Թոփգաբուի Լեւոն-Վարդուհեան վարժարանի սաները վերջին օրերուն այցելեցին «Ուսողութեան գիւղը», Շիրինճէ։ Խումբը առաջնորդեց տնօրէնուհի Անիթա Թումայեան։ Աշակերտներուն տեսակէտէ հետաքրքրական էր ծանօթանալ յայտնի մասնագէտ փրոֆ. Ալի Նեսինի հետ, որ ջերմ վերաբերմունք ցոյց տուաւ անոնց նկատմամբ։
Ամեն. Ս. Պատրիարք Հայրը տեսակցեցաւ պոլսահայ դպրոցներու տնօրէններուն կամ ներկայացուցիչներուն հետ:
Համայնքային վարժարաններէ ներս կրօնագիտութեան առարկայի դասաւանդման արդիւնաւէտութեան շուրջ քննարկում:
Թոփգաբուի ընտանիքը վերջին օրերուն մեծ խանդավառութիւն ապրեցաւ՝ թաղի Լեւոն-Վարդուհեան վարժարանի առաջին դասարանի ընթերցման տօնին առթիւ։
Ս. Նիկողայոս եկեղեցւոյ յարակից «Իլքքան» սրահին մէջ տեղի ունեցաւ առաջին դասարանի փոքրիկներուն հանդէսը, որու ընթացքին անոնք իրենց յաջող ելոյթներով արժանացան ծափահարութիւններու։
Պատրիարքարանի աղբիւրները հաղորդեցին, որ նախընթաց օր իր մահկանացուն կնքած է՝ Անգարայի փոքրաթիւ հայ համայնքի երիցագոյն դէմքերէն Կարապետ Սէօքելի։ Յառաջացած տարիքին բերումով ան կը տառապէր առողջական խնդիրներէ, իսկ շուրջ երկու տարիէ ի վեր, դժբախտաբար, անկողնոյ կը ծառայէր:
Փրոֆ. Թորոս Ալճանի գլխաւորած համախոհներու խումբը կը պատրաստուի ներկայանալ համայնքին:
Սուրբ Փրկիչ Ազգային հիւանդանոցի հոգաբարձութեան ենթադրեալ ընտրութիւններուն կապակցութեամբ թրքահայ կեանքէն ներս նոր խմորումներ: Պատրիարքարանի մէջ խորհրդակցութեան մասնակցեցան թեկնածուները՝ մինչ կը սպասուի պետական պատկան իշխանութիւններուն կողմէ ընտրական կանոնադրութեան պաշտօնապէս հրապարակման:
Երէկ, Գալֆաեան տան մէջ ուրախ մթնոլորտով հիւրընկալւեցաւ Տ. Յարութիւն Վրդ. Տամատեան, որ տեսակցեցաւ տնօրէնուհի Թամար Ներկիզի եւ վաստակաւոր կրթական մշակ Արուսեակ Մկրտիչեանի հետ։ Այցելութեան ընթացքին հայր սուրբը դպրոցի գրադարանին համար նուիրեց՝ իր վարդապետական թեզին հիման վրայ հրատարակուած գիրքէն մակագրուած օրինակ մը։
Համայնքային շրջանակներէ ներս սպասումները կը շարունակուին՝ Սուրբ Փրկիչ Ազգային հիւանդանոցի հոգաբարձութեան կազմի վերանորոգման համար։ Մինչ պաշտօնական մարմիններու կողմէ տակաւին ոչ-իսլամ փոքրամասնական համայնքներու հիւանդանոցներու ընտրութեան կանոնադրութիւնը չէ հրապարակուած, թրքահայ ազգային-եկեղեցական կեանքի օրակարգին վրայ միշտ ուշադրութիւն կը գրաւեն խմորումները՝ Սուրբ Փրկիչ հիւանդանոցի հոգաբարձութեան ղեկը յառաջիկայ շրջանին ստանձնելու համար։
«Յանկարծ» թատերախումբը նախընթաց օր Մխիթարեան վարժարանի ընտանիքին համար ներկայացուց «Yüreğim Dağlardadır» թատերախաղը։ Բեմագրութիւնը պատրաստուած է ամերիկահայ գրող Ուիլիըմ Սարոյեանի անգլերէն համանուն գործին հիման վրայ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց բեմադրիչներ Էլա Եալչընն ու Ալէն Փերտեճին, որոնք «Մերհապա» անունով շարժանկարի ժապաւէնի մը արտադրութեան պատրաստութիւններուն ձեռնարկած են։
Երէկ երեկոյեան, Կեդրոնական սանուց միութեան մէջ գումարուեցաւ ընդհանուր ժողով։ Հերթական համագումարին առթիւ միութեան հաւաքատեղին փութացած էին Կեդրոնականի զանազան սերունդներէ սաներ, որոնք քուէարկեցին նոր վարչութեան ձեւաւորման համար։
