Երէկ, համայնքային շրջանակներուն ուշադրութիւնը կեդրոնացած էր Եշիլգիւղի վրայ։ Այսպէս, Ս. Ստեփանոս եկեղեցւոյ մէջ կրօնական եւ աշխարհիկ արարողութիւններուն նախագահեց Տ. Արամ Արք. Աթէշեան, որ տուաւ նաեւ օրուան պատգամը։
Գումգաբուի «Պէզճեան» սրահին մէջ շաբաթավերջին տեղի ունեցաւ երիտասարդական փայլուն համերգ մը։ Սա «Մենք երգ ենք» համերգաշարի հերթական փուլն էր, որ բացառիկ իմաստ ստացաւ՝ զուգադիպած ըլլալով տարեմուտին։
Պէյօղլուի սուրբ եկեղեցեաց թաղային խորհուրդի ընտրութեան նոր մարմնին անդրանիկ ժողովը:
Խաչիկ Սարըլը եւ ընկերները ամենայն լրջութեամբ կը վերաբերին յառաջիկայ գործընթացի մանրամասնութիւններուն:
Գարակէօզեան Տան ընտանիքը երէկ ոգեկոչեց վարժարանի բարեյիշատակ հիմնադիրը՝ երախտաշատ ազգային բարերար Տիգրան էֆէնտի Գարակէօզեանը։ Առաւօտուն, Ղալաթիոյ Ս. Գրիգոր Լուսաւորիչ եկեղեցւոյ մէջ, յաւարտ Ս. Պատարագի կատարուեցաւ հոգեհանգստեան պաշտօն, որու ընթացքին առ Աստուած աղօթք բարձրացուեցաւ հոգելոյս Տիգրան էֆէնտի Գարակէօզեանի յաւիտենական նենջի խաղաղութեան համար։
Մխիթարեան միաբանութեան Իսթանպուլի վանատան եւ վարժարանի նորընտիր մատակարար մարմինը արդէն ստացաւ իր ընտրութեան հաստատագիրը։ Պետական պատկան մարմինները վաւերացուցած են ընտրութեան արդիւնքը։
Պէյօղլուի սուրբ եկեղեցեաց թաղային խորհուրդի յետաձգեալ ընտրութեան կազմակերպման համար երէկ տեղի ունեցաւ շատ կարեւոր իրադարձութիւն մը, որ լայն արձագանգ գտաւ թրքահայ ազգային-եկեղեցական կեանքէն ներս։ Այսպէս, Վաքըֆներու ընդհանուր տնօրէնութեան տեղին ներգործութեամբ յետաձգուած ընտրութիւններէն վերջ, այդ նոյն պետական կառոյցի տնօրինութեամբ, երէկուան դրութեամբ պաշտօնի կոչուեցաւ նոր ընտրական մարմին մը։
Իսքենտէրունի Ս. Քառասուն Մանկանց եկեղեցւոյ մէջ նախընթաց օր հիւրընկալուեցան Թուրքիոյ Կաթոլիկ եպիսկոպոսներու ժողովին մասնակիցները։ Գաւառի տեսուչ Տ. Աւետիս Քահանայ Թապաշեան այս առթիւ ջերմ մթնոլորտի մը մէջ ընդունեց քոյր եկեղեցիներու բարձրաստիճան ներկայացուցիչները։
Երէկ, հաճոյքն ունեցանք խմբագրատանս մէջ հիւրընկալելու Եշիլգիւղի Ս. Ստեփանոս եկեղեցւոյ թաղային խորհուրդի ատենապետ Հապիպ Էօզֆուրունճուն եւ գործակից ընկերները։ Ատենապետ Էօզֆուրունճու թէեւ համայնքային կեանքէն ներս փորձառու դէմք մըն է, սակայն, այժմ կը գլխաւորէ թաղային խորհուրդի նորընտիր կազմը:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց քաղաքիս քոյր եկեղեցիներու հոգեւոր առաջնորդները, որոնք շնորհաւորական այցելութիւններու փութացին Ամանորի եւ Ս. Ծննդեան առթիւ։
Պաքըրգիւղի ընտանիքը երէկ համայնքային շրջանակները հիւրընկալեց՝ Տատեան վարժարանի ի նպաստ կազմակերպուած տարեկան հանգանակութեան առթիւ:
Ատենապետուհի Մարի Եանճըի կողմէ գլխաւորուած նորընտիր թաղային խորհուրդը առաջին սիրոյ սեղանի ընթացքին ի յայտ բերաւ նաեւ իր գործուէնութեան հիմնական տեսլականը:
