Պատրիարքական ընդհանուր փոխանորդ Տ. Արամ Արք. Աթէշեան շնորհաւորական մը ուղարկեց Ազգային մեծ ժողովի նորընտիր նախագահ Մուսթաֆա Շենթոփին։ Նորին սրբազնութիւնը այս առթիւ մատնանշեց, որ խորհրդարանը ազգային կեանքի խորհրդանշանը կը համարուի ու երկրի միասնականութեան կոթողը։
Էսաեան սանուց միութեան «Մարալ» երգի-պարի համոյթը յառաջիկայ տարի պիտի թեւակոխէ իր հիմնադրութեան 40-ամեակը, որու համար մշակուած է ծրագիր մը
Գեղարուեստական ղեկավար Կարպիս Չափքան յոբելենական շրջանի աշխատանքներուն ներգրաւած է փորձառու վարպետ մը՝ Գագիկ Կարապետեանը, որ շուրջ երեք շաբաթէ ի վեր
քաղաքիս մէջ կը գտնուի՝ վերահսկելու համար 2020 թուականի մեծ ձեռնարկներու նախապատրաստութիւնները եւ երէկ սարքեց մամլոյ ասուլիս մը. «Պարի լեզուն երաժշտութիւնն է»
Երէկ յետմիջօրէին Պալաթի Ս. Հրեշտակապետ եկեղեցին ենթարկուեցաւ տգեղ եւ անարգական արարքի մը։ Անծանօթ մը եկեղեցւոյ մայր դրան եւ յարակից պատերուն վրայ ներկով գրութիւններ գրի առաւ, նաեւ փորձեց սրբավայրի պատմութեան վերաբերեալ ցուցատախտակը հանել։
Գումգաբուի Դրսի Ս. Յարութիւն եկեղեցիէն ներս վերջերս կազմուեցաւ տիկնանց յանձնախումբ մը, որ անուանուեցաւ թաղի երբեմնի վարժարանի անունով։ Այսպէս, Պատրիարքական ընդհանուր փոխանորդ Տ. Արամ Արք. Աթէշեանի օրհնութեամբ եւ Գումգաբուի Դրսի Ս. Յարութիւն եկեղեցւոյ հոգեւոր հովիւ Տ. Մաղաքիա Աբեղայ Պեսքիսիզեանի ջանքերով գործել սկսաւ Վառվառեան տիկնանց կազմը։
Գատըգիւղի Արամեան-Ունճեան վարժարանին մէջ հանդէս մը տեղի ունեցաւ Մայրենի լեզուի համաշխարհային օրուան առթիւ։ Օրուան ծրագիրը պատրաստած էին ուսուցչուհիներ՝ Աննա Սարը Սեչքին, Նաժտա Տեմիրճիօղլու, Մելիսա Թուրաչ Պալչըք եւ Թամար Մանկասար։
Ամենայն հայոց բանաստեղծ Յովհաննէս Թումանեանի ծննդեան 150-ամեայ յոբելեանին առթիւ Գարակէօզեան Տան երդիքին տակ տեղի ունեցան շարք մը ձեռնարկներ, որոնք ստեղծեցին խանդավառ մթնոլորտ։ 19 փետրուարին Յովհաննէս Թումանեանի կեանքին, գործունէութեան ու վաստակին վերաբերեալ տեսանիւթ մը ներկայացուեցաւ աշակերտներուն։
Այս առաւօտ հաճոյքն ունեցանք խմբագրատանս մէջ հիւրընկալելու Ֆէրիգիւղի Մէրամէթճեան վարժարանի 8-րդ դասարանի սաները։ Հայերէնի նուիրեալ ուսուցչուհի Հերա Իսքէնտէրօղլուի գլխաւորութեամբ տղաքը այցելեցին խմբագրատունս, ուր օրուան սկիզբին ստեղծեցին խանդավառ մթնոլորտ։
Պատրիարքական ընդհանուր փոխանորդ Տ. Արամ Արք. Աթէշեան երէկ Գումգաբուի մէջ նախագահեց Խորհրդակցական մարմնի ժողովին։ Սա Խորհրդակցական մարմնի 2019 թուականի առաջին նիստն էր։ Բացման աղօթքէն վերջ նորին սրբազնութիւնը ողջունեց ժողովականները, որոնց բացատրութիւններ տուաւ Անգարայի մէջ պատրիարքական ընտրութեան հարցին շուրջ տեղի ունեցած հանդիպման առընչութեամբ։
Յայտնի սրտաբան ու ներքին հիւանդութեանց մասնագէտ Տքթ. Արէտ Լազօղլու երէկ երեկոյեան ելոյթով մը հանդէս եկաւ Ֆէրիգիւղի «Նազար Շիրինօղլու» սրահին մէջ։ Տեղւոյն թաղային խորհուրդին նախաձեռնութեամբ կազմակերպուած «Բժշկութեան օրեր»ու ծիրէն ներս տեղի ունեցաւ այս ձեռնարկը, որ երրորդն էր իր նմաններու շարքին։
Պիւյիւքտէրէի «Ֆուատ փաշա» ապարանքին մէջ երէկ տեղի ունեցաւ Թոփգաբուի Լեւոն-Վարդուհեան վարժարանի ի նպաստ կանանց հաւաքոյթ մը։ Դպրոցի ծնողաց միութեան եւ եկեղեցւոյ տիկնանց յանձնախումբի համատեղ նախաձեռնութեամբ կազմակերպուած այս «պրանչ»ը համախմբեց մեր համայնքէն շուրջ 300 տիկիններ, որոնք փութացած էին զանազան թաղերէ։
