Թրքահայ կեանք

Պէզճեան Մայր վարժարանին մէջ անցեալ շաբաթավերջին տեղի ունեցան մտախաղեր, որոնց մասնակցութիւն բերին մեր համայնքային նախակրթարանները։

Անցեալ շաբթուան մէջ տեղի ունեցաւ «Հայճար»ի հերթական համագումարը, որու արդիւնքին ընտրուեցաւ միութեան 7-րդ շրջանի վարչութիւնը։ Նորընտիր վարչութիւնը արդէն ձեւաւորած է նաեւ իր դիւանը։

​Պաքըրգիւղի ընտանիքը փուլ առ փուլ կը գործադրէ Տատեան վարժարանի հիմնադրութեան 175-ամեակին ձօնուած յոբելենական ծրագիրը։ Այս ամբողջէն ներս, անցեալ շաբթուան մէջ, դպրոցի «Տիգրան Կիւլմէզկիլ» հանդիսասրահի երդիքին տակ տեղի ունեցաւ բանակցութիւն մը, որու զուգահեռ կազմակերպուած էր լուսանկարչական ցուցահանդէս մը։

Շիշլի մարզակումբի գործունէութիւնը վերջին շաբաթներուն կը շարունակուի ամբողջ թափով։ Տարիներէ ի վեր կազմակերպուող եւ արդէն վաղուց աւանդական դարձած վոլէյպոլի եւ պասքեթպոլի ձմրան դասընթացքները կը շարունակուին յաջողութեամբ։

Հայոց հաւատքի հօր՝ Ս. Գրիգոր Լուսաւորչի մուտն ի Վիրապին առթիւ շաբաթավերջին աւանդական արարողութիւններ տեղի ունեցան Գուզկունճուքի Ս. Գրիգոր Լուսաւորիչ եկեղեցւոյ մէջ։ Հաւատացեալներու հոծ բազմութեան մը մասնակցութեամբ արարողութիւններուն հանդիսապետեց Տ. Շնորհք Աբեղայ Տօնիկեան, որ խօսեցաւ նաեւ քարոզ մը։ Ս. Պատարագը մատոյց Տ. Գրիգոր Ա. Քհնյ. Տամատեան, որու անուան տօնն էր եւ այս առթիւ շրջապատուեցաւ իր հոգեւոր եղբայրներուն եւ հաւատացեալներուն կողմէ։

Պատրիարքական ընդհանուր փոխանորդ Տ. Արամ Արք. Աթէշեան անցեալ շաբթուան երկրորդ կէսին Գումգաբուի մէջ հիւրընկալեց Անգարայի մօտ Գանատայի դեսպան Քրիս Պութըրը։ Զրոյցի ընթացքին դեսպանը շնորհակալութիւն յայտնեց Գանատայի Արտաքին գործոց նախարարին նկատմամբ մօտաւոր անցեալին Պատրիարքարան կատարած այցելութեան ընթացքին ցուցաբերուած յարգալիր վերաբերմունքին համար։

Պէյօղլուի Ս. Եկեղեցեաց թաղային խորհուրդի կազմէն ներս տարաձայնութիւններ:
Բազմամեայ համայնքային գործիչ Վահրամ Վարդանեան հրաժարեցաւ իր պաշտօնէն:

Տ. Արամ Արք. Աթէշեան. «Սուրբ Զատիկէն անմիջապէս վերջ, սուգի շրջանի աւարտին պիտի սկսի պատրիարքական ընտրութեան գործընթացը»:
Խորհրդակցական մարմնի երէկուան ժողովին ժամանակ յարմար նկատուեցաւ՝ այժմէն ձեռնարկել ընտրական ցուցակներու կատարելագործման նպատակով ջանքերուն:

Տեսակցեցաւ՝ ԱՐԵՒԻԿ ՊԱՊԱՅԵԱՆ

Անանուն հեղինակի խօսքերով՝ իսկական նկարիչը երբեք չի տեսներ աշխարհը այնպէս, ինչպէս որ է, այլապէս ան նկարիչ չէր ըլլար…
Այսօրուան իմ զրուցակիցն է տաղանդաշատ նկարիչ Սայաթ Ուշաքլըկիլ. անձ մը, զոր կը սիրէ արուեստը ու կ՚ապրի նկարչութեամբ։

Երէկ, հաճոյքն ունեցանք խմբագրատանս մէջ հիւրընկալելու Գարակէօզեան Տան առաջին դասարանի փոքրիկները։ Իրենց այցելութիւնով շատ խանդավառ մթնոլորտ մը ստեղծուեցաւ մեր յարկէն ներս։