Ֆրանսայի Արեւելեան լեզուներու եւ քաղաքակրթութիւններու պետական կաճառին (INALCO-ԻՆԱԼՔՕ) կից սկսաւ գործել հիմնադրամ մը։ Ըստ «Նոր Յառաջ» թերթի հաղորդումներուն, այս հիմնադրամի գործունէութեան սկիզբին առթիւ Փարիզի մէջ տեղի ունեցաւ պաշտօնական արարողութիւն մը։
Փարիզի «Buci» գեղարուեստասրահին մէջ այս օրերուն տեղի կ՚ունենայ քանդակագործ Նինա Խեմչեանի «Ոսկիի դարաշրջանը» (L'Age de l'Or) խորագրեալ ցուցահանդէսը, որու բացման մասնակցած է նաեւ Փարիզի մօտ Հայաստանի դեսպան Յասմիկ Տոլմաճեան։
Սուրբ Փրկիչ Ազգային հիւանդանոցը թրքահայութեան վրայ բացուած պատուհան մըն է։ Անոր առաքելութիւնն ու սպասարկութիւնները այդ պատուհանէն կը ցոլացնեն՝ մարդասիրութիւն, համակեցութիւն, զոհողութիւն, նուիրում, զօրակցութիւն, կարեկցանք։
ՍԱԳՕ ԱՐԵԱՆ
Ամերիկայի Միացեալ Նահանգներու Պաղտատը նուաճելու 19-րդ տարելիցի առթիւ, որ կը զուգադիպէր 9 ապրիլին, հրապարակուեցան բազում վերլուծութիւններ, որոնք լոյսին կը բերեն այդ ահաւոր պատերազմին տուն տուող պատճառները, զայն նախաձեռնողներուն յետին նպատակները եւ Իրաքի այսօրուան ընդհանուր իրականութիւնը։
Ուքրայնայի դէմ պատերազմ հռչակելէ վերջ Ռուսաստան անմիջական հարեւանութեամբ դէմ յանդիման մնաց ՆԱԹՕ-ի հետ՝ աւելի քան հազար քիլօմեթր երկարութեամբ ցամաքային սահմանով, ինչ որ ռազմական ու ռազմավարական հաւասարակշռութիւններու առումով աննախընթաց իրավիճակ մը կ՚ենթադրէ:
Մատրիտի գագաթաժողովի ծիրէն ներս Ռեճեփ Թայյիպ Էրտողան եւ Ճօ Պայտըն երէկ զրուցեցին աւելի քան ժամ մը:
Հայաստանի փոխ-վարչապետ Մհեր Գրիգորեան յայտարարեց, որ Երեւան-Մոսկուա-Պաքու եռակողմանի աշխատանքային խումբը յաջողած է տարածաշրջանային հաղորդակցութիւններու ապաշրջափակման հարցերով ապահովել դիրքորոշումներու մերձեցում։
Ուաշինկթընի կողմէ նոր համանախագահ մը նշանակուեցաւ ԵԱՀԿ-ի Մինսքեան խմբակին համար։ Այսպէս, վերջին տարիներուն այդ դիրքը զբաղեցուցած Էնտրու Շեֆըրին կը յաջորդէ Լորա Հոչլա, որ Ամերիկայի Միացեալ Նահանգներու Պետական քարտուղարութենէն ներս Կովկասի եւ տարածաշրջանային հակամարտութիւններու հարցերով գրասենեակի տնօրէնն է։
Գանատա որոշեց Հայաստանի մէջ բանալ դեսպանատուն մը։ Այս կապակցութեամբ ընկերային ցանցերու վրայ գրառումով մը հանդէս եկաւ Գանատայի Արտաքին գործոց նախարար Մելանի Ճոլի, որու խօսքով՝ այս քայլը թոյլ պիտի տայ աւելի ամուր կապեր հաստատել երկու երկիրներու միջեւ ու մեծցնել աջակցութիւնը Հայաստանի ժողովրդավարութեան ի նպաստ։
Հայաստանէն յունահռոմէական ոճի ըմբիշ Սուրէն Աղաջանեան դարձաւ Եւրոպայի ախոյեան։ Հռոմի մէջ այս օրերուն տեղի կ՚ունենայ Եւրոպայի մինչեւ 20 տարեկաններու Եւրոպայի առաջնութիւնը։
Կանաչը կենսունակութեան, յարատեւութեան գոյնն է։ Ծառը կեանքի նշան է։ Սուրբ Փրկիչ Ազգային հիւանդանոցն ալ կեանքի ծառը ջրելու ուղղեալ կոթող մըն է։
