիւն մը տուաւ Երեւան, նաեւ Կապանի մէջ մասնակցեցաւ Իրանի հիւպատոսարանի բացման պաշտօնական արարողութեան։

Հայաստանի վարչապետ Նիկոլ Փաշինեանի կողակիցը՝ Աննա Յակոբեան վերջին օրերուն շփումներ ունեցաւ Փարիզի մէջ։ Կը հաղորդուի, որ Էլիզէի պալատէն ներս ան հիւրընկալուեցաւ Ֆրանսայի Առաջին տիկին Պրիժիտ Մաքրոնի կողմէ։

Յայտնի պատմաբան փրոֆ. Էտհեմ Էլտեմ վերջին օրերուն Ֆրանսայի կառավարութեան կողմէ պարգեւատրուեցաւ «Լեժիոն տ՚Օնէօր» շքանշանով։ Ֆրանսական պալատին մէջ այս առթիւ մեծարանքի հանդիսութիւն մը տեղի ունեցաւ ի պատիւ Էտհեմ Էլտեմի։

Մշակոյթի եւ զբօսաշրջութեան նախարարութեան կողմէ կազմակերպուած «Beyoğlu Kültür Yolu» փառատօնը կը շարունակէ անմիջական ուշադրութեան արժանանալ։ Երէկ, Թիւնէլի մէջ, այս ծիրէն ներս տեղի ունեցաւ Պէյօղլուի Բ. երիտասարդ արժէքներու համերգը։

Իրան Հայաստանի եւ տարածաշրջանի անվտանգութիւնը կը համարէ սեփական անվտանգութեան համարժէք:
Նախարար Արարատ Միրզոյեան. «Սա երկու բարեկամ եւ հարեւան երկիրներու ջերմ յարաբերութիւններու ցուցիչն է»:

Երեւանի մէջ եզրափակուեցաւ Եւրոասիոյ տնտեսական միութեան (ԵԱՏՄ) անդամ երկիրներու վարչապետներու հաւաքը։ Երէկ, Եւրոասիոյ միջկառավարական խորհուրդը իրականացուց ընդլայնուած կազմով նիստը։

«Թուրքիա պատրաստ է ենթակառուծուաքներու բոլոր ծրագրերու պարագային ըլլալ Ատրպէյճանի կողքին»:
Էրտողան եւ Ալիեւ երէկ տեսակցեցան Ճեպրայիլի մէջ, մասնակցեցան զանազան բացումներու կամ հիմնարկէքներու:

Արարատ Միրզոյեան երէկ հիւրընկալեց Ամիր Ապտուլլահիանը, որ պաշտօնական այց մը տուաւ Երեւան:
«Թուրքիա Հայաստանի հետ բնականոնացման գործընթացը պէտք է աւելի ու աւելի քիչ կապէ Հայաստան-Ատրպէյճան բանակցային գործընթացին հետ։ Ընդհակառակն, պէտք է գիտակցիլ, որ Հայաստան-Թուրքիա երկխօսութեան յաջողութիւնը կրնայ դրական ազդեցութիւն գործել Հայաստան-Ատրպէյճան բանակցային գործընթացին վրայ»: