Աւետիս Հաճեան կը տեղեկացնէ.-
Մխիթարեան միաբանութեան Վենետիկի Ս. Ղազար կղզիի մայրավանքին մէջ վերջերս տեղի ունեցաւ յատկանշական ձեռնարկ մը, որ ձօնուած էր նոյնաժամանակ երեք յոբելեաններու։ Մխիթարեան միաբանութեան հիմնադիր Մխիթար Աբբահօր վախճանման 275-րդ տարելիցին, մեծն Կոմիտաս Վարդապետի ծննդեան 155-րդ տարիին եւ Շարլ Ազնաւուրի ծննդեան 100-ամեակին առթիւ Ս. Ղազար կղզիին վրայ համերգով մը հանդէս եկաւ Հայաստանի Պետական սենեկային նուագախումբը։
Անգարա-Երեւան յարաբերութիւններու բնականոնացման գործընթացէն ներս այս շրջանին ընդհանուր լաւատեսութիւն մը կը տիրապետէ։ Այժմ օրակարգի վրայ է Կարս-Կիւմրի երկաթուղիի վերագործարկման հեռանկարը։
Թուրքիա կ՚ընդգծէ, որ երբեք պիտի չարտօնէ՝ իր սահմաններէն անդին ահաբեկաստանի մը ստեղծման:
Նախագահ Էրտողանի գլխաւորութեամբ, անվտանգութեան հարցերու օրակարգով հրատապ խորհրդակցութիւն:
Ռուսաստանի Քազան քաղաքին մէջ կազմակերպուած BRICS-ի 16-րդ գագաթաժողովի շրջանակներէն ներս, Հայաստանի վարչապետ Նիկոլ Փաշինեան եւ Ատրպէյճանի նախագահ Իլհամ Ալիեւ երէկ ունեցան հանդիպում մը։ Անոնք քննարկեցին Երեւան-Պաքու ենթադրեալ պայմանագրին եւ սահմանազատման վերաբերեալ հարցեր։
Հայաստանի առաջին նախագահ Լեւոն Տէր-Պետրոսեան երէկ հանդիպում մը ունեցաւ Երեւանի մօտ Ֆրանսայի դեսպան Օլիվիէ Տըքոթինյիի հետ։ Տեսակցութիւնը տեղի ունեցաւ Տէր-Պետրոսեանի առանձնատան մէջ։
Երէկ, Անգարայի մէջ պատահեցաւ սարսափելի դէպք մը, որ ցնցեց ամբողջ Թուրքիան։ Այսպէս, ահաբեկչական յարձակում մը գործուեցաւ Թուրքիոյ օդագնացութեան եւ անջրպետի արդիւնաբերութեան ընկերութեան (TUSAŞ) վրայ։ Դժբախտաբար դէպքը խլեց 5 նահատակ, կայ նաեւ 22 վիրաւոր։
Երեւանի ղեկավարութիւնը երէկ անմիջապէս արձագանգեց Անգարայի մէջ պատահած դէպքին։ Հայաստանի արտաքին գործոց նախարարութիւնը յայտարարութեամբ մը հանդէս եկաւ՝ շեշտելով, որ ահաբեկչութիւնը որեւէ արդարացում չունի։
Ռեճեփ Թայյիպ Էրտողան-Վլատիմիր Փութին հանդիպում. Ռուսաստան կը խրախուսէ Թուրքիոյ BRICS-ի անդամակցութիւնը:
Հայաստանի վարչապետ Նիկոլ Փաշինեան այս առաւօտ Քազանի մէջ քննարկումներ ծաւալեց Իրանի նախագահ Մեսուտ Փեզեշքիանի հետ:
Արարատ Միրզոյեան խորհրդարանի ամիպոնէն մանրամասնութիւններ ներկայացուց Հաքան Ֆիտանի հետ տեսակցութեան շուրջ:
Երեւան նպատակայարմար չի նկատեր «3+3» հարթակը՝ Պաքուի հետ բանակցութիւններու համար. արդէն այդպէս առաջարկ մըն ալ չկայ:
Սփիւռքահայ յայտնի մտաւորական տքթ. Հրաչ Չիլինկիրեան նոր պաշտօնի մը կոչուած է Հայց. Առաքելական Եկեղեցւոյ Հիւսիսային Ամերիկայի Արեւմտեան թեմէն ներս։ Այսպէս, Թեմակալ առաջնորդ Տ. Յովնան Արք. Տէրտէրեանի կողմէ իր պարագային կատարուած նշանակումը ուժի մէջ է անցեալ յուլիսի 1-էն ի վեր։
