Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան կը շարունակէ հովուապետական այցելութիւններ շնորհել մեր եկեղեցիներուն։ Այսպէս, Ամեն. Ս. Պատրիարք Հայրը երէկ այցելեց Սուրբ Փրկիչ Ազգային հիւանդանոցի համանուն մատուռը, Եշիլգիւղի Ս. Ստեփանոս եւ Պաքըրգիւղի Ծնունդ Ս. Աստուածածին եկեղեցիները։
Պատրիարքական Աթոռի երանաշնորհ գահակալներէն Յովհաննէս Կոլոտ Բաղիշեցի երէկ ոգեկոչուեցաւ Ղալաթիոյ Ս. Գրիգոր Լուսաւորիչ եկեղեցւոյ մէջ, որու համալիրէն ներս կը գտնուի իր շիրիմը։ Ինչպէս ծանօթ է, երանաշնորհ հովուապետը կը համարուի Պատրիարքական Աթոռի երկրորդ հիմնադիրը՝ իր գահակալութեան շրջանին ապահոված ձեռքբերումներուն եւ կատարած նախախնամական դերին բերումով։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Վիեննայէն՝ սփիւռքահայ երիտասարդ ակադեմական Գէորգ Յակոբճեանը։ Այս վերջինը ներկայիս քաղաքս կ՚այցելէ իր տոքթորականի թեզի ուսումնասիրութիւններուն համար։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան կը շարունակէ իր անդրանիկ հովուապետական այցելութիւնները շնորհել մեր եկեղեցիներուն։ Այսպէս, Ամեն. Ս. Պատրիարք Հայրը երէկ օրուան տեւողութեան այցելեց Վոսփորի Ասիական ափի մեր եկեղեցիները։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան սկսաւ հովուապետական այցելութիւններ շնորհել մեր եկեղեցիներուն։ Երէկուան դրութեամբ Նորին Ամենապատուութիւնը սկսաւ այցելել մեր եկեղեցիները։ Աւանդութիւն է, որ Պոլսոյ Աթոռի գահակալը պաշտօնի կոչուելէ վերջ հովուապետական այցելութիւններ կը շնորհէ այն եկեղեցիներուն, որոնք Պատրիարքական Աթոռի հոգեւոր իրաւասութեան սահմաններուն մէջ կը մնան։
Մեներգչուհի Մարալ Այվազ երէկ երեկոյեան համերգով մը հանդէս եկաւ Շիշլիի քաղաքապետութեան «Քենթ» մշակոյթի կեդրոնին մէջ։ Սա Մարալ Այվազի առաջին մենահամերգն էր, որ պսակուեցաւ փայլուն յաջողութեամբ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան վերջին օրերուն հիւրընկալեց Իսթանպուլի երեսփոխան Մուսթաֆա Տեմիրը, որ նախապէս երկար ատեն եղած էր Ֆաթիհի քաղաքապետ։ Հանդիպման ներկայ եղաւ Պատրիարքական փոխանորդ Տ. Գրիգոր Ա. Քհնյ. Տամատեան։ Մուսթաֆա Տեմիր քաղաքավարական այցելութեան փութացած էր՝ անձամբ շնորհաւորելու համար Նորին Ամենապատուութեան ընտրութիւնը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր Գումգաբուի մէջ հիւրընկալեց Էսաեան սանուց միութեան «Մարալ» համոյթի ներկայացուցիչները՝ գլխաւորութեամբ գեղարուեստական ղեկավար Կարպիս Չափքանի։ Յանուն համոյթի ընտանիքին, անոնք շնորհաւորութիւններ եւ յաջողութեան մաղթանքներ յղեցին Ամեն. Ս. Պատրիարք Հօր։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր Գումգաբուի մէջ հիւրընկալեց Գերմանիայէն՝ «Մարթին Պոսեր» սեմինարի վերատեսուչ Փրոֆ. Թոմաս Քինքէրը։ Ներկայ էր նաեւ Պատրիարքարանի միջեկեղեցական յարաբերութիւններու պատասխանատու Տ. Տրդատ Քհնյ. Ուզունեան։
Ամեն. Ս. Պատրիարք Հայրը կը պատրաստուի այցելել Մայր Աթոռ Սուրբ Էջմիածին։ Նորին Ամենապատուութիւնը երէկուան մամլոյ ասուլիսին ընթացքին տեղեկացուց, որ սա պիտի ըլլայ իր առաջին արտասահմանեան ուղեւորութիւնը՝ պատրիարքի կարգավիճակով։
