Թրքահայ կեանք

Gündeme ilişkin sorulara basın, sosyal medya ve halk toplantılarında verdiğim yanıtlar, giderek başka detayları da halkımıza belgelerle aktarmayı gerekli kılmıştır. 

Շիշլի մարզակումբի նախաձեռնութեամբ կազմակերպուած եւ 2019-2020 շրջանի ձմրան դասընթացքները արդէն սկսած են եւ առաջին իսկ քայլափոխէն առիթ դարձած՝ աննախընթաց ոգեւորութեան։ Ակումբը այս տարի եւս կը կազմակերպէ վոլէյպոլի, պասքեթպոլի, փինկ-փոնկի եւ ճատրակի դասընթացքներ։

Պատրիարքական ընտրութեան ընդառաջ տեղապահը կը շարունակէ իր ասուլիսները՝ թաղէ թաղ այցելութիւններով:
Տ. Սահակ Եպսկ. Մաշալեան անմիջական մթնոլորտի մը մէջ զրուցեց իր համակիրներուն հետ՝ Ս. Ստեփանոս եկեղեցւոյ յարակից սրահի երդիքին տակ:

Ruhani biraderim, Patrik Kaymakamı Episkopos Sahak Maşalyan bugün sosyal medyada bir açıklama yapmış. Konu malum: Patrik seçimi sürecinde talimatname gereği yurtdışında bulunan adaylara konulan engel.

Գարակէօզեան Տան խումբ մը սաներ երէկ այցելեցին Գատըգիւղի Ս. Թագաւոր եկեղեցին՝ ուղեկցութեամբ իրենց հայերէնի ուսուցիչներուն։ Այս այցելութիւնը կազմակերպուած էր Ս. Թարգմանչաց տօնին առթիւ եւ անոր նպատակն էր աշակերտներուն ծանօթացնել Ս. Թագաւոր եկեղեցին՝ պատմութիւնով եւ առաքելութիւնով հանդերձ։

Տեղապահ Տ. Սահակ Եպսկ. Մաշալեան թափով յառաջ կը տանի իր նախընտրական ծրագիրը եւ ժողովրդական հանդիպումներով կը ջանայ լսելի դարձնել պատգամները:
Նորին սրբազնութիւնը երէկ երեկոյեան Պաքըրգիւղի մէջ կազմակերպուած զրոյցին ժամանակ հերթական անգամ բաժնեց իր դիտարկումները՝ համայնքային կեանքի ընդհանուր ընթացքին շուրջ:

Այս շաբաթավերջին տեղի պիտի ունենայ Կեդրոնական վարժարանին ի նպաստ տարեկան աւանդական սիրոյ սեղանը։ Սա շատ կարեւոր փուլ մըն է վարժարանին համար, որովհետեւ Կեդրոնականն ալ այս շրջանին միւսներուն նման կը դիմագրաւէ ծանր դժուարութիւններ։

Կրօնական ժողովի ատենապետ Տ. Արամ Արքեպսկ. Աթէշեան նախագահեց Ս. Վարդանանց եկեղեցւոյ երէկուան կրօնական եւ աշխարհիկ արարողութիւններուն:
Ֆէրիգիւղի ընտանիքը անանտեսելի զօրակցութիւն մը ապահովեց Մէրամէթճեան վարժարանին համար: Արձանագրուած յաջողութեան մէջ կարեւոր դեր ունեցաւ՝ կարգադիր յանձնախումբի ատենապետուհի Մոնիք Երկանեան, որ ահազանգ հնչեցուց համայնքային առկայ հարցերուն շուրջ:
Թաղային խորհուրդը ի յիշատակ յուշանուէր մը պատրաստած էր Շիշլիի քաղաքապետ Մուամմէր Քեսքինի համար: Դպրոցի սաները ներկաներուն կողմէ գնահատուեցան իրենց ելոյթներով:

Պատրիարքական տեղապահ Տ. Սահակ Եպսկ. Մաշալեան անցեալ շաբաթավերջին օդային ճամբով մեկնեցաւ Մարտին՝ ուղեկցութեամբ Տ. Շիրվան Քհնյ. Միւրզեանի։ Նորին սրբազնութիւնը նոյն իրիկուն ներկայ գտնուեցաւ ընթրիքի սեղանի մը, միւս եկեղեցիներու ներկայացուցիչներուն եւ պետական աւագանիին հետ։

Գատըգիւղի Արամեան սանուց միութեան մէջ շաբաթավերջին տեղի ունեցաւ ոգեւոր հաւաքոյթ մը։ Սա թէեւ անմիջական շրջանակի համար նախատեսուած երեկոյթ մըն էր, սակայն Գատըգիւղի ընտանիքին տեսակէտէ ունէր զգացական նշանակութիւն։