Արխիւ

Քրիստոնեայ աշխարհը հետզհետէ կը համակուի Ս. Ծննդեան տօնի բարձր տրամադրութեամբ։ Եւրոպայի բազմաթիւ քաղաքներուն մէջ, ամէն տարի կը կազմակերպուին Ս. Ծննդեան տօնավաճառներ՝ որոնք միշտ կը համախմբեն հոծ թիւով մարդիկ։ Այդ նախաձեռնութիւնները թէ՛ պայմանաւորուած կ՚ըլլան տօնական մթնոլորտով եւ թէ, իրենց հերթին, կը պայմանաւորեն տօնական հրճուանք։

Հայկական բարեգործական ընդհանուր միութեան (ՀԲԸՄ) Կեդրոնական վարչութեան նորընտիր նախագահ Սեմ Սիմոնեան վերջերս այդ առաքելութիւնը ստանձնելէ վերջ իր առաջին ուղեւորութիւնը կատարեց՝ դէպի Հարաւային Ամերիկա։ Իննօրեայ այցելութիւն մըն էր այս մէկը, որու կանգառներն էին՝ Պուէնոս Այրէսը, Մոնթեվիտէոն եւ Սան Փաուլոն։

Թուրքիոյ Հայոց Պատրիարք Ամենապատիւ Տ. Սահակ Սրբազան Արքեպիսկոպոս Մաշալեան երէկ ընդունեց Թոփգաբուի Ս. Նիկողայոս եկեղեցւոյ թաղային խորհուրդի ատենապետ Նուրհան Սուճուեանն ու գործակից ընկերները։

Երէկ, հաճոյքն ունեցանք խմբագրատանս մէջ հիւրընկալելու Ղալաթիոյ խնամակալութեան ատենապետ Մկրտիչ Արծիւեանը, որու ընկերացան Պօղոս Չալկըճըօղլու եւ Լիանա Սահակեան-Էօզպիւլպիւլ։ Այս շաբաթավերջին նախատեսուած է Կեդրոնական վարժարանին ի նպաստ տարեկան հանգանակութիւնը, որուն ընդառաջ խնամակալները խմբագրատունս այցելեցին հանրային կարծիքը լուսաբանելու առաջադրութեամբ։

ՎԱՐԱՆԴ ՔՈՐԹՄՈՍԵԱՆ

Փաստ է այլեւս, որ Հայաստանի ֆութպոլի ազգային հաւաքականը ճգնաժամի մէջ է:
Անցնող մի քանի տարիներու ընթացքին եղած որոշումներն ու յաճախակի փոփոխութիւնները բնական է, որ պիտի բերէին այս ճգնաժամը, որովհետեւ գործող իշխանութիւնները սեփականաշնորհած են ՀՖՖ-ն (Հայաստանի ֆութպոլի ֆետերացիա), որով եւ առնուած բոլոր որոշումներն ու եղած նշանակումները անտրամաբանական, չկշռադատուած, ազգային հաւաքականի շահերուն հակասող որոշումներ եւ նշանակումներ եղած են:

ՀՐԱՅՐ ՏԱՂԼԵԱՆ

Յաջողութեան ճամբուն վրայ դժուարութիւնները անխուսափելի են, սակայն, պէտք է լաւապէս հասկնալ, թէ այս սխալները արդիւնք են արտաքին հանգամանքներու, թէ ոչ սեփական հոգեբանութեան, որովհետեւ դժուարութիւններու մեծամասնութիւնը արտաքին հանգամանքներէ աւելի ծնունդ կ՚առնէ բացասական մտածողութենէն, վախէն, որոնք մեծապէս կ՚ազդեն մարդու ընտրութիւններուն եւ որոշումներուն վրայ:

Ազգային պաշտպանութեան նախարար Եաշար Կիւլէր յայտարարեց, որ Հայաստանի եւ Ատրպէյճանի միջեւ նախատեսուած խաղաղութեան պայմանագիրը հանգստութիւն եւ կայունութիւն պիտի ապահովէ տարածաշրջանին։

Երեւանի եւ Վարշաւիոյ ղեկավարութիւնները առանցքային կը համարեն գործակցութեան աշխուժացումը:
Հայաստան-Լեհաստան յարաբերութիւններու ապագան կը կառուցուի՝ հաշուի առնելով նաեւ Եւրոմիութեան վերաբերեալ ծալքերը:

«1964-ի աքսորներու 60-րդ տարելիցն ու պոլսեցի յոյները» խորագրեալ ուշագրաւ խորհրդաժողով:
Տ.Տ. Պարթոլոմէոս Ա. Պատրիարքի խօսքով սկսաւ ծրագիրը, որ ընդգրկեց նաեւ երկու վաւերագրական ժապաւէնի ցուցադրութիւն: