Լրահոս

Հայ­կա­կան բա­րե­գոր­ծա­կան ընդ­հա­նուր միու­թեան (ՀԲԸՄ) հիմ­նադ­րու­թեան 110-ա­մեայ յո­բե­լեա­նը յա­ռա­ջի­կայ ամ­սուան սկիզ­բին պի­տի նշուի նաեւ Հա­յաս­տա­նի մէջ։ Այս­պէս, 1-5 Դեկ­տեմ­բեր թուա­կան­նե­րուն Ե­րե­ւա­նի մէջ յո­բե­լե­նա­կան ձեռ­նարկ­նե­րու շարք մը տե­ղի պի­տի ու­նե­նայ եւ այդ շար­քը պի­տի հա­մախմ­բէ ՀԲԸՄ-ի ղե­կա­վա­րու­թիւ­նը, ան­դամ­նե­րը, գոր­ծըն­կեր­ներն ու հա­մա­կիր­նե­րը։

«Հայ­փոստ» ըն­կե­րու­թիւ­նը ե­րէ­կուան դրու­թեամբ պաշ­տօ­նա­պէս շրջա­նա­ռու­թեան մէջ դրաւ «Հա­յաս­տա­նի թան­գա­րան­ներ. Սէր­կէյ Փա­րա­ճա­նո­վի թան­գա­րան» ա­նու­նով եր­կու նա­մա­կա­նիշ։ «Ար­­մէնփ­րէս»ի հա­ղոր­դում­նե­րով, այս դրոշ­մա­թուղ­թե­րուն վրայ ներ­կա­յա­ցուած են Սէր­կէյ Փա­րա­ճա­նո­վի թան­­գա­րա­նի սրահ­նե­րու քո­լաժ­նե­րուն պատ­­կեր­նե­րը։

Զուի­ցե­րիոյ մօտ Հա­յաս­տա­նի դես­պա­նորդ Յաս­միկ Տոլ­մա­ճեան պար­գեւատրուե­ցաւ Ֆրան­սա­յի բարձր շքան­շա­նով։ Ժը­նե­ւի մէջ, Ֆրան­սա­յի մշտա­կան ներ­կա­յա­ցուց­չու­թեան եր­դի­քին տակ նա­խըն­թաց օր տե­ղի ու­նե­ցաւ պար­գե­ւատր­ման ա­րա­րո­ղու­թիւ­նը։

Նա­խըն­թաց օր, Air France նշած է Փա­րիզ-Ե­րե­ւան թռիչք­նե­րու հաս­տատ­ման 10-րդ տա­րե­դար­ձը: Air France-ի ա­ռա­ջին թռիչ­քը տե­ղի ու­նե­ցած էր 2006 թուա­կա­նին՝ Շարլ Ազ­նա­ւու­րի մաս­նակ­ցու­թեամբ: Այս տա­սը տա­րի­նե­րու ըն­թաց­քին Փա­րիզ-Ե­րե­ւան թռիչք­նե­րէն օգ­տուած է ա­ւե­լի քան 500 հա­զար ճամ­բորդ:

Եւ­րո­յանձ­նա­ժո­ղո­վի Հե­տա­զօ­տու­թեան, գի­տու­թեան եւ նո­րա­րա­րու­թեան հար­ցե­րով յանձ­նա­կա­տար Քար­լոս Մոէ­տաս, որ ԵՄ-ի Ա­րե­ւե­լեան գոր­ծըն­կե­րու­թեան շրջագ­ծով նա­խա­տե­սուած երկ­խօ­սու­թեան հան­­դիպ­ման մը հա­մար կը գտնուէր Ե­րե­ւա­նի մէջ, ե­րէկ այ­ցե­լեց Մա­տե­նա­դա­րան։ Յանձ­նա­կա­տար Մոէ­տա­սին ըն­կե­րա­ցաւ Հա­յաս­տա­նի Կրթու­թեան ու գի­տու­թեան նա­խա­րար Լե­ւոն Մկրտչեան։

Պուլ­կա­րիոյ «Փեն» ա­կում­բի եւ Պուլ­կար գրող­նե­րու միու­թեան «Փլամք» ամ­սա­գի­րը, Հա­յաս­տա­նի ան­կա­խու­թեան 25-ա­մեա­կին ա­ռի­թով, իր աշ­նա­նա­յին հրա­տա­րա­կու­թիւ­նը ամ­բող­ջու­թեամբ պի­տի նուի­րէ հայ դա­սա­կան եւ ժա­մա­նա­կա­կից գրա­կա­նու­թեան՝ Մաշ­տո­ցէն եւ Նա­րե­կա­ցիէն մին­չեւ մեր օ­րե­րը:

Սերժ Սարգսեան կրնայ տեսակցիլ Իլհամ Ալիեւի հետ՝ եթէ հանդիպումը օգուտ մը բերէ:
Սէրկէյ Լաւրով եւ Ժան-Մարք Էյրօ անդրադարձան Լեռնային Ղարաբաղի հիմնախնդրի կարգաւորման գործընթացին:

Արեւելեան գործընկերութեան անդամ երկիրներու արտաքին գործոց նախարարներու երէկուան ութերորդ անպաշտօն ժողովը:
Հայաստանի եւ Եւրոպական Միութեան միջեւ նոր շրջանակային համաձայնագրի շուրջ բանակցութիւնները պիտի շարունակուին յաջորդ ամիս:

«Ա­կօս» շա­բա­թա­թեր­թի հիմ­նա­դիր Հրանդ Տին­քի վրայ կրա­կած Օ­կիւն Սա­մաստ վեր­ջերս դի­մում մը ներ­կա­յա­ցուց Իս­թան­պու­լի 14-րդ պատ­ժա­կան ա­տեա­նին, ուր կ՚ըն­թա­նայ այս գոր­ծին վե­րա­բե­րեալ դա­տա­վա­րու­թիւ­նը։ Ներ­կա­յիս այդ ա­տեա­նին մօտ ըն­թաց­քի մէջ է հան­րա­յին պաշ­տօ­նեա­նե­րու զան­ցա­ռու­թիւն­նե­րուն նիւ­թը, որ այս գոր­ծի ընդ­հա­նու­րին մէջ ու­նի ա­ռանց­քա­յին նշա­նա­կու­թիւն։

Ան­գա­րա-Գա­հի­րէ յա­րա­բե­րու­թիւն­նե­րու առ­կայ լա­րուած ի­րա­վի­ճա­կին մէջ Ե­գիպ­տո­սի խորհր­դա­րա­նը կը պատ­րաս­տուի իր օ­րա­կար­գին վրայ ընդգր­կել բա­նա­ձեւ մը, ո­րով նա­խա­տե­սուած է Թուր­քիոյ դա­տա­պար­տումը՝ 1915-ին հա­յոց դէմ ի­րա­գոր­ծուած կո­տո­րած­նե­րուն բե­րու­մով։