Թրքահայ կեանք

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին հիւրընկալեց Արթօ եւ Դալար Հորոզօղլու ամոլը, որ Կէտիկփաշայի «Հրանդ Տինք» վարժարանի կամաւոր հոգաբարձութիւնը կը գլխաւորէ։

Գոհունակութեամբ վերահասու կ՚ըլլանք, թէ մեր համայնքէն Արի Նուպար Պոյաճըօղլուի ջանքերով ստեղծուած է արեւմտահայերէն-անգլերէն թուային թարգմանիչը, որ կառուցուած է Մեթայի (Դիմատետրի) «No Language Left Behind» տիպարի հիման վրայ։

Պոլսահայ գեղարուեստասէր շրջանակները այս շաբաթավերջին ժամադրուած են եզակի ձեռնարկի մը։ Այսպէս, ժողովրդական պարերու եւ ժողովրդական արուեստի երախտաշատ ու տիրական դէմքերէն Ճուլիա Մութլու կը նշէ իր գործունէութեան 50-ամեակը եւ այս յոբելեանը բոլորին կողմէ կը համարուի բացառիկ իրադարձութիւն մը։

Շիշլի մարզակումբի ֆութսալի կազմը յաւակնոտ մեկնարկ մը ըրաւ 2023-2024 եղանակին։ Շիշլիցիները, որոնք վերջին երկու տարիներուն ախոյենութիւն տօնեցին, ներկայ շաբթուան առաջին կէսին Իւրկիւփ մեկնած էին՝ նոր եղանակի սկզբնական փուլի հանդիպումներուն առթիւ։

Մեր համայնքէն Յակոբ Շիրինօղլու անդամակցեցաւ Կալաթասարայ մարզակումբին։ Անցեալ շաբաթավերջին, Կալաթասարայ լիսէի նշանաւոր, պատմական «Թեւֆիք Ֆիքրէթ» սրահի երդիքին տակ հանդիսաւոր արարողութիւն մը տեղի ունեցաւ՝ մարզակումբի նոր անդամներու ընդունման առթիւ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց Թրքահայ վաքըֆներու միութեան (ԹՎՄ-ERVAB) ատենադպիր Լեւոն Քուզիքօղլուն։

Կեդրոնականցիներու հայ կնոջ դերին վերաբերեալ ձեռնարկը կրկնուեցաւ Էսաեան վարժարանի բեմին վրայ:
Ամենապատիւ Սրբազան Պատրիարք Հօր ձեռամբ յուշանուէր մը յանձնուեցաւ տնօրէնուհի Սիլվա Գույումճեանին:

Մեր համայնքէն Սէրլի Սեդա Նշանեանի բեմադրութեամբ այս շրջանին կը բեմադրուի թատերական ներկայացումներու շարք մը, որ «Տերեւ արթ»ի անդրանիկ նախագիծն է։ «Borderline» կը կոչուի այս թատերական ներկայացումը, որու բեմագիրն է Քաան Էրքան։

Զեքիեան Գերապայծառ, Տ. Արամ Արք. Աթէշեան, վերապատուելի Աղապալօղլու եւ Յունաց պատրիարքարանի բարձրաստիճան ներկայացուցիչն ալ պատուեցին հաւաքոյթը:
Նորանշանակ դեսպանին նուիրուեցաւ յայտնի գեղանկարիչ Սայաթ Ուշաքլըկիլի վառ ստեղծագործութիւններէն մին՝ ի յիշատակ Թուրքիոյ աշխատանքի տարիներուն:
Սահակ Սարգսեան-Արփինէ Աւդալեան ամոլը Ատիս Ապապա կ՚ուղեւորուի՝ ուրոյն հետք մը թողած ըլլալով պոլսահայ արդի տարեգրութեանց մէջ, ուր արձանագրուած կը մնան բարի կամքն ու անկեղծութիւնը:

Շիշլի մարզակումբի ներկայացուցիչները վերջին օրերուն մասնակցեցան Իսթանպուլի մինչեւ 14 տարեկաններու մարմնամարզի մրցաշարքին, որու արդիւնքով ապահովեցին փայլուն նուաճումներ։