Լրահոս

Թուրքիոյ, Ատրպէյճանի եւ Փաքիստանի ղեկավարները երէկ հանդիպում մը ունեցան Լաչինի մէջ:
Ըստ Էրտողանի՝ այս եռակողմանի գագաթաժողովը անհրաժեշտութիւն է եւ պիտի ստանայ հաստատութենական բնոյթ:

Ատրպէյճանի բանակը այս կէսգիշերին հերթական անգամ թիրախաւորեց Հայաստանի Սիւնիքի մարզը։ Այսպէս, Ատրպէյճանի զինեալ ուժերը կրակ բացին Խոզնաւարի վրայ, ուր վնասուեցաւ բնակարան մը։

Ռուսաստանի պաշտպանութեան նախարար Անտրէյ Պելոուսօ յայտարարեց, որ Հայաստանի Սիւնիքի մարզին շուրջ լարուածութիւնը կը մնայ առկայ։ 

Արտաքին գործոց նախարար Հաքան Ֆիտան այսօր կ՚այցելէ Քիեւ, ուր նախատեսուած է իր հանդիպումը Ուքրայնայի նախագահ Վոլոտիմիր Զելենսքիի հետ։ Ծանօթ է, որ նախարարը վերջին օրերուն այցելեց Մոսկուա, ուր ընդունուեցաւ Ռուսաստանի նախագահ Վլատիմիր Փութինի կողմէ։

Հայաստանի ինն թանգարանի տնօրէն մայիս 27-յունիս 7 թուականներու միջեւ կը մասնակցի Ամերիկայի Միացեալ Նահանգներու կառավարութեան կողմէ կազմակերպուած «Միջազգային այցելու» ծրագրին՝ «Մշակութային կազմակերպութիւններու միջեւ կառավարման գերազանցութեան խթանումը» խորագրով։

Արտաքին գործոց նախարար Հաքան Ֆիտան Մոսկուա այցելութեան ընթացքին Ռուսաստանի արտաքին գործոց նախարար Սերկէյ Լաւրովի հետ քննարկեց Հարաւային Կովկասի իրավիճակը։

Հայաստանի ազգային ժողովի փոխ-նախագահ Ռուբէն Ռուբինեան յայտնեց, որ Երեւան այժմ կը փորձէ փոխել Հարաւային Կովկասի տարածաշրջանային թափը։ «Երեւանեան երկխօսութիւն» երկրորդ միջազգային համաժողովի շրջանակներէն ներս մասնակցած ասուլիսին ժամանակ ան ընդգծեց, որ անվտանգութեան ոլորտէ ներս միայն մէկ աղբիւրի վրայ յենուիլը պարզապէս չ՚աշխատիր։

Երէկ, արտաքին գործոց նախարար Հաքան Ֆիտան ամենաբարձր մակարդակի վրայ շփումներ ունեցաւ Մոսկուայի մէջ։ Քրեմլինի պալատէն ներս ան ընդունուեցաւ Ռուսաստանի նախագահ Վլատիմիր Փութինի կողմէ։

Արարատ Միրզոյեան. «Մարդկութիւնը դէմ յանդիման է մեծ անորոշութեան, բայց սա աշխարհի վերջը չէ»:
Հայաստանի արտաքին քաղաքական գերակայութիւնն է՝ իր շուրջ խաղաղ ու անվտանգ միջավայր մը ձեւաւորելը:

«Երեւանեան երկխօսութիւն» երկրորդ համաժողովը այս առաւօտ սկսաւ՝ համախմբելով միջազգային ընտանիքէն բազում ներկայացուցիչներ։ Հայաստանի Հանրապետութեան նախագահ Վահագն Խաչատուրեան, ազգային ժողովի նախագահ Ալէն Սիմոնեան, վարչապետ Նիկոլ Փաշինեան, արտաքին գործոց նախարար Արարատ Միրզոյեան ջերմ մթնոլորտի մը մէջ հիւրընկալեցին բոլոր ներկաները։