Պոմոնթիի Մխիթարեան եւ Սամաթիոյ Անարատ Յղութիւն վարժարաններու սաներէն բաղկացեալ խումբ մը վերջերս երկօրեայ այցելութիւն մը տուաւ Անգարա։ Թուրքիոյ Կաթողիկէ հայոց վիճակաւոր Տ. Լեւոն Արք. Զեքիեան գլխաւորեց այս այցելութիւնը, որու ընթացքին տղաքը շրջեցան մայրաքաղաքի զանազան տեսարժան վայրերը։
Հայերէնի վաստակաւոր ուսուցչուհի Լեռնա Գարագիւթիւք վերջերս հիւրընկալուեցաւ Պէզճեան Մայր վարժարանէն ներս։ Ան Մայր վարժարանի մէջ ներկայացուց «Դպրոցի ճամբուն վրայ» խորագրեալ վերջին գիրքը, որով իր ներդրումը բերած է մեր մանկական գրականութեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան անցեալ շաբթուան մէջ հիւրընկալեց մեր համայնքէն խումբ մը անդամներ, որոնց արմատները կ՚առընչուին Եոզղատի Պուրունքըշլա գիւղին հետ։ Այսպէս, Գումգաբու այցելեցին՝ Յովսէփ Արզուման, Նազարէթ Էօզսահակեան, Նազար Պինաթլը, Տքթ. Մելքոն Պալճը եւ այլք։
Գուզկունճուքի Ս. Գրիգոր Լուսաւորիչ եկեղեցւոյ թաղային խորհուրդի ատենապետ Եդուարդ Այվազեան վերջերս մասնակցեցաւ յատկանշական հաւաքոյթի մը։ Հանրապետութեան նախագահութեան առընթեր Հաղորդակցութեան բաժանմունքի ղեկավարութիւնը վերջերս ձեռնամուխ եղած է ծրագրի մը, որ կը կոչուի՝ «Թուրքիոյ խճանկարը. Զանազան կրօններու հանդիպման կէտը»։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան վերջերս Գումգաբուի մէջ հիւրընկալեց Ամերիկայի Միացեալ Նահանգներէն խումբ մը ուսանողներ։ Այսպէս, Պատրիարքարան փութացին Քոլումպիայի համալսարանէն, Նիւ Եորք, ուսանողներ, որոնք Նորին Ամենապատուութենէն տեղեկութիւններ ստացան Հայ Եկեղեցւոյ եւ թրքահայ իրականութեան շուրջ։
Թաքսիմի Ս. Յարութիւն եկեղեցւոյ մէջ երէկ ոգեկոչուեցան հոգելոյս ազգային բարերարներ՝ Յովհաննէս եւ Մկրտիչ Էսաեան հարազատները։ Էսաեան վարժարանի հիմնադիր այս երկու երախտաշատ անունները բիւր յարգանքով վերյիշուեցան հերթական անգամ։
Շիշլիի «Ճեմիլ Ճանտաշ» մշակոյթի կեդրոնին մէջ շաբաթավերջին մասնաւոր համերգով մը վերյիշուեցաւ յայտնի երգահան Օննօ Թունչ։ Թրքական փոփ երաժշտութեան ակունքներուն կանգնած արուեստագէտ մըն է Օննօ Թունչ, որու ի յիշատակ կազմակերպուած համերգը զուգադիպեցաւ իր մահուան 24-րդ տարելիցին։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին Գումգաբուի մէջ հիւրընկալեց Կաթողիկէ Հայոց վիճակաւոր Տ. Լեւոն Արք. Զեքիեանը։ Ներկայ էր նաեւ Կրօնական ժողովի ատենապետ, Պատրիարքական Աթոռի լուսարարապետ ու դիւանապետ Տ. Թաթուլ Ծ. Վրդ. Անուշեան։
Հիւսիսային Ամերիկայի Արեւելեան թեմի Ուաշինկթընի թեմական պատուիրակ Տ. Վիգէն Արք. Այգազեան, որ վերջերս քաղաքս կը գտնուէր, քաղաքավարական այցելութիւն մը տուաւ Պատրիարքարան եւ հանդիպում մը ունեցաւ Ն.Ա.Տ. Սահակ Բ. Պատրիարք Հօր հետ։
Ն.Ա.Տ. Սահակ Բ. Պատրիարք Հայրը վերջին օրերուն Գումգաբուի մէջ հիւրընկալեց՝ Անգարայի մօտ Գանատայի նորանշանակ դեսպան Ճամալ Քոքարն ու Իսթանպուլի մօտ աւագ հիւպատոս Պրահիմ Աշութալը։ Գանատացի դիւանագէտներու այցելութեան նպատակն էր՝ ծանօթանալ Թուրքիոյ հայ համայնքի հոգեւոր կեդրոնին եւ շնորհաւորել Նորին Ամենապատուութիւնը։
