Օրթագիւղի Ս. Աստուածածին եկեղեցւոյ թաղային խորհուրդի ընտրութեան արձագանգները կը շարունակուին։ Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան հեռաձայնով կապ հաստատեց Սարգիս Չեթինքայայի հետ, որու կողմէ գլխաւորուած Կապոյտ ցուցակը ընտրութեան արդիւնքին հիման վրայ իրաւունք շահած է յառաջիկայ շրջանին Օրթագիւղի եկեղեցւոյ թաղ. խորհուրդի ղեկը ստանձնելու
Պուլկարահայ գեղարուեստասէրները ողջունեցին «Մարալ» համոյթն ու մեներգչուհի Մարալ Այվազը:
«Արաքս» հիմնադրամի նախաձեռնութեամբ կազմակերպուած ձեռնարկը անմոռանալի դարձաւ մասնակիցներու յիշողութեան մէջ:
Սարգիս Չեթինքայա եւ գործակից ընկերները դրական ու շինիչ պատգամներ կու տան՝ կոչ ուղղելով միասնականութեան ոգիի ու ներդաշնակութեան վերահաստատման նպատակով:
Ամառը հրապարակուած կանոնադրութենէն վերջ, Օրթագիւղի Ս. Աստուածածին եկեղեցւոյ թաղային խորհուրդի կազմի վերանորոգման համար տեղի ունեցած ընտրութիւնը պատմական անկիւնադարձի մը վերածուեցաւ թրքահայ ազգային-եկեղեցական կեանքէն ներս, ուր շրջան մը փակուեցաւ եւ նոր էջ մը բացուեցաւ՝ համայնքի հաւաքական հարստութեան տնօրինման ճանապարհին նոր մտայնութեան մը ակնկալութիւններով: Շրջանային համակարգը ապահովեց, որ քուէարկութեան մասնակցի լուրջ զանգուած մը, որու շնորհիւ նորընտիր մատակարար մարմինը ունի ներկայացուցչական բարձր կարողութիւն:
Համայնքային ընտրութիւններու ներկայ շրջանին Կեդրոնականի ընտանիքը արդէն որոնումներու մէջ է՝ Ղալաթիոյ խնամակալութեան նոր կազմի ձեւաւորման ճանապարհին։ Կեդրոնականի զանազան սերունդներէ սաներ շաբաթավերջին դպրոցին մէջ համախմբուելով խորհրդակցութիւն մը ունեցան յառաջիկայ շրջանի օրակարգին, խնամակալութեան նոր կազմին ու ստեղծման եւ դպրոցի կայուն ընթացքը երաշխաւորելու առաջադրութեամբ։
Երէկ, նորոգ հանգուցեալ Անժէլ Արսլանեան ոգեկոչուեցաւ իր մահուան քառասնից լրման առթիւ։ Անժէլ Արսլանեանի կորուստը վերջին շրջանին խոր ցաւ պատճառած էր համայնքային շրջանակներուն, որոնք երէկ հերթական անգամ իրենց խոնարհումը բերին իր ազնիւ ու անթառամ յիշատակին առջեւ՝ աղօթելով հոգւոյն խաղաղութեան եւ յաւիտենական հանգիստին համար։
ՅԱՐՈՒԹԻՒՆ ՎԱՐԴԱՊԵՏ ՏԱՄԱՏԵԱՆ
Պոլիսէ այնքան հեռու Նիւ Եորք քաղաքին մէջ, երբ պահ մը կը թղթատէի պոլսահայ կեանքի մասին որոշ իրադարձութիւններ, առաջին հերթին տեսայ համայնքային շրջանակներու ծանօթ նուիրեալ սպասաւորներէն օր. Նուարդ Յակոբեանի մահուան լուրը։
Սամաթիոյ Սահակեան-Նունեան վարժարանին մէջ նախընթաց օր հանդէս մը տեղի ունեցաւ՝ Ս. Թարգմանչաց տօնին առթիւ։ Սահակեան-Նունեան վարժարանի նախակրթութեան եւ միջնակարգի բաժնի տնօրէնուհի Պելինտա Մխճըօղլուի ողջոյնի խօսքով սկսաւ հանդէսը, որու ծրագիրը գործադրուեցաւ ոգեւոր մթնոլորտի մը մէջ։
ՀԱՅՃԱՐ-ի նախաձեռնութեամբ այս տարի եւս ոգեկոչուեցան արքունի ճարտարապետներ Պալեան երախտաշատ գերդաստանի անդամները։ Սկիւտարի գերեզմանատան Ս. Խաչ թաղամասին մէջ անցեալ շաբաթավերջին տեղի ունեցաւ ոգեկոչումը՝ Պալեաններու յուշարձան-դամբարանին առջեւ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան նախընթաց օր հիւրընկալեց Մեծի Տանն Կիլիկիոյ Կաթողիկոսութեան միաբաններէն Տ. Յովհաննէս Ծ. Վրդ. Սաղտըչեանը։ Այս վերջինը Կիլիկեան Աթոռի Յունաստանի թեմի առաջնորդական փոխանորդն է եւ, միեւնոյն ժամանակ, Արեւմտեան Թրակիոյ հոգեւոր հովիւը։ Հայր սուրբին ընկերացաւ Քոմոթինիի Ս. Գրիգոր Լուսաւորիչ եկեղեցւոյ ծխական խորհուրդի փոխ-ատենապետ Թադէոս Գասպարեան։
Երէկ, համայնքային շրջանակներուն ուշադրութիւնը կեդրոնացած էր Գումգաբուի Սուրբ Աստուածածին Մայր եկեղեցւոյ վրայ, ուր տեղի ունեցաւ Պէզճեան Մայր վարժարանի ի նպաստ տարեկան հանգանակութիւնը։ Կրօնական եւ աշխարհիկ աւանդական արարողութիւններուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, որ տուաւ նաեւ օրուան պատգամը։
