Թրքահայ կեանք

Պաքըրգիւղի Տատեան վարժարանին մէջ 2021-2022 կրթական շրջանի եզրափակիչ փուլին կազմակերպուած հանդիսութիւնները առիթ դարձան մեծ ոգեւորութեան։ Հիմնական հանդէսին առընթեր տեղի ունեցաւ երգի ու պարի երեկոյթ մը, որ կազմակերպուած էր պարուսոյց Նարօտ Կիւլէչի եւ երաժշտութեան ուսուցիչ Արի Պարութօղլուի ջանքերով։

Գատըգիւղի Արամեան-Ունճեան վարժարանին մէջ տեղի ունեցաւ նախակրթարանի այս տարուայ շրջանաւարտներու հանդէսը, որով ստեղծուեցաւ մեծ ոգեւորութիւն։

Կալաթասարայ մարզակումբի նորընտիր վարչութիւնը երէկ երեկոյեան գումարեց անդրանիկ նիստը:
Տիգրան Կիւլմէզկիլին յառաջիկայ շրջանին ծանր բեռ մը պիտի վիճակի՝ առկայ ելմտական լուրջ մարտահրաւէրներուն բերումով:

Շիշլի մարզակումբի ֆութսալի կազմը կը շարունակէ կայուն յաջողութիւն արձանագրել Թուրքիոյ լիկին մէջ։ Թուրքիոյ Ֆութպոլի դաշնակցութեան կողմէ կազմակերպուած մրցաշարքի Սամսունի փուլի արդիւնքներով շիշլիցիները դարձեալ յաջողեցան առաջին հորիզոնականը զբաղեցնել։

Պաքըրգիւղի Տատեան վարժարանին մէջ տեղի ունեցաւ մանկապարտէզի փոքրիկներու տարեվերջի հանդէսը։ Տղաքը գոյնզգոյն տարազներով տողանցեցին այս հանդիսութեան ընթացքին, որու երեք լեզուով պատրաստուած ծրագրի շրջանակին մէջ ծափահարութիւններու արժանացան յաջող ելոյթներով:

Պոլսահայ թատերական կեանքի երախտաւորներէն Պօղոս Չալկըճըօղլուի ի պատիւ շաբաթավերջին մեծարանքի հանդիսութիւն մը տեղի ունեցաւ Պէյօղլուի «Աթլաս» շարժանկարի սրահի երդիքին տակ։ Այսպէս, յայտնի դերասան ու բեմադրիչ, թատերական պատմութեան վերաբերեալ յօդուածներու հեղինակ Պօղոս Չալկըճըօղլու պարգեւատրուեցաւ՝ Կաթողիկէ հայոց առաջնորդարանին կողմէ հաստատուած «Մկրտիչ Պէշիկթաշլեան» շքանշանով։

Շիշլի մարզակումբի մինչեւ 16 տարեկաններու պասքեթպոլի կազմը արձանագրեց բացառիկ յաջողութիւն մը։ Այսպէս, շիշլիցիները 2021-2022 շրջանի Իսթանպուլի զարգացման լիկի ախոյեանը հանդիսացան։

Պաքըրգիւղի Տատեան վարժարանին մէջ տեղի ունեցաւ առաջին դասարանի սաներու ընթերցման տօնը, որ մեծ ոգեւորութեան առիթ հանդիսացաւ։

Գատըգիւղի Արամեան-Ունճեան վարժարանին մէջ 2021-2022 ուսման շրջանի եզրափակիչ փուլին տեղի ունեցաւ հայերէնի փառատօն մը, որ այլեւս դարձած է աւանդական։ Դպրոցի բոլոր դասարանները ընդգրկուած էին այս փառատօնի ծրագրին, որ գործադրուեցաւ ամբողջ օրուան մը տեւողութեան։

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ հիւրընկալեց Գալֆաեան Տան խումբ մը սաներ։ Խնամակալութեան անդամուհիներէն Թամար Քարասուի եւ դպրոցի տնօրէնուհի Թամար Ներկիզի կողմէ գլխաւորուած խումբին այցելութիւնը զուգադիպեցաւ 2021-2022 կրթական շրջանի եզրափակիչ փուլին։