Թրքահայ կեանք

Աւստրիոյ Վիեննա քաղաքէն աստուածաբաններու եւ պատմաբաններու խումբ մը նախընթաց օր այցելեց Պատրիարքարան, ի բացակայութեան Պատրիարքական ընդհանուր փոխանորդ Տ. Արամ Արք. Աթէշեանի, ընդունուեցաւ լուսարարապետ Տ. Թաթուլ Ծ. Վրդ. Անուշեանի կողմէ։

Երէկ, Թրքահայ ուսուցչաց միութիւնը կազմակերպեց մեր կրթական մշակներու համար նախատեսուած տարեկան աւանդական պտոյտը։ Ուսուցչաց օրուան շրջանին զուգադիպած այս պտոյտին մասնակցեցաւ շուրջ հարիւր կրթական մշակ։

Մխիթարեան վարժարանի մէջ մեծ խանդավառութեամբ նշուեցաւ 24 նոյեմբեր, Ուսուցչաց օրը: Մխիթարեան հայրերու, վարժարանի վարչայիններու, ուսուցչաց կազմի եւ ծնողներու ներկայութեամբ կայացած հանդէսին աշակերտները իրենց ինքնաբուխ ելոյթներով գիտցան կրկին սիրտերը գրաւել իրենց թանկագին ուսուցիչներուն:

Գա­տը­գիւ­ղի Ա­րա­մեան-Ուն­ճեան վար­ժա­րա­նի մէջ նո­յեմ­բեր ա­մի­սը յատ­կա­ցուած էր ար­քու­նի ճար­տա­րա­պետ­ներ Պա­լեան գեր­դաս­տա­նի կա­ռոյց­նե­րու ծա­նօ­թաց­ման:
Վար­ժա­րա­նին մէջ բո­լոր դա­սա­րան­նե­րը ի­րենց մա­կար­դա­կին հա­մե­մատ կա­տա­րե­ցին Պա­լեան­նե­րու վե­րա­բե­րեալ աշ­խա­տու­թիւն­ներ ու տե­ղեակ դար­ձան ա­նոնց Օս­մա­նեան կայս­րու­թեան օ­րով կա­ռու­ցած ճար­տա­րա­պե­տա­կան գլուխ գոր­ծոց­նե­րուն։

Անցեալ շաբաթավերջին՝ 23 եւ 24 նոյեմբերին Իսթանպուլի «Ճեւահիր» պանդոկի սրահներուն մէջ տեղի ունեցաւ գագաթաժողով մը, որուն նիւթն էր «Կին եւ արդարութիւն»։

Երէկ, հաճոյքն ունեցանք խմբագրատանս մէջ ընդունելու Թոփգաբուի Ս. Նիկողայոս եկեղեցւոյ թաղային խորհուրդի ներկայացուցիչները՝ Մուրատ Չաքանը, Նուարդ Պարընը եւ Եւգինէ Վանլըօղլուն։ Այս շաբաթավերջին Գումգաբուի մէջ սիրոյ սեղան մը պիտի սարքուի ի նպաստ Թոփգաբուի Լեւոն-Վարդուհեան վարժարանին:

Հարիւր յիսուն եւ երկու տարիներ անցան այն օրէն, երբ հոգւով ու սրտով վեհ հայուհին՝ Սրբուհի Մայրապետ Գալֆաեան ուխտեց տէր կանգնիլ իր ազգի որբացեալ ու կարիքաւոր զաւակներուն եւ դարձաւ երախտաշատ մայր մը։ Տարիներ անցան այն օրերէն, երբ Սրբուհի Մայրապետի ձեռամբ սկիզբ առին սուրբ առաքելութեան առաջին քայլերը եւ այդպիսով ամուր եւ անսասան հիմք մը հաստատուեցաւ Պոլսոյ մէջ։ Երկա՜ր ու դժուար տարիներ…

Պոմոնթիի Մխիթարեան վարժարանին մէջ Ուսուցչաց օրը նշուեցաւ մեծ խանդավառութեամբ։ Այս առթիւ դպրոցէն ներս տեղի ունեցաւ հանդէս մը, որու ընթացքին աշակերտները իրենց գործադրած յայտագրով ուսուցիչներու նկատմամբ արտայայտեցին իրենց սէրն ու յարգանքը։

Գումգաբուի մէջ, Ս. Աստուածածին Աթոռանիստ Մայր եկեղեցւոյ համալիրէն ներս երէկ նշուեցաւ Գալֆաեան Տան հիմնադրութեան 152-րդ տարեդարձը։ Կրօնական եւ աշխարհիկ արարողութիւններուն հանդիսապետեց Պարիարքական աթոռի լուսարարապետ Տ. Թաթուլ Ծ. Վրդ. Անուշեան, որ տուաւ նաեւ օրուան պատգամը։

Հայ Եկեղեցւոյ երիտասարդաց համաշխարհային միաւորումը այս օրերուն Մոսկուայի մէջ կ՚իրականացնէ հաւաք մը։ Եւրոպայի եւ Մերձաւոր Արեւելքի թեմերէն եւ Ռուսաստանի թեմէն երիտասարդներ եւ հոգեւոր առաջնորդներ կը մասնակցին այս հաւաքին, որուն կը մասնակցի նաեւ Պոլսոյ Պատրիարքական Աթոռը։