Պատրիարքական ընդհանուր փոխանորդ Տ. Արամ Արքեպիսկոպոս Աթէշեան երէկ Գումգաբուի մէջ հիւրընկալեց Նարլըգաբուի Ս. Յովհաննէս եկեղեցւոյ թաղային խորհուրդի ատենապետ Վազգէն Վարդանօղլուն եւ իր գործակից ընկերները։ Ներկայ էին նաեւ Տ. Տիրան Ա. Քահանայ Րէիսեան եւ հոգեւոր հովիւ Տ. Զաքար Քահանայ Քոփարեան։
Երէկ, հաճոյքն ունեցանք խմբագրատանս մէջ հիւրընկալելու Ղալաթիոյ խնամակալութեան ատենապետ Յարութիւն Էպէօղլուն եւ իր գործակից ընկերներէն Տքթ. Վարդգէս Պէյլէրեանն ու Մինաս Գաբուսուզը։ Այս շաբաթավերջին պիտի սարքուի Կեդրոնական վարժարանի ի նպաստ տարեկան աւանդական սիրոյ սեղանը, որու ընդառաջ խնամակալութեան ներկայացուցիչները փութացած էին տեղեկութիւններ փոխանցելու տարուած պատրաստութիւններուն շուրջ։
Խոր ցաւով վերահասու եղանք, թէ այս առաւօտ յանկարծամահ եղած է մեր համայնքի սիրուած ու յարգուած դէմքերէն մին՝ Կարօ Տէյիրմենճեան։ Դժբախտաբար, մահը վրայ հասած է գետնուղիի մէջ ճամբորդելու ժամանակ եւ ան անմիջապէս փոխադրուած է Շիշլիի «Էթֆալ» հիւանդանոցը, ուր կատարուած միջամտութիւնները մնացած են ապարդիւն։
Տ. Արամ Արք. Աթէշեան Ֆէրիւգիղի մէջ ահազանգ հնչեցուց համայնքէ ներս առկայ անտարբերութեան:
Պատրիարքական ընդհանուր փոխանորդը ցաւ յայտնեց Թորոս Ալճանի յայտարարութիւններուն կապակցութեամբ:
Ս. Վարդանանց եկեղեցւոյ մէջ կրօնական եւ աշխարհիկ աւանդական հանդիսութիւններ՝ Մէրամէթճեան վարժարանի ի նպաստ տարեկան հանգանակութեան առթիւ:
Պատրիարքական ընդհանուր փոխանորդ Տ. Արամ Արք. Աթէշեան նախագահեց արարողութիւններուն: Պատարագեց Տ. Թաթուլ Ծ. Վրդ. Անուշեան: Պատուոյ հիւրն էր Մուսթաֆա Սարըկիւլ, որ հոգաց մատաղօրհնութեան բոլոր ծախսերը: Ներկայ էր նաեւ Շիշլիի քաղաքապետ Հայրի Ինէօնիւ: Աշակերտներ ծափահարութիւններու արժանացան իրենց յաջող ելոյթներով:
Սրբոց Թարգմանչաց Վարդապետաց տօնի առիթով, երէկ Գարակէօզեան Տան մէջ հիւրընկալուեցաւ Տ. Յարութիւն Աբեղայ Տամատեան, թէ՛ աշակերտներուն եւ թէ ուսուցչաց կազմին հետ ունեցաւ հաճելի հանդիպում մը։ Ան մտերմիկ ոճով խօսեցաւ նիւթ ունենալով շարականները՝ երեք անջատ նիստերով:
Գալֆաեան Տան աշակերտները նախընթաց օր հաճելի նաւապտոյտ մը կատարեցին Վոսփորի մէջ։ Սարըեէրի «Ռոթարաքթ» ակումբին նախաձեռնութեամբ կազմակերպուեցաւ այս նաւապտոյտը։
Պատրիարքական ընդհանուր փոխանորդ Տ. Արամ Արք. Աթէշեան երէկ հիւրընկալեց Ֆէրիգիւղի Ս. Վարդանանաց եկեղեցւոյ թաղային խորհուրդի ատենապետ Մանուկ Էօղէրն ու իր գործակից ընկերները։ Ներկայ էր նաեւ թաղի քարոզիչ, Պատրիարքական Աթոռի լուսարարապետ Տ. Թաթուլ Ծ. Վրդ. Անուշեան։
Սրբոց Վարդանանց եկեղեցւոյ եւ Մէրամէթճեան վարժարանի ի նպաստ այս շաբաթավերջի տարեկան աւանդական սիրոյ սեղանի սեմին:
Ֆէրիգիւղի թաղային խորհուրդը համայնքին աջակցութիւնը կ՚ակնկալէ՝ կայուն թափով յառաջ տանելու համար իր բազմակողմանի գործունէութիւնը:
Պատրիարքական ընդհանուր փոխանորդ Տ. Արամ Արքեպիսկոպոս Աթէշեան նախագահեց երէկուան կրօնական եւ աշխարհիկ աւանդական արարողութիւններուն:
Համայնքային շրջանակները զօրակցութիւն ցուցաբերեցին Պէզճեան Մայր վարժարանի համար: Աշակերտներու ելոյթները արժանացան ծափահարութիւններու: Պիւտճէն փակուեցաւ մասամբ:
