Լրահոս

Հայաստանի վարչապետ Նիկոլ Փաշինեան երկօրեայ պաշտօնական այցելութիւն մը կու տայ Գահիրէ, ուր կը հիւրընկալուի Եգիպտոսի նախագահ Ապտիւլֆեթթահ էլ-Սիսիի կողմէ։

Երեւանի մէջ, սեպտեմբերի 17-20-ին տեղի պիտի ունենայ Համաշխարհային հայկական երկրորդ գագաթաժողովը, որու առաջինը տեղի ունեցած էր 2022 թուականին։ Սա կը կազմակերպուի Հայաստանի Սփիւռքի գործերու գլխաւոր յանձնակատար Զարեհ Սինանեանի գրասենեակին կողմէ։

Ռուսաստանի վարչապետ Միխայիլ Միշուսթին աշխատանքային այցելութեամբ կը գտնուի Պաքուի մէջ, ուր կը հիւրընկալուի Ատրպէյճանի նախագահ Իլհամ Ալիեւի եւ վարչապետ Ալի Ասատովի կողմէ։

Արարատ Միրզոյեան Անթալիայի երրորդ Դիւանագիտական ֆորումին ներկայացուց «Խաղաղութեան խաչմերուկ»ը:
Ըստ Լաւրովի՝ Երեւանի յայտարարութիւնները կը ստիպեն, որ Մոսկուա հետեւութիւններ ընէ սեփական քայլերը ծրագրաւորելու ժամանակ:

Անգարա եւ Երեւան վերահաստատեցին յարաբերութիւններու ամբողջական կարգաւորման հասնելու պատրաստակամութիւնը:
Դիւանագիտական ֆորումի շրջանակներէն ներս շօշափուեցաւ Թուրքիա-Հայաստան բնականոնացման գործընթացը: Հաքան Ֆիտան եւ Արարատ Միրզոյեան անդրադարձան նաեւ միջազգային ու տարածաշրջանային բնոյթով հարցերու: Հարաւային Կովկասի օրակարգով ասուլիսներ:

Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ մասնակցեցաւ Իսթանպուլի մօտ Ճաբոնի աւագ հիւպատոսութեան կողմէ կազմակերպուած պաշտօնական ընդունելութեան։

Յառաջիկայ աշնան նախատեսուած 93-րդ համագումարով գործի պիտի լծուի նոր առաջին դէմքը:
ՀԲԸՄ-ի Կեդրոնական վարչութեան նախագահի պաշտօնին մէջ Պերճ Սեդրակեանին պիտի յաջորդէ Սեմ Սիմոնեան:

Երեւանի մէջ յառաջիկայ շրջանին պիտի կանգնեցուի ֆրանսահայ անմոռանալի հայազգի երգիչ Շարլ Ազնաւուրի արձանը։ Մայրաքաղաքի համանուն հրապարակին վրայ պիտի զետեղուի այս արձանը՝ ի նշանաւորումն Շարլ Ազնաւուրի ծննդեան 100-ամեակի յոբելեանին։

Արարատ Միրզոյեան ԱՆթալիայի մէջ՝ Ճէյհուն Պայրամովի հետ Պերլինի երկօրեայ քննարկումներու աւարտին:
Պերպոք. «Հայաստան եւ Ատրպէյճան կ՚ընթանան խաղաղութեան պայմանագրի խիզախ ու դժուարին ճանապարհով»:

Հայաստանի Հանրապետութեան նախագահ Վահագն Խաչատուրեան աւարտեց դէպի Իրաք պաշտօնական այցելութիւնը։ Մայրաքաղաք Պաղտատի շփումները աւարտելէ վերջ, Վահագն Խաչատուրեան ուղղուեցաւ Էրպիլ, ուր հիւրընկալուեցաւ Հիւսիային Իրաքի Քրտական Ինքնավարութեան ղեկավարութեան կողմէ։