Այսօր Սեպտեմբերի 21-ն է եւ Հայաստանի Հանրապետութիւնը իր անկախութեան 32-րդ տարեդարձը կը նշէ՝ ցարդ տօնախմբուածներէն բոլորովին տարբեր պայմաններու ներքեւ։ Ատրպէյճանի կողմէ Արցախի դէմ ձեռնարկուած հակաահաբեկչական միջոցառումներու յատուկ գործողութիւնները արդէն շուրջ մէկ օրուան ընթացքին հասան իրենց նպատակին։
Արցախի եւ Հայաստանի մէջ ստեղծուած իրավիճակով պայմանաւորուած՝ Սեւծովեան տնտեսական համագործակցութեան կազմակերպութեան մօտ Հայաստանի մշտական ներկայացուցչութիւնը որոշած է յետաձգել՝ աշխարհահռչակ երաժիշտ Արամ Խաչատուրեանի 120-ամեակին ձօնուած հանդիսաւոր համերգը, որ վաղը երեկոյեան տեղի պիտի ունենար Հարպիյէի «Ճեմալ Ռեշիտ Ռէյ» համերգասրահին մէջ։
Արցախի դէմ Ատրպէյճանի «հակաահաբեկչական միջոցառումներու յատուկ գործողութիւնները» երէկուընէ ի վեր պատճառ կը դառնան նոր մահերու եւ վիրաւորներու:
Պաքու կը պահանջէ պաշտպանութեան բանակին սպիտակ դրօշ պարզելը։ Մոսկուա կը շարունակէ քննադատել Երեւանի քայլերը։ Ուաշինկթըն կը ջանայ հանդարտեցնել իրավիճակը։ Թեհրան եւս կը կրկնէ իր մօտեցումները։
Հայաստան չի միջամտեր՝ մինչ վարչապետ Նիկոլ Փաշինեան յայտարարեց, որ բուն նպատակն է երկիրը ներքաշել պատերազմի։ Նախարար Արարատ Միրզոյեան Նիւ Եորքի մէջ կ՚ունենայ բազմակողմանի շփումներ՝ Անվտանգութեան խորհուրդի ժողովին ընդառաջ։
Հայկական իշխանութիւնները կը դիմագրաւեն նաեւ ներքին մարտահրաւէրներ։ Հանրապետութեան հրապարակին վրայ երէկ ստեղծուեցաւ մեծ լարուածութիւն, ոստիկանութիւնը ուժ կիրառեց։
Հայաստանի վարչապետ Նիկոլ Փաշինեան երէկ Արցախէն հասած լուրերէն անմիջապէս վերջ հանդէս եկաւ յայտարարութիւններով։ Ան յայտնեց, որ Ատրպէյճան սկսած է Լեռնային Ղարաբաղի հայութիւնը էթնիք զտումներու ենթարկելու ուղղեալ ցամաքային գործողութեան։
Հանրապետութեան նախագահ Ռեճեփ Թայյիպ Էրտողան երէկ ՄԱԿ-ի ամպիոնէն անդրադարձաւ Արցախի վերջին իրադարձութիւններուն։
Կը տեղեկանանք, որ այս օրերուն Երեւանէն քաղաքս կ՚այցելեն երեք գիտնականներ՝ Աստղիկ Բալայեան, Թամարա Աղամալեան եւ Կարոլինա Սահակեան։ Անոնք կը մասնակցին վերապատրաստման դասընթացքի մը, որ ուղղուած է նախկին խորհրդային երկիրներու գիտնականներուն։
Թուրքիոյ նախագահը Արցախի հակամարտութեան օրակարգով նախաձեռնութիւնով հանդէս եկած է: Առաջարկած է քառակողմանի ձեւաչափով՝ Ռուսաստան, Թուրքիա, Հայաստան եւ Ատրպէյճան հանդիպում մը կազմակերպել:
Հանրապետութեան նախագահ Ռեճեփ Թայյիպ Էրտողան երէկ Նիւ Եորքի մէջ հանդիպում մը ունեցաւ ՆԱԹՕ-ի ընդհանուր քարտուղար Եէնս Սթոլթենպերկի հետ։ ՄԱԿ-ի ընդհանուր ժողովի նոր նստաշրջանի բացման փուլին մասնակցելու համար Նիւ Եորք մեկնած է նախագահ Էրտողան, որ կ՚ունենայ շարք մը երկկողմանի հանդիպումներ։
Հայաստանեայց Առաքելական Եկեղեցւոյ Շիրակի թեմի առաջնորդ Տ. Միքայէլ Արք. Աջապահեանի կեցավայրը ենթարկուած է թալանի։ Իրաւապաշտպան Կարապետ Պօղոսեան երէկ ընկերային ցանցերու վրայ գրառում մը կատարելով տեղեկացուց, որ Նորին Սրբազնութեան բնակարանը թալանուած է։
Էրտողան Փաշինեանին առաջարկած է՝ Փութինի եւ Ալիեւի հետ քառակողմանի հանդիպում մը կազմակերպել:
Թուրքիա կ՚ընթանայ Լեռնային Ղարաբաղի հիմնախնդրի կարգաւորման գործընթացէն ներս կշիռը բարձրացնելու ճանապարհով՝ բանակցութիւններուն ուղղակի ներգրաւուելու համար, երբ Հարաւային Կովկասի մէջ ուժերու վերադասաւորումը անշրջադարձելի է:
