Թրքահայ կեանք

Պաքըրգիւղի Տատեան սանուց միութեան վարչութեան նախաձեռնութեամբ այս տարի եւս կազմակերպուեցան պալէի դասընթացքներ։ Պարուսոյց Կարին Կիւրտէն Մարտիկեանի հսկողութեան ներքեւ յառաջ տարուեցան աշխատանքները։

Սամաթիոյ ընտանիքը շաբաթավերջին մեծ խանդավառութիւն ապրեցաւ Սահակեան-Նունեան վարժարանի շրջանաւարտից օրուան առթիւ։ Վարժարանի համալիրէն ներս համախմբուեցան զանազան սերունդներէ շրջանաւարտներ, որոնք ապրեցան զիրար վերագտնելու ուրախութիւնը։

Պոլսահայ տասն սանուց միութիւններու մասնակցութեամբ վերջերս տեղի ունեցաւ միջմիութենական ճատրակի մրցաշարք մը։ Սա տասներորդն էր իր նմաններու շարքին, թէեւ որոշ ժամանակէ մը ի վեր միջմիութենական ճատրակի մրցաշարքերը չէին կազմակերպուեր։

Շիշլի մարզակումբի 2018-2019 շրջանի ձմրան դասընթացքներու եզրափակիչ արարողութիւնը տեղի ունեցաւ շատ խանդավառ մթնոլորտի մը մէջ։ Պաքըրգիւղի Տատեան վարժարանի «Եդքին Պէրպէրօղլու» հանդիսասրահի երդիքին տակ տեղի ունեցաւ եզրափակիչ արարողութիւնը, որուն մասնակցեցան ակումբի վարչայինները, մարզիչներ եւ դասընթացքներու մասնակից աշակերտներն ու իրենց ծնողները։

Արտաքին գործոց նախարար Մեւլիւտ Չավուշօղլու երէկ այցելեց Սուրբ Փրկիչ Ազգային հիւանդանոց։ Այս առթիւ նախարարը ջերմ մթնոլորտի մը մէջ հիւրընկալուեցաւ Հոգաբարձութեան ատենապետ Պետրոս Շիրինօղլուի եւ իր գործակից ընկերներուն կողմէ։ Նախարար Մեւլիւտ Չավուշօղլու այս առթիւ շրջայց մը կատարեց հիւանդանոցի համալիրէն ներս՝ մասնաւորապէս ծանօթանալով ծերանոցի բաժնին։

Պաքըրգիւղի «Լէյլա Կենճէր» մշակոյթի կեդրոնին մէջ երէկ երեկոյեան տեղի ունեցաւ Տատեան վարժարանի հիմնադրութեան 175-ամեակի յոբելենական ձեռնարկներէն մին։ Սա երգի եւ պարի հանդիսութիւն մըն էր, որով եզրափակուեցաւ յոբելենական ծրագիրը։

Գատըգիւղի Արամեան սանուց միութենէն ներս անցեալ շաբթուան մէջ գումարուեցաւ ընդհանուր ժողով, որու արդիւնքով ընտրուեցաւ միութեան նոր վարչութիւնը։ Մինչեւ 2021 թուականը միութեան ղեկը պիտի ստանձնէ այս նորընտիր վարչութիւնը, որու կազմին մէջ կը գտնուին՝ Սեւան Աթաօղլու, Ալին Շէնճան, Արի Մեշալէճիօղլու, Քրիստին Տելլալօղլու, Արէտ Տէյիրմենճի, Թանիա Հանչէրօղլու եւ Ալէն Պիւյիւքգույումճեան։

Գատըգիւղի ընտանիքը երէկ ապրեցաւ տօնական օր մը։ Թաղի Արամեան-Ունճեան վարժարանի շրջանաւարտից տարեկան հաւաքը համախմբեց հոծ թիւով թաղեցիներ եւ դպրոցի սաներ։

Գարակէօզեան Տան մէջ երէկ տեղի ունեցաւ մանկապարտէզի փոքրիկներու տարեվերջի հանդէսը, որ մեծ խանդավառութիւն ստեղծեց դպրոցէն ներս։ Գարակէօզեանի մանկապարտէզը կը բաղկանայ ընդհանուր առմամբ երեք խմբաւորումէ։

Գատըգիւղի Արամեան-Ունճեան վարժարանին մէջ նախընթաց օր տեղի ունեցաւ մանկապարտէզի դասարաններու տարեվերջի հանդէսը։ Մանկապարտէզի առաջին եւ երկրորդ փուլերու փոքրիկները առանձին յայտագիր մը գործադրեցին, իսկ մանկապարտէզի երրորդ փուլի փոքրիկները իրենց ծրագիրը ներկայացուցին տարբեր ձեւաչափի մը մէջ։