Լրահոս

Ֆրանսացի աշխարհահռչակ դերասան Ժան-Փոլ Պելմոնտօ երէկ մահացաւ 88 տարեկան հասակին։ Գոյժը խոր սուգի մատնեց շարժանկարի աշխարհը։

2021-2022 կրթական շրջանը սկսաւ մէկ կողմէ նոր յոյսերով, իսկ միւս կողմէ նոր մտահոգութիւններով:
Ամենապատիւ Սրբազան Պատրիարք Հայրը վերամուտի առթիւ հրապարակեց բարեմաղթութիւններով հիւսուած պատգամ մը:

Հայաստանեայց Առաքելական Եկեղեցւոյ Ֆրանսայի թեմէն ներս երէկ ոգեւոր օր մը ապրուեցաւ։ Այսպէս, Փարիզի մէջ բացուեցաւ հայկական 4-րդ փառատօնը, որ կազմակերպուած է թեմին կողմէ։

Որքան դիպուկ բանաձեւած է ֆրանսացի գրողներէն մին. մեծերը տղաքը դպրոց կ՚ուղարկեն, որպէսզի անոնք կրթուին, իսկ տղաքը դպրոց կ՚երթան ապրելու համար… Իսկ այդ ո՞ր կեանքի մասին է խօսքը՝ առանց մտահոգութեան ու նեղութեան։

Մոսկուայէն իրերայաջորդ պատգամներ՝ Անգարա-Երեւան բնականոնցման համար:
Լաւրովի խօսքով՝ Ռուսաստան պատրաստ է աջակցիլ Թուրքիա-Հայաստան կապերու կարգաւորման:

Հայաստանի Անվտանգութեան խորհուրդի քարտուղար Արմէն Գրիգորեան յայտարարեց, որ Ատրպէյճանի հետ սահմանազատման ու սահմանագծման աշխատանքներուն կապակցութեամբ Երեւան կը սպասէ Պաքուի դրական արձագանգին։

Խոր ցաւով վերահասու եղանք, թէ իր մահկանացուն կնքած է յայտնի մտաւորական Ալեքսանդր Թոփչեան։ Հայաստանի Կրթութեան, գիտութեան, մշակոյթի եւ մարմնամարզի նախարարութիւնն ալ խոր վշտով արձագանգեց այս կորուստին:

Ռուսաստանի Արտաքին գործոց նախարարութեան բանբեր Մարիա Զախարովա յայտարարեց, որ իր երկիրը պատրաստ է նպաստելու Թուրքիա-Հայաստան յարաբերութիւններու բնականոնացման։ «Արմէնփրէս» գործակալութեան հաղորդումներով, ռուս դիւանագէտը երէկ տեղեկացուց, որ Մոսկուա արձանագրած եւ ի գիտութիւն ընդունած է Երեւանի եւ Անգարայի միջեւ վերջերս փոխանակուած դրական պատգամները։

Հայկական բարեգործական ընդհանուր միութեան խրախուսած ծրագիրները հետամուտ են Հայաստանի զարգացման ուղղեալ ջանքերուն ներառել նաեւ սփիւռքը:
«Սթորիթելինկը լրագրութեան մէջ. անհերքելի փաստերէ մինչեւ բարդ բովանդակութիւններ» խորագրեալ դասընթացը՝ միջազգային հեղինակաւոր մասնագէտներու մասնակցութեամբ:

1 սեպտեմբեր 2021 թուականի դրութեամբ Երեւանի մէջ պաշտօնապէս սկսաւ գործել Վատիկանի դիւանագիտական ներկայացուցչութիւնը։ Խօսքը կը վերաբերի պապական նուիրակութեան կամ դեսպանութեան գրասենեակին։