Լրահոս

Թուրքիոյ եւ Իրանի նախագահները շաբաթավերջին տեսակցեցան Աշխապատի մէջ:
Սոչիի հանդիպումէն անմիջապէս վերջ թէ՛ Էրտողան եւ թէ Ալիեւ խօսեցան Զանգեզուրի միջանցքի մասին:

Հայաստանի վարչապետ Նիկոլ Փաշինեանի, Ռուսաստանի նախագահ Վլատիմիր Փութինի եւ Ատրպէյճանի նախագահ Իլհամ Ալիեւի Սոչիի եռակողմանի գագաթաժողովի արձագանգները կը շարունակուին։  Ընդհանրապէս, միջազգային հանրութիւնը դրական կը համարէ այս հանդիպումը։

Խոր ցաւով վերահասու եղանք, թէ Երեւանի մէջ յանկարծամահ եղած է հայկական զանգուածային լրատուութեան աշխարհի նուիրեալներէն՝ վաստակաշատ լրագրող Արա Գալոյեան։ Մասնագիտութեամբ փիլիսոփայ Արա Գալոյեանի անժամանակ կորուստը մեծ ցաւ յառաջացուցած է՝ մինչ բոլորը կը վկայեն, թէ այդ մասնագիտութեան զուգահեռ՝ ան օժտուած էր կեանքի, մարդոց, ընկերներու եւ շրջանակին նկատմամբ իրեն բնորոշ վերաբերմունքով ու սիրով։

Վլատիմիր Փութին 44-օրեայ պատերազմէն վերջ երկրորդ անգամ մէկտեղեց Նիկոլ Փաշինեանն ու Իլհամ Ալիեւը, որոնց նուիրեց ձիթենիի ճիւղեր՝ ի նշան խաղաղութեան:
Հայաստանի, Ռուսաստանի եւ Ատրպէյճանի փոխ-վարչապետները յաջորդ շաբաթ Մոսկուայի մէջ պիտի հաւաքուին՝ ամփոփելու համար որոշ արդիւնքներ եւ յայտարարելու այն որոշումները, որոնց շուրջ համաձայնութիւն գոյացած է Սոչիի երէկուան գագաթաժողովի ընթացքին: Թէ՛ Երեւան եւ թէ Պաքու դրական ազդանշաններ կու տան Պրիւքսելի ժամադրութեան ընդառաջ:

«Հայաստան» համահայկական հիմնադրամը վերջերս կազմակերպեց իր տարեկան հանգանակութիւնը։ Հիմնադրամի 24-րդ նուիրահաւաքման արշաւն էր այս մէկը, որու արդիւնքով հանգանակուեցաւ 12 միլիոն 351 հազար ամերիկեան տոլար։

ԺԱՄԱՆԱԿ-ի անդունդի եզրին հասած ըլլալու վերաբերեալ խմբագրութեանս կողմէ հնչեցուած ահազանգի արձագանգները կը շարունակուին հայաշխարհէ ներս։ Հայաստանի զանգուածային լրատուութեան միջոցները այս շրջանին իրերայաջորդ հրապարակումներ եւ հաղորդումներ կը կատարեն այս կապակցութեամբ։ Նոյն ծիրին մէջ Երեւանի «Առաւօտ» օրաթերթին մէջ լոյս տեսաւ գրութիւն մը՝ «Աջակցինք Իսթանպուլի ԺԱՄԱՆԱԿ օրաթերթին, որպէսզի շարունակէ վաւերագրել ժամանակը» խորագրով։

Կը տեղեկանանք, որ «Արաս» հրատարակչութիւնը ներկայիս լոյս ընծայած է յայտնի մտաւորական Այհան Աքթարի կողմէ հեղինակուած հատոր մը, որ կը կոչուի՝ «Ունեւորութեան տուրքն ու թրքացման քաղաքականութիւնները»։ Այհան Աքթար ծանօթ ակադեմական մըն է, որ երկար ժամանակէ ի վեր բազմակողմանի գիտական գործունէութիւն կը ծաւալէ Թուրքիոյ փոքրամասնութիւններուն վերաբերեալ նիւթերուն շուրջ։

ՇԱՀԱՆ ԳԱՆՏԱՀԱՐԵԱՆ

Նոյեմբեր 9-ի նախօրեակին ծրագրուած ձեւով շրջանառութեան մէջ դրուեցաւ լրատուութիւն՝ Մոսկուա-Երեւան-Պաքու եռակողմ հանդիպման մասին: Ապա պաշտօնապէս խօսուեցաւ հանդիպման հեռակայ առցանց ձեւաչափին մասին:

Նիկոլ Փաշինեան, Վլատիմիր Փութին եւ Իլհամ Ալիեւ այսօր կարեւոր ժամադրութիւն մը ունին Սոչիի մէջ:
Ռուս վերլուծաբանները բեկում մը չեն նախատեսեր այսօրուան գագաթաժողովէն: Մարիա Զախարովա հաստատեց, որ Երեւան Մոսկուայի միջնորդութեան դիմած է՝ Անգարայի հետ փոխյարաբերութիւններու կարգաւորման համար:

Հայաստանի Արտաքին գործոց նախարար Արարատ Միրզոյեան երէկ հեռախօսազրոյց մը ունեցաւ Իսրայէլի Արտաքին գործոց նախարար Եաիր Լափիտի հետ։ Պաշտօնական աղբիւրներու հաղորդումներով, զրոյցի ընթացքին Արարատ Միրզոյեան ներկայացուց Ատրպէյճանի կողմէ Հայաստանի տարածքային ամբողջականութեան եւ ինքնիշխանութեան դէմ իրականացուած վերջին յարձակման հետեւանքով ստեղծուած իրավիճակը։