Թրքահայ կեանք

Իս­թան­պու­լա­հայ զա­նա­զան հաս­տա­տու­թիւն­նե­րու տիկ­նանց կազ­մե­րու եւ վար­ժա­րան­նե­րու ծնո­ղաց միու­թիւն­նե­րու ներ­կա­յա­ցու­ցիչ կա­նայք ե­րէկ Մար­տի 8-ի առ­թիւ հա­մախմ­բուե­ցան Սկիւ­տա­րի Ս. Խաչ ե­կե­ղեց­ւոյ մէջ։ «Կիւլ­պէն­կեան» սրա­հի մէջ սար­քուած սի­րոյ սե­ղա­նով ա­նոնք նշե­ցին Հա­մաշ­խար­հա­յին կա­նանց օ­րը։

Գո­հու­նա­կու­թեամբ վե­րա­հա­սու կ՚ըլ­լանք, թէ Է­սաեան սա­նուց միու­թիւ­նը թե­ւա­կո­խած է իր հիմ­նադ­րու­թեան 70-ա­մեայ յո­բե­լեա­նը եւ այս առ­թիւ մշա­կուած է մաս­նա­ւոր ծրա­գիր մը։ Նա­խըն­թաց օր, հա­ճոյքն ու­նե­ցանք խմբագ­րա­տանս մէջ հիւ­րըն­կա­լե­լու Է­սաեան սա­նուց միու­թեան վար­չու­թեան ա­տե­նա­պե­տու­հի Մա­րիամ Տրա­մէ­րեանն ու այդ կա­ռոյ­ցի հո­վա­նիին տակ գոր­ծող «Մա­րալ» հա­մոյ­թի գե­ղա­րուես­տա­կան ղե­կա­վար Կար­պիս Չափ­քա­նը։

Գուզ­կուն­ճու­քի Ս. Գրի­գոր Լու­սա­ւո­րիչ ե­կե­ղեց­ւոյ մէջ ե­րէկ տե­ղի ու­նե­ցաւ Մեծ պա­հոց շրջա­նի երկ­րորդ Ա­րե­ւա­գա­լի ա­րա­րո­ղու­թիւ­նը, ո­րուն հան­դի­սա­պե­տեց Տ. Յա­րու­թիւն Ա­բե­ղայ Տա­մա­տեան։ Ներ­կայ էր նաեւ Տ. Շա­հէն Քհնյ. Օ­հա­նեան։

Թաքսիմ մարզակումբը յառաջիկայ օրերուն պիտի հիւրընկալէ Աքիֆ Չաղաթայ Քըլըճը:
Նախարարին այցը կրնայ նոր հորիզոն մը բանալ մարզադաշտի կարգավիճակի հարցի լուծման առջեւ:

Գո­հու­նա­կու­թեամբ վե­րա­հա­սու կ՚ըլ­լանք, թէ մեր հա­մայն­քի ար­ժէ­քա­ւոր ե­րի­տա­սարդ­նե­րէն Սա­րին Թաշ­հան ի­րա­ւունք շա­հած է յա­ճա­խե­լու Հա­յաս­տա­նի յա­ռա­ջա­տար կրթա­կան հաս­տա­տու­թիւն­նե­րէն մէ­կը՝ UWC-ի Դի­լի­ջա­նի գո­լէ­ճը։ Ան ներ­կա­յիս կ՚ա­շա­կեր­տի Կեդ­րո­նա­կան վար­ժա­րան, որ­մէ ա­ռաջ ա­ւար­տած է Ֆէ­րի­գիւ­ղի Մէ­րա­մէթ­ճեան վար­ժա­րա­նը։

Հայց. Ա­ռա­քե­լա­կան Ե­կե­ղեց­ւոյ Գեր­մա­նիոյ Թե­մա­կալ Ա­ռաջ­նորդ Տ. Գա­րե­գին Արք. Պեք­ճեան յա­ռա­ջի­կայ օ­րե­րուն պի­տի այ­ցե­լէ Իս­թան­պուլ։ Կը տե­ղե­կա­նանք, որ Նո­րին Սրբազ­նու­թիւ­նը քա­ղաքս պի­տի ժա­մա­նէ վա­ղը կէս գի­շե­րին։

Գո­հու­նա­կու­թեամբ վե­րա­հա­սու կ՚ըլ­լանք, որ ՀԱՅ­ՃԱՐ կը պատ­րաս­տուի մե­ծա­րել մեր հա­մայն­քի ե­րէց սե­րուն­դի ե­րախ­տա­շատ ա­նուն­նե­րէն մին՝ Նշան Եա­ղու­պեա­նը։ Ե­րէկ, հա­ճոյքն ու­նե­ցանք խմբագ­րա­տանս մէջ հիւ­րըն­կա­լե­լու ՀԱՅ­ՃԱՐ-ի վար­չու­թեան ա­տե­նա­պետ Ժան Կավ­րի­լօ­ֆը, որ մե­զի տե­ղե­կու­թիւն­ներ փո­խան­ցեց այս ծրագ­րին շուրջ։

Ե­րէկ ե­րե­կո­յեան Պա­քըր­գիւ­ղի Տա­տեան վար­ժա­րա­նի «Տիգ­րան Կիւլ­մէզ­կիլ» սրա­հին մէջ սկսաւ միջ­միու­թե­նա­կան գի­տա­կան մրցոյ­թը, որ այս տա­րի կը կազ­մա­կեր­պուի տասն միու­թիւն­նե­րու մաս­նակ­ցու­թեամբ։ Տա­տեան սա­նուց միու­թեան նա­խա­ձեռ­նու­թեամբ ու տան­տի­րու­թեամբ կը կազ­մա­կեր­պուի այս տա­րուան մրցոյ­թը, որ պի­տի շա­րու­նա­կուի ե­րեք շա­բաթ։

Կէ­տիկ­փա­շա­յի Ս. Յով­հան­նէս ե­կե­ղեց­ւոյ թա­ղա­յին խոր­հուր­դը ո­րո­շած է Մեծ պա­հոց շրջա­նին խնամ­քի ա­ռար­կայ դարձ­նել նոյն թա­ղի «Հրանդ Տինք» վար­ժա­րա­նի ա­շա­կեր­տու­թիւնն ու ու­սուց­չա­կան կազ­մը։ Թա­ղա­յին խոր­հուր­դը ո­րո­շած է Մեծ պա­հոց շրջա­նին շա­բա­թը օր մը ա­պա­հո­վել դպրո­ցին պահ­քի ճա­շը։

Ե­րէկ, «Թաք­սիմ Հիլլ» պան­դո­կին մէջ Շիշ­լի մար­զա­կում­բի վար­չու­թեան նա­խա­ձեռ­նու­թեամբ կազ­մա­կեր­պուե­ցաւ կա­նանց հա­ւա­քոյթ մը։ 8 Մար­տի Հա­մաշ­խար­հա­յին կա­նանց օ­րուան ըն­դա­ռաջ նա­խա­տե­սուած էր այս ձեռ­նար­կը, ո­րու նպա­տակն էր Շիշ­լի մար­զա­կում­բի նոր տիկ­նանց կազ­մին ծա­նօ­թա­ցու­մը։