Ծանօթ է, թէ մերազն հաւատացելոց յուղարկաւորութեանց ու թաղման կարգերը կը կատարուին գերեզմանատանց մէջ՝ միայն ընտանեկան պարագաներու մասնակցութեամբ։ Իսկ անոնք, որոնք կը փափաքին այդ առթիւ նուիրատուութիւն կատարել բարենպատակ հաստատութեանց, կրնան հետեւեալ հաշուին փոխանցել գումարը եւ կրնան հեռաձայնել՝ 05394513921 համարին ու whatsapp-ով ստանալ իրենց ընկալագիրը։
Կը տեղեկանանք, որ Գատըգիւղի Արամեան սանուց միութիւնը դարձած է 70 տարեկան։ Այսպէս, 2020 թուականը կը զուգադիպի Արամեան սանուց միութեան հիմնադրութեան 70-ամեակի յոբելեանին։
Թուրքիոյ Ինքնաշարժի նախաձեռնութեան խմբակը (TOGG) բարձր մակարդակի կառավարիչ (CMO) նշանակեց Թալին Եըլտըզը, որ շուկայավարման (մարքեթինկ) պատասխանատու պիտի ըլլայ։ Ան ինքնաշարժներու արտադրութիւններու բնագաւառէն ներս շատ փորձառու անուն մըն է։
Պատրիարքական Աթոռը 100 հազար լիրայով մասնակից դարձաւ այն մեծ նուիրատուութեան արշաւին, որ Թուրքիոյ մէջ սկսած է քորոնաժահրի համաճարակի դէմ պայքարի պայմաններուն ներքեւ։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան որոշած է այս արշաւին յատկացնել վերջին հինգ ամիսներու իր ամսականները։
Համաճարակի պատճառաւ տուներու մէջ փակուելու պարտաւորուած երէց սերունդի մեր ժողովուրդի անդամներուն ուղղուած եւ Ամենապատիւ Սրբազան Պատրիարք Հօր առաջնորդութեամբ «Հեռախօսային օժանդակութեան աջակցութիւն» կարգախօսով արշաւ մը սկսած է։ Մօտաւորապէս 20 կամաւոր կիներ, իրենց ուղարկուած հեռախօսային տուեալներով, մեր երէց քոյր եւ երբայրներուն հետ կապ պիտի հաստատեն հեռաձայնի միջոցաւ, իրենց հետ պիտի զրուցեն ու իրենց պիտի ջանան զգացնել, թէ այս օրերուն առանձին չեն։
«Արմէնփրէս» գործակալութիւնը երէկ հաղորդեց, որ Սուրբ Փրկիչ Ազգային հիւանդանոցը ներգրաւուած է քորոնաժահրի համաճարակի դէմ պայքարին։ ԺԱՄԱՆԱԿ-ի երէկուան հաղորդումներէն արտատպումի հիման վրայ Հայաստանի պաշտօնական գործակալութիւնը ի լուր աշխարհին տեղեկացուց այս կարեւոր հանգամանքը։
Սուրբ Փրկիչ Ազգային հիւանդանոցի բժշկապետը բացառիկ հարցազրոյց մը տուաւ ԺԱՄԱՆԱԿ օրաթերթի։
Համաճարակէ վարակուածներու համար գթութեան յարկէն ներս կը գործէ մասնաւոր բաժանմունք մը՝ մինչ անմիջական կապ հաստատուած է պետական պատկան մարմիններու հետ։
Ըստ Տքթ. Արմենակ Մեծատուրեանի, ներկայիս արտասովոր հոգածութեան առարկայ կը դառնայ նաեւ ծերանոցը։
Ամեն. Ս. Պատրիարք Հօր նախագահութեամբ Ս. Պատարագ՝ Պալաթու Ս. Հրեշտակապետաց եկեղեցւոյ մէջ:
Չարխափան Սուրբ Աստուածածնի սրբապատկերին առջեւ. «Ընկալ Տէր զաղաչանս մեր, ներեա, քաւեա եւ թող զմեղս մեր…»:
Sevgili cemaatimiz,
Patrikliğimiz tarafından yapılan duyurular ile Coronavirüsü ile ilgili düzenlemeler yoluna gidilmişti.
Քորոնա ժահրի յառաջացուցած վարակի պատճառաւ ներհամայնքային զօրակցութիւն ապահովելու առաջադրութեամբ Ն.Ա.Տ. Սահակ Բ. Պատրիարք Սրբազան Հօր տնօրինութեամբ եւ օրհնութեամբ արդէն իսկ համակարգեալ աշխատանքները սկսած են։
