ՍԱՄԱԹԻՈՅ ՄԱՏԱՂՕՐՀՆՈՒԹԻՒՆԸ
Պատրիարքական տեղապահ Տ. Սահակ Եպսկ. Մաշալեան հանդիսապետեց Ս. Գէորգ եկեղեցւոյ երէկուան կրօնական եւ աշխարհիկ աւանդական արարողութիւններուն։
Սիրոյ սեղանին ներկայ գտնուեցաւ նաեւ Կրօնական ժողովի ատենապետ Տ. Արամ Արք. Աթէշեան։ Եսայի Տեմիր տեղեկացուց, որ ատենապետի պաշտօնը պիտի փոխանցէ։ Բարերարուհի Հայկան Պիրոս ծափողջոյններու ներքեւ ստացաւ յուշանուէր մը։
Համայնքային շրջանակները հերթական անգամ զօրակցութեան առարկայ դարձուցին Սահակեան-Նունեան վարժարանը, որու պիւտճէի հաւասարակշռման համար հանգանակուեցաւ լուրջ գումար մը։
Իսթանպուլահայ սանուց միութիւններու նախաձեռնութեամբ երէկ Սկիւտարի բարձունքին տեղի ունեցաւ խանդավառ խրախճանք մը։ Աւանդական այս դաշտահանդէսը կազմակերպուած էր Գալֆաեան Տան ննջարանի բաժնի համալիրէն ներս։
Պատրիարքական տեղապահ Տ. Սահակ Եպսկ. Մաշալեան երէկ հիւրընկալեց Շիշլիի գերեզմանատան վարչութենէն Վահէ Ասլանաթան եւ յայտնի քանդակագործ ու նկարիչ Էրօլ Սարաֆեանը։ Հարկ է նշել, որ Էրօլ Սարաֆեանի կողմէ ստեղծագործուած մեծանուն երգիծաբան Յակոբ Պարոնեանի կիսանդրին վերջերս տեղադրուած է Շիշլիի գերեզմանատան մէջ եւ բացումը պիտի կատարուի 5 հոկտեմբերին։
Պատրիարքական տեղապահ Տ. Սահակ Եպսկ. Մաշալեան երէկ Գումգաբուի մէջ հիւրընկալեց Թոփգաբուի Ս. Նիկողայոս եկեղեցւոյ թաղային խորհուրդի ատենապետ Շանթ Չաքմաքճըն ու գործակից ընկերները։ Թաղականներուն հետ էր նաեւ հոգեւոր հովիւ Տ. Մինաս Ա. Քհնյ. Ճիհանկիւլեան։
Գումգաբուի ընտանիքը կը պատրաստուի Ս. Աստուածածին Աթոռանիստ Մայր եկեղեցւոյ եւ Պէզճեան Մայր վարժարանի ի նպաստ սարքուելիք տարեկան սիրոյ սեղանին, որ տեղի պիտի ունենայ 13 հոկտեմբերին։ Երէկ երեկոյեան «Պէզճեան» սրահին մէջ տեղի ունեցաւ հաւաքոյթ մը, որով ազդարարուեցաւ տարեկան սիրոյ սեղանի նախապատրաստական աշխատանքներուն սկիզբը։
Պատրիարքական տեղապահ Տ. Սահակ Եպսկ. Մաշալեան երէկ մասնակցեցաւ Չեխիոյ Ազգային տօնին առթիւ քաղաքիս մէջ սարքուած պաշտօնական ընդունելութեան, որ կազմակերպուած էր «Հիլթըն» պանդոկէն ներս։ Սոյն տօնը ծանօթ է նաեւ «Բարի արքայ Վենսեսլաս» անունով եւ ձօնուած է այդ արքայի սրբացման, որ տեղի ունեցած է 935 թուականին՝ իր սպանութենէն վերջ։
Գուզկունճուքի Ս. Գրիգոր Լուսաւորիչ եկեղեցւոյ մէջ երէկ մատուցուեցաւ Ս. Պատարագ՝ ձեռամբ Տ. Պարթեւ Քհնյ. Գարագաշեանի, որ հիւրաբար կը գտնուի քաղաքիս մէջ։ Ներկայ էր նաեւ Տ. Շահէն Քհնյ. Օհանեան։ Երգեցողութիւնները կատարուեցան՝ ղեկավարութեամբ Մուրատ Կսսրկ. Իչլինալչայի։
Ֆէրիգիւղի Ս. Վարդանանց եկեղեցւոյ թաղային խորհուրդի ատենապետ Մանուկ Էօղէր ԺԱՄԱՆԱԿ-ին յայտարարութիւններ ըրաւ Թուրքիոյ հայոց 85-րդ պատրիարքի ընտրութեան համար պետութեան կողմէ ուղարկուած կանոնադրութեան շուրջ։ Իր ընդհանուր արժեւորումին մէջ ատենապետ Մանուկ Էօղէր ըսաւ հետեւեալը.
Երէկ, հաճոյքն ունեցանք խմբագրատանս մէջ հիւրընկալելու Սամաթիոյ Ս. Գէորգ եկեղեցւոյ թաղային խորհուրդի ատենապետ Եսայի Տեմիրն ու աշխոյժ անդամներէն Նուրհան Տավուլճեանը։ Այս շաբաթավերջին տեղի պիտի ունենայ Ս. Գէորգ եկեղեցւոյ եւ Սահակեան-Նունեան վարժարանի ի նպաստ տարեկան աւանդական մատաղօրհնութիւնը, որու ընդառաջ, ըստ ընկալեալ սովորութեան, թաղային խորհուրդի ներկայացուցիչները այցելեցին խմբագրատունս եւ բացատրութիւններ տուին թաղի ընդհանուր կացութեան շուրջ։