Թրքահայ կեանք

Շիշլի մարզակումբի զանազան խումբերը կը շարունակեն յաղթանակներ արձանագրել իրենց մասնակցած մրցաշարքերուն մէջ։ Ակումբի ֆութսալի կազմը վերջերս արձանագրեց ուշագրաւ վերելք մը։

Ն.Ա.Տ. Սահակ Բ. Պատրիարք Հայրը, նախընթաց օր, յետմիջօրէին, Պատրիարքարանի մէջ ընդունեց Մենթի-Մենթոր ծրագրի գործակից երիտասարդներ՝ Մերի Թաքսի Տեւեճեան, Ժպիտ Էօղէր, Գարոլին Իւչէր Իչլիիւրէքը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Գարակէօզեան Տան Գնալը կղզիի Կազդուրման կայանի խնամատար մարմնի ատենապետ Արի Չոլաքն ու իր գործակից ընկերները։ Կազդուրման կայանի վարչայինները այս առթիւ շնորհաւորութիւններ եւ յաջողութեան մաղթանքներ յղեցին Ամեն. Ս. Պատրիարք Հօր։

Թրքահայութիւնը շաբաթավերջին ունեցաւ ցաւալի կորուստ մը։ Մեր մարզական աշխարհի առասպելական անուններէն մէկուն աստղը սահեցաւ՝ իսկապէս պատճառ դառնալով խոր ցաւի։ Ոչ եւս է առասպելական կռփամարտիկ Կարպիս Զաքարեան, որ իր նուաճած ախոյենութիւններով մեծ պատիւ բերած էր մեր համայնքին։ Ան Շիշլի մարզակումբի ամենախորհրդանշական անուններէն մին էր։

Կեդրոնականի ընտանիքը երէկ մեծ խանդավառութիւն ապրեցաւ՝ վարժարանի շրջանաւարտներու աւանդական հաւաքին՝ Բաժակի օրուան առթիւ։ Ինչպէս ծանօթ է, ամէն տարի դեկտեմբեր ամսուան երկրորդ կիրակիին տեղի կ՚ունենար Կեդրոնականի Բաժակի օրը։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հանդիպում մը ունեցաւ Սեւ ծովեան տնտեսական համագործակցութեան կազմակերպութեան մօտ Հայաստանի Հանրապետութեան մշտական ներկայացուցիչ Սահակ Սարգսեանի եւ ներկայացուցչութեան խորհրդական Նաղաշ Յակոբեանի հետ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր Գումգաբուի մէջ հիւրընկալեց իրաւաբան Ալի Էլպէյօղլուն, որու հետ էին իր գործակիցներէն՝ Տալիտա Եոնթան եւ Առէն Տատըրօղլու։ Հանդիպման ներկայ էր նաեւ Կրօնական ժողովի ատենապետ, Պատրիարքական Աթոռի լուսարարապետ եւ դիւանապետ Տ. Թաթուլ Ծ. Վրդ. Անուշեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր Գումգաբուի մէջ հիւրընկալեց Շիշլի մարզակումբի վարչութեան ատենապետ Ալէն Թեքպըչաքն ու ակումբի շրջանակէն գործակիցները։ Այցելուները Նորին Ամենապատուութիւնը շնորհաւորեցին եւ տեղեկութիւններ փոխանցեցին ակումբի ընդհանուր կացութեան եւ ծրագրերուն շուրջ։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ ընդունեց «Նէօ-Քաթէքիւմէն» շարժումէն Տքթ. Մարիօ Ռոկենպիւքէն եւ ընկերակիցները։ Հարկ է նշել, որ այս շարժումը կը գործէ Լատին Կաթոլիկ եկեղեցւոյ հովանաւորութեան ներքեւ։

Patrikliğimiz ve Vakıflar Genel Müdürlüğü arasında uyuşmazlık konusu olan Sanasaryan Han’ın onarımı ve restorasyonu karşılığında 35 yıllığına kiralanması için 28.01.2020 tarihinde Vakıflar İstanbul 1. Bölge Müdürlüğü tarafından ihale düzenleneceğini öğrenmiş bulunmaktayız. Anayasa Mahkemesi’ndeki 2019/6264 sayılı bireysel başvurumuz henüz karara bağlanmadan ve yargı süreci halen devam ederken Vakıflar Genel Müdürlüğü’nün Han’ı ihaleye çıkarmasının hakkaniyete uygun düşmediğini belirtmek isteriz.