Էսաեան սանուց միութեան «Մարալ» համոյթը շաբաթավերջին հանդէս եկաւ ելոյթով մը, որ մագնիսացուց համայնքային շրջանակներու ուշադրութիւնը։ Պէշիկթաշի քաղաքապետարանի առընթեր Ֆուլիայի «Սիւլէյման Սեպա» գեղարուեստասրահին մէջ տեղի ունեցաւ ձեռնարկը, որու պատուոյ հիւրն էր Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան։
Ազգային մեծ ժողովէն բազմանդամ պատուիրակութիւն մը շաբաթավերջին այցելեց Պատրիարքարան:
Ամենապատիւ Սրբազան Պատրիարք Հայրը ներկայացուց Աթոռի պատմութիւնը, առաքելութիւնն ու գործունէութիւնը:
Պէզճեան Մայր վարժարանին մէջ շաբաթավերջին տեղի ունեցան մտախաղեր, որոնք վեցերորդն էին իրենց նմաններու շարքին։ Գումգաբուի ընտանիքը այս միջվարժարանային մրցաշարքը կազմակերպած էր՝ Թուրք ուղեղի խումբի հետ համագործակցութեամբ։
Սկիւտարի Ս. Խաչ եկեղեցւոյ մէջ երէկ Մայրերու օրը նշուեցաւ՝ թաղային խորհուրդի եւ տիկնանց յանձնախումբի կողմէ կազմակերպուած անմիջական հաւաքոյթով մը։
Սուրբ Խաչ դպրեվանքի մէջ շաբաթավերջին տեղի ունեցաւ Մայրերու օրուան առթիւ նախաճաշ մը, որ երկրորդն էր իր նմաններու շարքին։ Խնամակալութեան, տնօրէնութեան եւ ծնողաց միութեան ջանքերով կազմակերպուած հաւաքոյթի ընթացքին ստեղծուեցաւ մեծ ոգեւորութիւն։
Պաքըրգիւղի Տատեան վարժարանին մէջ երէկ տեղի ունեցաւ առաջին դասարանի փոքրիկներու ընթերցման տօնը, որ արտասովոր խանդավառութեան բեմահարթակը հանդիսացաւ։ Փոքրիկներուն հանդէսը ունէր նաեւ վաղուան Մայրերու օրուան յատկացուած բաժին մը։
Օրթագիւղի Թարգմանչաց վարժարանին մէջ վերջին օրերուն տեղի ունեցաւ հետաքրքրական փառատօն մը։ «Naker» փառատօնը մասնակից աշակերտներուն առջեւ ճանապարհ կը հարթէր՝ երեւակայութենէ դէպի իրականութիւն։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ ընդունեց երիտասարդ դաշնակահար Պարէտ Չաղլըչուպուքճուն, որու վերջին շրջանին արձանագրած վերելքը մեծ ուրախութիւն կը ստեղծէ համայնքային կեանքէն ներս։
Խոր ցաւով վերահասու եղանք, որ իր մահկանացուն կնքած է թրքահայ համայնքի երէց սերունդի վառ ներկայացուցիչներէն՝
ԱՆԱՅԻՍ ԵԱԼՏԸԶՃԵԱՆ
Սա իսկապէս ցաւալի կորուստ մըն է՝ որքան որ ալ ան յառաջացած տարիքի մէջ հրաժեշտ առած ըլլայ երկրաւոր կեանքէն։
Սուրբ Խաչ դպրեվանքի մէջ տեղի ունեցաւ եզակի ձեռնարկ մը, որով ոգեկոչուեցաւ անմոռանալի բանասէր Գէորգ Փամպուքճեան, որ իր հետազօտութիւններով ու ծաւալուն ուսումնասիրութիւններով անջնջելի հետք մը թողած է պոլսահայ արդի տարեգրութեանց մէջ։
