ՎԱՐԱՆԴ ՔՈՐԹՄՈՍԵԱՆ
Հարցում. Մարդ պէ՞տք է վախնայ:
Պատասխան. Վախը, աւելի ճիշդ երկիւղը բնական յատկութիւն մը պէտք է ըլլայ մարդուն համար: Վախը երբ աշխարհիկ հասկացողութեամբ միայն ընկալենք, այն բացասական է եւ չի՛ կրնար մարդուն օգտակար ըլլալ, սակայն, երբ վախը որպէս երկիւղ եւ ակնածանք ընկալենք, ապա մարդուն համար ո՛չ միայն օգտակար կ՚ըլլայ, այլեւ կ՚օգնէ մարդուն իր հոգիին շինութեան եւ փրկութեան ջանքին ու պայքարին մէջ:
ՍԵՒԱՆ ՍԵՄԷՐՃԵԱՆ
Ամէն տարի մայիսի վերջին տասը օրերը, ինչ իրադարձութիւն ալ ըլլայ, ինչ նորութիւն, ինչ յիշարժան ու քննարկելի դէպքեր, որոնք այնքան շատ են մեր օրերուն, միեւնոյնն է, ինծի համար այս ժամանակահատուածը մէկ բառ է՝ Սարդարապատ։
ՍԱԳՕ ԱՐԵԱՆ
Բազմաթիւ վերլուծաբաններու կարծիքով՝ Հայաստան վճռական քայլերով կ՚ընթանայ դէպի 2026-ի ընտրութիւնները։ Անոնց շարքին է Լիլիթ Տալլաքեան։ Ուստի, այս օրերուն լսելի հիմնական հարցադրումներէն մին կապ ունի երկրի ներքին քաղաքական կեանքի յառաջիկայ հաւանական իրադարձութիւններուն հետ։
ՏԻԳՐԱՆ ԳԱԲՈՅԵԱՆ
Ամերիկայի Միացեալ Նահանգներ-Եւրոպա յարաբերութիւնները անցած են շատ մը փուլերէ, իսկ 20-րդ դարու համաշխարհային երկու պատերազմները ուրուագծած են այդ յարաբերութիւններու բնոյթը եւ հասցուցած են զանոնք ներկայի իրավիճակին։
ՎԱՐԱՆԴ ՔՈՐԹՄՈՍԵԱՆ
Անցնող տասն օրերուն համացանցը լեցուած էր Հայաստանի Արմավիր մարզի գիւղերէն մէկուն դպրոցի մէջ կատարուած իրադարձութիւններով:
Մի քանի տեսանիւթեր յայտնուած էին, ուր յստակ կ՚երեւէր, թէ ինչպէս աշակերտներ, ծնողներ եւ ուսուցիչներ գայլի ոհմակ կտրած, ամենէն անարգ եւ անբարոյական ձեւով կը նուաստացնէին ուսուցչուհի մը, որ հակառակ իր հասցէին հնչած վիրաւորանքներուն եւ անարգանքներուն, քաղաքավար ձեւով, առանց ինքնատիրապետումը կորսնցնելու կը պատասխանէր իր դէմ ուղղուած անարգանքներուն ու վիրաւորանքներուն:
ԳԷՈՐԳ ՊԵՏԻԿԵԱՆ
Հակառակ անոր, որ ողորմած մայրս Պոլիս ծնած էր, մենք, երեք եղբայրներով, մեր մանկութեան, պատանեկութեան եւ վաղ երիտասարդութեան տարիներուն, մեր տան մէջ եւ կամ նոյնիսկ եօթը դրացիներով խճողուած բազմամարդ բակէն ներս, թրքերէնով խօսակցութեան կամ թրքերէնով արտայայտութիւններու, շատ քիչ հանդիպած էինք:
ՂԱՍԱՆ ՔԱՆԱՖԱՆԻ
Արաբերէնէ թարգմանեց՝
ՎԱՐԱՆԴ ՔՈՐԹՄՈՍԵԱՆ
Սիրելի՛ Աբրահամ,
Չեմ գիտեր, թէ որո՞ւ պիտի ղրկեմ այս նամակը: Խոստումս եղած էր քեզի, որ իւրաքանչիւր մայիս ամսուան կիսուն, գերեզմանիդ կակաչներ պիտի տանիմ ու տարածեմ զանոնք գերեզմանիդ վրայ… Ահաւասիկ մայիսի կէսն ենք եւ ո՛չ մէկ կակաչ կրցած եմ գտնել…, եւ եթէ գտնեմ ալ, ինչպէ՞ս պիտի հասնիմ գերեզմանիդ, որպէսզի տամ զանոնք քեզի…
ՎԱՐԱՆԴ ՔՈՐԹՄՈՍԵԱՆ
Հարցում. Մարդ եթէ իր յանցանքներն ու մեղքերը ծածկէ կամ փորձէ գաղտնի պահել, ի՞նչ կը պատահի այդպիսիին հետ:
Պատասխան. Ղուկասի Աւետարանին մէջ կը կարդանք, թէ ինչպէս առիթով մը Տէր Յիսուս զԻնք լսողներուն ուղղելով Իր խօսքը, կը զգուշացնէր զանոնք կեղծաւորութենէ, ըսելով. «Նախ եւ առաջ զգուշացէ՛ք Փարիսեցիներուն թթխմորէն, այսինքն՝ անոնց կեղծաւորութենէն:
ՊԻԱՆՔԱ ՍԱՐԸԱՍԼԱՆ
Տարիքի յառաջացման հետ, մարդոց ընկերային կապերը կը բարդանան եւ նորերը հաստատելը կը դառնայ դժուար։ Տարիքի հետ համահունչ, կեանքը կը դառնայ աւելի զբաղուն։ Աշխատանքային պարտականութիւնները, ընտանեկան բեռները եւ առօրեայ մտահոգութիւնները կը սահմանափակեն ազատ ժամանակը։
ՍԱԳՕ ԱՐԵԱՆ
Տակաւին Հռոմի նոր պապի ընտրութեան լուրին մելանը չէր չորցած, երբ հրապարակ կը նետուէր բաւական կասկածելի լուր մը, ըստ որուն Լեւոն ԺԴ. ունի հայկական արմատներ։
