ԺԱՄԱՆԱԿ օրաթերթի անդունդի եզրին հասած ըլլալու վերաբերեալ հնչած ահազանգը կը շարունակէ լայն արձագանգ գտնել հայաշխարհէն ներս։ Այս ամբողջին մէջ Հայաստանի ժուռնալիստներու (լրագրողներու) միութիւնը նախընթաց օր հանդէս եկաւ մասնաւոր յայտարարութիւնով մը, որով մտահոգութիւն յայտնեց ԺԱՄԱՆԱԿ-ի փակման վտանգի դէմ յանդիման մնացած ըլլալուն բերումով։
Երեւանի մէջ այսօր յատկանշական ձեռնարկ մը տեղի կ՚ունենայ Կալկաթայի հայոց մարդասիրական ճեմարանի հիմնադրութեան 200-ամեակին առթիւ։ Յոբելենական այս ձեռնարկը նախատեսուած է Հայաստանի Ազգային գրադարանէն ներս։
Թուրքիոյ եւ Արաբական Միացեալ Էմիրութիւններու փոխյարաբերութիւններուն մէջ նոր գարուն մը:
Նախագահ Էրտողան երէկ Պեշթեփէի համալիրէն ներս ամենաբարձր արարողակարգով հիւրընկալեց իշխան Էլ Նահիանը:
Ռուսաստանի նախագահ Վլատիմիր Փութին երէկ հեռախօսազրոյց մը ունեցաւ Եւրոմիութեան խորհուրդի նախագահ Շարլ Միշելի հետ։ Քրեմլինի աղբիւրները տեղեկացուցին, որ անոնք քննարկած են Լեռնային Ղարաբաղի իրավիճակը։
Սոչիի վաղուան գագաթաժողովին ընդառաջ Ալեքսէյ Օվերչուք շփումներ ունեցաւ Երեւանի եւ Պաքուի մէջ:
Հարաւային Կովկասէ ներս տարածաշրջանային հաղորդակցութիւններու վերականգնման հեռանկարը անփոփոխ օրակարգ:
Հայաստանի Արտաքին գործոց նախարար Արարատ Միրզոյեան երէկ հեռախօսազրոյցներ ունեցաւ Ռուսաստանի Արտաքին գործոց նախարար Սերկէյ Լաւրովի եւ Իրանի Արտաքին գործոց նախարար Ամիր Ապտուլլահիանի հետ։
Երեւանի պաշտօնական աղբիւրներու հաղորդումներով, Միրզոյեան-Լաւրով զրոյցի ընթացքին քննարկուեցան Լեռնային Ղարաբաղի հիմնախնդրի զանազան երեսակները։
Հայաստանի կառավարութեան կազմին մէջ տեղի ունեցաւ փոփոխութիւն մը։ Այսպէս, փոխ-վարչապետի պաշտօնին կոչուեցաւ Համբարձում Մատթէոսեան։
«Սիվիլնեթ» կայքէջին վրայ «Զարկերակ» ծրագրի հեղինակ Առէն Քերթեշեան զրուցեց Արա Գօչունեանի հետ. «Հիմա արդէն անցած ենք ճգնաժամային դրութեան»:
ԺԱՄԱՆԱԿ-ի անդունդի եզրին հասած ըլլալու վերաբերեալ ահազանգը լայն արձագանգ կը ստեղծէ հայկական զանգուածային լրատուութեան միջոցներու աշխարհէն ներս:
Վլատիմիր Փութինի միջնորդութեամբ նոյեմբերի 26-ին Նիկոլ Փաշինեանի եւ Իլհամ Ալիեւի միջեւ հանդիպում մը տեղի պիտի ունենայ:
«Ատրպէյճան ակնյայտ տարածքային նկրտումներ կը ցուցաբերէ, սակայն Հայաստան հարկադրանքի տակ պիտի չգործէ՝ բոլոր լծակները օգտագործելով»:
ՅԱՐՈՒԹԻՒՆ ԱԲՂ. ՏԱՄԱՏԵԱՆ
Առաւօտ ժամը 05.00-ին, խաւարապատ շրջակայքի մը մէջ երբ առաջին անգամ հանդիպում ունեցայ Թիֆլիզի հետ, արդէն քիչ թէ շատ մտքիս մէջ կային յատկապէս երկու անուններ, որոնցմէ առաջինն էր Սայաթ Նովա կոչեցեալ մեծ երգահանը, որ անուանակիցս եղեր է իր աւազանի անունով, իսկ երկրորդը՝ Ամենայն հայոց բանաստեղծ կոչեցեալ Յովհաննէս Թումանեանը։
