Արխիւ

Հայկական բարեգործական ընդհանուր միութեան (ՀԲԸՄ) Հայաստանի մասնաճիւղի նախաձեռնութեամբ անցեալ շաբաթավերջին Երեւանի մէջ կազմակերպուեցաւ ընդունելութիւն-հաւաք մը, որու ընթացքին ստեղծուեցաւ խանդավառ մթնոլորտ։ ՀԲԸՄ-ի Հայաստանի մասնաճիւղի նախագահ եւ Կեդրոնական վարչութեան անդամներէն Վազգէն Եագուպեանի տանտիրութեամբ կազմակերպուած այս երեկոյթի ընթացքին համախմբուեցան՝ անցեալ տարուան ընթացքին կառոյցի զանազան ծրագրերու մասնակցած կամ տարբեր նախագծերու առթիւ կառոյցի հետ համագործակցած կազմակերպութիւններու ներկայացուցիչներ կամ անհատներ։

Հայաստանի պաշտպանութեան նախարար Սուրէն Պապիկեան Փարիզի մէջ հանդիպում մը ունեցաւ Ֆրանսայի Հանրապետութեան նախագահի ռազմական խորհրդական զօրավար Ֆապիէն Մանտոյի հետ։

Մինչ շաբաթավերջին Ս. Յակոբ Մծբնայ Հայրապետի յիշատակի տօնը կատարուեցաւ, երէկ, Պէյօղլուի Ս. Երրորդութիւն եկեղեցւոյ մէջ տեղի ունեցաւ իր մասունքներու աջով բարեխօսութեան աղօթք՝ մասնակցութեամբ Լուսաւորիչ դպրաց դաս-երգչախումբի մանկապատենական կազմի անդամներուն։

Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Պիւյիւքտէրէի Ս. Հռիփսիմեանց եկեղեցւոյ մէջ նախագահեց՝ պաշտամունքի վերաբացման յաջորդած անդրանիկ Ս. Պատարագին, որու ընթացքին տուաւ օրուան պատգամը։ Պատարագիչն էր Տ. Յովակիմ Վրդ. Սերովբեան։ Ներկայ էին նաեւ Տ. Զաքէոս Ծայրագոյն Վարդապետ Օհանեան եւ եկեղեցւոյ հոգեւոր հովիւ Տ. Թէոդիկ Քհնյ. Չեթինքայա։

Վրաստանի մէջ յետընտրական կարճատեւ խմորումներէ ետք, երբ կը թուէր, թէ հանրային յուզումներու ալիքը դէպի մարում կ՚երթայ, ներքաղաքական իրավիճակը կրկին ահագնացաւ: Թիֆլիզ ցնցումներու մէջ է: Ուսումնասիրութիւններու լայն դաշտ մը բացուած է հոգեբաններուն, հասարակագէտներուն ու մարդաբաններուն առջեւ, թէպէտ վերջիններուս աւագ գործընկերները նման աշխատանքի գործնական փորձ բաւականաչափ կուտակած են՝ շարք մը երկիրներու մէջ յաջողելով ազդել մարդոց վարքագծի եւ հոգեբանութեան վրայ։

ԱՐԱ ԳՕՉՈՒՆԵԱՆ

Մա՛րդ, որու հաւաքական պատասխանատուութեան գիտակցութեան առանցքներէն մին էր մասնակցութիւնը՝ մինչ կը յաջողէր կրել իր տարբերութիւնները:
Եդուարդ Թովմասեանի՝ «Արաս»ի Թոմոյի կեանքի փիլիսոփայութեան մէջ դիմադրութեան գործօն էր ծիծաղը, որով առաջնայինն ու երկրորդականը զանազանելու հորիզոնը կ՚ուրուագծուէր:

ԱՆՈՒՇ ԹՐՈՒԱՆՑ

Տ.Տ. Գարեգին Բ. Ամենայն Հայոց Վեհափառ Հայրապետի օրհնութեամբ, Մայր Աթոռ Սուրբ Էջմիածնի Հրատարակչութիւնը լոյս ընծայած է Մայր Աթոռ Սուրբ Էջմիածնի միաբան Տ․ Զաքարիա Ծայրագոյն Վարդապետ Բաղումեանի «Սրբալոյս Միւռոն» եւ «Կնքահայրութեան դերն ու նշանակութիւնը» խորագրերով գիրքերը:

ՊԻԱՆՔԱ ՍԱՐԸԱՍԼԱՆ

Հասուննալը այն բառերէն մին է, որ յաճախ կը լսենք եւ կ՚օգտագործենք: Բայց երբ կը հասուննանք, մեր խորհուրդներն ու ըսելիքներն ալ կը փոխուին: Երեխաները կ՚ուզեն մեծնալ. անոնց համար մեծնալ կը նշանակէ ըլլալ ազատ ու անկախ։

ՀՐԱՅՐ ՏԱՂԼԵԱՆ

Ազգեր, որոնք կը յայտնուին եւ իրենք զիրենք կը գտնեն մրցակցող ուժերու եւ հակասական շահերու միջեւ, պարտին իրենց քայլերն ու որոշումները լաւապէս ընտրել, որովհետեւ քաղաքականութիւն ըսուածը տարբերութիւն չունի ճատրակէն, որուն իւրաքանչիւր քայլը կրնայ ապագայ դրական կամ ժխտական ելքը որոշել: