Թրքահայ կեանք

Ժի­րայր Քը­լըչ­տաղ կը տե­ղե­կաց­նէ.-

Գո­հու­նա­կու­թեամբ վե­րա­հա­սու կ՚ըլ­լանք, թէ մեր հա­մայն­քէն եր­կու ար­ժէ­քա­ւոր ե­րի­տա­սարդ­ներ՝ Մի­լե­նա Այ­սե­լի եւ Ռաֆ­ֆի Քալք վեր­ջերս ա­ւար­տած են «Կե­տիկ» հա­մալ­սա­րա­նի Մար­զա­կան գի­տու­թիւն­նե­րու ֆա­քիւլ­թէն։

Կեդ­րո­նա­կա­նի ըն­տա­նի­քը ե­րէկ ե­րե­կո­յեան հրա­ժեշտ տուաւ վար­ժա­րա­նի այս տա­րուան հունձ­քին։ Գում­գա­բուի «Պէզ­ճեան» սրա­հին մէջ տե­ղի ու­նե­ցաւ շրջա­նա­ւար­տու­թեան հան­դէ­սը, ո­րու ըն­թաց­քին ստեղ­ծուե­ցաւ ո­գե­ւոր մթնո­լորտ։ Վեր­ջին տա­րի­նե­րուն ձե­ւա­ւո­րուած նա­խըն­թա­ցով, դպրո­ցի ըն­թա­ցա­ւարտ­նե­րը Գում­գա­բուի մէջ հա­մախմ­բուե­ցան՝ ի­րենց վկա­յա­կան­նե­րը ստա­նա­լու հա­մար։

Սա­մա­թիոյ մէջ ե­րէկ տե­ղի ու­նե­ցաւ Սա­հա­կեան-Նու­նեան լի­սէի այս տա­րուան շրջա­նա­ւարտ­նե­րուն վկա­յա­կա­նի բաշխ­ման հան­դի­սա­ւոր ա­րա­րո­ղու­թիւ­նը։ Քա­ռա­սուն շրջա­նա­ւարտ­նե­րը շքեղ տո­ղանց­քով մը ներ­կա­յա­ցան բա­ցօ­թեայ ձեռ­նար­կի մաս­նա­կից­նե­րուն, ո­րոնք ջերմ զգա­ցում­նե­րով ող­ջու­նե­ցին զա­նոնք։

Գո­հու­նա­կու­թեամբ վե­րա­հա­սու կ՚ըլ­լանք, թէ մեր հա­մայն­քի տա­ղան­դա­ւոր ե­րի­տա­սարդ ա­կա­դե­մա­կան­նե­րէն Նազ­լը Թե­միր-Պէյ­լէ­րեան Փա­րի­զի մէջ ա­ւար­տած է իր տոք­թո­րա­կա­նը՝ մաս­նա­գի­տա­նա­լով ըն­կե­րա­բա­նու­թեան ճիւ­ղին մէջ։ Նազ­լը Թե­միր-Պէյ­լէ­րեան վեր­ջին տա­րի­նե­րուն տոք­թո­րա­կա­նի աշ­խա­տանք տա­րած է Ֆրան­սա­յի Ըն­կե­րա­յին գի­տու­թիւն­նե­րու գծով բարձ­րա­գոյն ու­սում­նա­սի­րու­թիւն­նե­րու դպրո­ցէն ներս։

Ե­րէկ ե­րե­կո­յեան Է­սաեա­նի ըն­տա­նի­քը խան­դա­վառ մթնո­լոր­տի մը մէջ հրա­ժեշտ տուաւ լի­սէի բաժ­նի այս տա­րուան հունձ­քին։ Վար­ժա­րա­նին մէջ այս առ­թիւ ստեղ­ծուե­ցաւ տօ­նա­կան մթնո­լորտ։

Սա­մա­թիոյ ըն­տա­նի­քը ե­րէկ ե­րե­կո­յեան ընթ­րիք մը կազ­մա­կեր­պեց Սա­հա­կեան-Նու­նեան վար­ժա­րա­նի լի­սէի բաժ­նի այս տա­րուան հունձ­քին հա­մար։ Հարկ է նշել, որ 2015-2016 կրթա­կան շրջա­նին Սա­հա­կեան-Նու­նեան լի­սէն ու­նի քա­ռա­սուն շրջա­նա­ւարտ։

Գո­հու­նա­կու­թեամբ վե­րա­հա­սու կ՚ըլ­լանք, թէ մեր հա­մայն­քի տա­ղան­դա­ւոր ե­րի­տա­սար­դու­հի­նե­րէն Շի­լա Սե­լին Շի­լէ­լեան վեր­ջերս յա­ջո­ղու­թեամբ ա­ւար­տած է Իս­թան­պու­լի հա­մալ­սա­րա­նի Կրթա­կան ֆա­քիւլ­թէն։ Դա­սա­րա­նի ու­սուց­չու­թեան եւ գի­տու­թեան ու­սուց­չու­թեան գծով ան նոյ­նա­ժա­մա­նակ հե­տե­ւած է եր­կու հիմ­նա­կան ճիւ­ղի։

Ե­րէկ յետ­մի­ջօ­րէին Սուրբ Խաչ դպրե­վան­քի մէջ տե­ղի ու­նե­ցաւ շրջա­նա­ւար­տու­թեան հան­դէս։ Վար­ժա­րա­նի այս տա­րուան հունձ­քին հա­մար կազ­մա­կեր­պուած վկա­յա­կան­նե­րու բաշխ­ման ա­րա­րո­ղու­թիւ­նը ան­ցաւ խան­դա­վառ մթնո­լոր­տի մը մէջ։

Պատ­րիար­քա­կան Ընդ­հա­նուր Փո­խա­նորդ Տ. Ա­րամ Արք. Ա­թէ­շեան ե­րէկ ըն­դու­նեց Սկիւ­տա­րի Ս. Կա­րա­պետ ե­կե­ղեց­ւոյ թա­ղա­յին խոր­հուր­դի ներ­կա­յա­ցու­ցիչ­նե­րը, ո­րոնց հետ էր նաեւ հո­գե­ւոր հո­վիւ Տ. Շա­հէն Քհնյ. Օ­հա­նեան։

Գան­տիլ­լի Ս. Եր­կո­տա­սան Ա­ռա­քե­լոց ե­կե­ղեց­ւոյ տա­րե­կան տօ­նախմ­բու­թիւ­նը տե­ղի ու­նե­ցաւ շաբաթավերջին՝ նա­խա­գա­հու­թեամբ Կրօ­նա­կան Ժո­ղո­վի Ա­տե­նա­պետ Տ. Սա­հակ Եպսկ. Մա­շա­լեա­նի։ Ա­րա­րո­ղու­թեանց մաս­նակ­ցե­ցան ե­կե­ղեց­ւոյ այ­ցե­լու ե­րէց՝ Տ. Յա­րու­թիւն Աբեղայ Տա­մա­տեան, Տ. Սար­գիս Ա. Քհնյ. Գու­յում­ճեան, ուխ­տա­ւոր դպիրներ եւ կո­կիկ թի­ւով հա­ւա­տա­ցեալ ժո­ղո­վուրդ։ Ե­կե­ղեց­ւոյ հա­մար սոյն տօ­նա­կա­տա­րու­թիւ­նը յատ­կան­շա­կան էր, քա­նի որ զան­գակ­նե­րը կ՚ա­ւե­տէին 175-ա­մեայ ա­ղօթ­քի տան կեն­դա­նու­թիւ­նը։