Ուաշինկթըն կը նախատեսէ 52 միլիոն ամերիկեան տոլար յատկացնել Երեւանին։ Ամերիկայի Միացեալ Նահանգներու պետական քարտուղարութեան արտաքին աջակցութեան գրասենեակի փոխ-տնօրէն Թրէյսի Քարսոն յայտնեց, որ այդ միջոցները՝ մասնաւորապէս նախատեսուած են Հայաստանի տնտեսութեան եւ ժողովրդավարութեան ամրապնդման համար։
Հայաստանը Վենետիկի արուեստի 60-րդ յոբելենական պիէնալին կը մասնակցի պետական մակարդակով:
Հայկական տաղաւարին մէջ պիտի ներկայացուի Նինա Խեմչեանի «Արձագանգ» բազմաշերտ մուլթիմետիա նախագիծը:
Թուրքիա-Ամերիկայի Միացեալ Նահանգներ Ռազմավարական դրութեան 7-րդ բանակցութիւններէն վերջ համատեղ յայտարարութիւն մը հրապարակուեցաւ:
Հաքան Ֆիտան եւ Էնթընի Պլինքըն պատրաստակամ են միասին աշխատիլ՝ խրախուսելու համար Հայաստանի եւ Ատրպէյճանի միջեւ ենթադրեալ խաղաղութեան պայմանագրին ստորագրումը:
Հարաւային Կովկասի խաղաղութեան որոնումները կ՚ընթանան իրերամերժ ազդեցութեան պայքարներով եւ խաղաքարտերով:
Ատրպէյեան Հայաստանէն պահանջեց անյապաղ վերադարձնել Տաւուշի մարզի սահմանամերձ չորս գիւղերը: Երեւան եւ Թեհրան կրկնեցին զգայնութիւնը միջազգայնօրէն ճանչցուած սահմաններու անձեռնմխելիութեան գծով: Լոնտոն Մոսկուայի սպառնալիքներուն դէմ զօրակցութիւն կը յայտնէ հայկական կողմին:
Հռոմէական Կաթոլիկ Եկեղեցւոյ Քահանայապետ Ֆրանսիսքոս Ա. Սրբազան Պապը կարեւոր յայտարարութիւններով հանդէս եկաւ Ռուսաստան-Ուքրայնա պատերազմին մասին։ Զուիցերական հեռուստաընկերութեան մը տուած հարցազրոյցին մէջ Սրբազան Պապը կոչ ուղղեց, որպէսզի Ուքրայնա քաջութիւն ունենայ սպիտակ դրօշ պարզելու եւ բանակցելու։
Հռչակաւոր դաշնակահար եւ երաժիշտ Շահան Արծրունիի գործունէութիւնը միշտ անակնկալներ կը վերապահէ երաժշտասէրներուն։ Անոնք, որոնք Շահան Արծրունիի նուագահանդէսներուն կը մասնակցին, անակնկալի չեն մատնուիր միայն իրենց հաղորդ դարձած արուեստի որակին ու մակարդակին տեսակէտէ։
Հայաստանի արտաքին գործոց նախարար Արարատ Միրզոյեան յայտարարեց, որ Երեւանի համար առաջնահերթութիւն կը համարուի հարեւաններու հետ յարաբերութիւններու կարգաւորումն ու զարգացումը։
Թուրքիա միշտ պատրաստ՝ Ռուսաստան-Ուքրայնա խաղաղութեան գագաթաժողով մը հիւրընկալելու:
Անգարա յամառօրէն հետամուտ՝ Սեւ ծովու միջոցաւ հացահատիկի գործարքի վերականգնման եւ սնունդի անվտանգութեան:
Թուրքիոյ եւ Ամերիկայի Միացեալ Նահանգներու միջեւ Ռազմավարական դրութեան եօթներորդ ժողովը:
Բանակցութիւնները գլխաւորեցին արտաքին գործոց նախարար Հաքան Ֆիտան եւ պետական քարտուղար Էնթընի Պլինքըն:
