Իրանի Արտաքին գործոց նախարարութեան բանբեր Սայիտ Խաթիփզատէ երէկ յայտարարեց, որ Թեհրան կ՚ողջունէ Անգարա-Երեւան յարաբերութիւններու բնականոնացման ուղղեալ ջանքերը։ Այսպէսով տարածաշրջանի կարեւոր դերակատարներէն Թեհրան պաշտօնապէս արձագանգած եղաւ Թուրքիա-Հայաստան յարաբերութիւններու բնականոնացման ուղղեալ գործընթացին։
Գոհունակութեամբ վերահասու կ՚ըլլանք, թէ համակրելի մեներգչուհի Մարալ Այվազ ներկայիս գեղարուեստասէր հասարակութեան կը ներկայանայ նոր գործով մը։ Մօտաւոր անցեալին իր թողարկած ալպոմէն վերջ, այս անգամ Մարալ Այվազ «սինկըլ»ով մը կը ներկայանայ իր համակիրներուն։
Հայաստան կը ձգտի Արաբական Միացեալ Էմիրութիւններու վրայով բացուիլ դէպի արաբական երկիրներ:
Նախագահ Արմէն Սարգսեան Ապու Տապիի մէջ կանգ առաւ տարածաշրջանային անվտանգութեան հարցերուն վրայ:
Հայաստանի Ազգային ժողովի այս առաւօտեան նիստին ժամանակ օրակարգի վրայ եկաւ Թուրքիոյ հետ յարաբերութիւններու բնականոնացման գործընթացը։ Երեւան-Անգարա առանցքին վրայ անցեալ շաբաթավերջին Մոսկուայի մէջ տեղի ունեցած առաջին բանակցութիւններէն վերջ այս նիւթը կը շարունակէ անմիջական ուշադրութեան առարկայ դառնալ։
Նազըմ Հիքմէթի եւ Եաննիս Ռիցոսի թողած գրական աւանդի ներշնչանքով գեղարուեստական երեկոյթ:
Սարըյէրի քաղաքապետութեան «Պողազիչի» մշակոյթի եւ գեղարուեստի կեդրոնի երդիքին տակ ոգեւոր մթնոլորտ:
Թուրքիոյ ամբողջ արեւելքին կը տիրապետէ խստաշունչ ձմեռը։ Լայն աշխարհագրութիւն մը սպիտակ քօղի տակ է։ Վերջին օրերուն առատ ձիւն տեղացած է Վանի եւ շրջակայքին մէջ։
Անգարա-Երեւան յարաբերութիւններու բնականոնացման ուղղեալ նոր փորձի մթնոլորտին մէջ երէկ տեղի ունեցաւ յատուկ ներկայացուցիչներու առաջին հանդիպումը: Մոսկուայի քննարկումները տեւեցին շուրջ մէկուկէս ժամ եւ երեք մայրաքաղաքներն ալ անմիջապէս արձագանգեցին այս ժամադրութեան:
Թուրքիոյ եւ Հայաստանի միջեւ համաձայնութիւն գոյացաւ շարունակելու համար լիարժէք կարգաւորման առաջադրութեամբ բանակցութիւնները՝ առանց նախապայմանի: Սերտար Քըլըչի եւ Ռուբէն Ռուբինեանի յաջորդ տեսակցութեան վայրն ու թուականը պիտի որոշուին դիւանագիտական միջոցներով, անոնք ուղիղ կապ պիտի ունենան:
Հայաստանի Հանրապետութեան նախագահը այցելութիւն մը կու տայ Արաբական Միացեալ Էմիրութիւններ:
Արմէն Սարգսեան մասնակցութիւն կը բերէ «Ապու Տապիի կայունութեան շաբաթ-2022» միջազգային ֆորումին:
Պէյրութի Հայկազեան համալսարանի սրահին մէջ վերջին օրերուն տեղի ունեցաւ ոգեկոչման երեկոյթ մը, որ ձօնուած էր մօտաւոր անցեալին մահացած հրապարակագիր եւ իրաւաբան Մեթր Գասպար Տէրտէրեանի յիշատակին։ Լիբանանահայ Գրական շրջանակի նախաձեռնութեամբ կազմակերպուած ձեռնարկ մըն էր այս մէկը, որու յայտագրի գործադրումը սկսաւ Անի Քեսթենեան-Պասեթի ողջոյնի խօսքով։
ԺԱՄԱՆԱԿ-ի դիմագրաւած լուրջ տագնապին վերաբերեալ ահազանգը արձագանգ գտաւ նաեւ Լոս Անճելըսի «Ասպարէզ» օրաթերթին մէջ, որ անդունդի եզրին հասած թերթիս յարատեւման պայքարին զօրակցելու նպատակով ծաւալուն հարցազրոյց մը հրատարակեց մեր գլխաւոր խմբագիր Արա Գօչունեանի հետ:
«Ներկայ պահուն որեւէ անհատի կամ որեւէ կառոյցի պարտական չենք։ Ունինք այն վստահութիւնը, թէ ստեղծուած կացութիւնը ձախողման մը հետեւանքը չէ։ Մեր կոչը կը խարսխենք այն տրամաբանութեան վրայ, թէ ժամանակաւոր խնդիրները պէտք չէ թոյլ տանք, որ մեզմէ անժամանակ, մշտական արժէքներ խլեն։ Եթէ չունենանք գիտական, մշակութային, լրատուական կամ կրթական զանազան կառոյցներ, որոնք նոր ժամանակներուն յարմար գործունէութիւն կը ծաւալեն, մեր պատմութիւնն ալ կորսուելու սպառնալիքի ենթակայ է, որովհետեւ պատմութիւն ըսուածը ներկայ պահը կենսունակութեամբ ապագային շաղկապելու, ապագայի հետ օղակելու երեւոյթ է: Եթէ չկարողանանք այս պատմական լրատուամիջոցի ապագան պատրաստել, կը նշանակէ, որ անոր պատմութիւնն ալ մսխած պիտի ըլլանք»:
