Այս օրերուն քաղաքիս մէջ կը գտնուին մանկագիր Մերի Փերի (Սահակեան), բանաստեղծ Դաւիթ Մշեցի (Սուքիասեան) եւ արուեստագէտ Ժան Վարդան։ Բոլորն ալ ներկայիս հաստատուած են Հայաստան եւ հիւրաբար քաղաքս կը գտնուին եւ մասնակցեցան «Ծիրան» համերգին, որ Մխիթարեան եւ Սահակեան սանուց միութեան համատեղ նախաձեռնութիւնն է։
Երէկ երեկոյեան Շիշլիի քաղաքապետութեան «Ճեմիլ Ճանտաշ-Քենթ» մշակոյթի կեդրոնի երդիքին տակ տեղի ունեցաւ «Ծիրան» խորագրեալ համերգը, որ կազմակերպուած էր Մխիթարեան եւ Սահակեան սանուց միութիւններու համատեղ նախաձեռնութեամբ։ Մեր երաժշտասէրները միջոցէ մը ի վեր արդէն ոգեւորութեամբ կը սպասէին այս համերգին, որ արդարացուց իր վրայ դրուած յոյսերը։
Ներքին գործոց նախարարը ԺԱՄԱՆԱԿ օրաթերթի խմբագրատան մէջ տուաւ կարեւոր պատգամներ:
Սիւլէյման Սոյլու անդրադարձաւ համայնքային հրատապ օրակարգի զանազան խնդիրներու լուծման հեռանկարներուն:
Պատրիարքական տեղապահ Տ. Սահակ Եպսկ. Մաշալեան նախագահեց Աթոռանիստ Մայր եկեղեցւոյ երէկուան կրօնական եւ աշխարհիկ աւանդական արարողութիւններուն:
Համայնքային շրջանակները աննախընթաց հանգանակութիւն մը ապահովեցին Կեդրոնական վարժարանին համար, որու ի նպաստ սարքուած սիրոյ սեղանը պսակուեցաւ գերազանց յաջողութեամբ:
Դպրոցի երիցագոյն սաներէն, յայտնի բարերար Հայկ Ասլանեան որոտընդոստ ծափահարութիւններու արժանացաւ՝ պատմական կրթօճախին հանդէպ ցուցաբերած նուիրումին եւ նախանձախնդրութեան համար:
Պատրիարքական տեղապահ Տ. Սահակ Եպսկ. Մաշալեան այս օրերուն կ՚այցելէ Մայր Աթոռ Սուրբ Էջմիածին։ Նորին սրբազնութիւնը երէկ գիշեր Հայաստան մեկնեցաւ Իսթանպուլ-Երեւան ուղիղ թռիչքով։
Կրօնական ժողովի ատենապետ Տ. Արամ Արք. Աթէշեան երէկ հանդիսապետեց Պոյաճըգիւղի Ս. Երից Մանկանց եկեղեցւոյ կիրակնօրեայ Ս. Պատարագին, որու ընթացքին տուաւ օրուան պատգամը։ Պատարագիչն էր Տ. Անդրէաս Ա. Քհնյ. Յակոբեան։
Պատրիարքական տեղապահ Տ. Սահակ Եպսկ. Մաշալեան շաբաթավերջին հիւրընկալեց Պաքըրգիւղի Ծնունդ Ս. Աստուածածին եկեղեցւոյ թաղային խորհուրդի ատենապետ Մեսուտ Էօզտեմիրն ու գործակից ընկերները։ Ներկայ էր նաեւ հոգեւոր հովիւ Տ. Տրդատ Քհնյ. Ուզունեան։
Ս. Խաչ դպրեվանքի սանուց միութեան վարչութեան նախաձեռնութեամբ կազմակերպուած նախաճաշերը կը շարունակեն համախմբել հաստատութեան զանազան սերունդներէ սաները։ Երկու շաբաթը անգամ մը դպրեվանքցիները ի մի կու գան սանուց միութեան Նարլըգաբուի հաւաքատեղիին մէջ։
Թոփգաբուի ընտանիքը նախընթաց օր մեծ խանդավառութեամբ նշեց Ս. Թարգմանչաց տօնը։ Այս տարուան տօնակատարութիւնները արտասովոր իմաստ մը կը ներկայացնէին Թոփգաբուի ընտանիքին տեսակէտէ, որովհետեւ բնորոշեցին թաղի Լեւոն-Վարդուհեան վարժարանի հիմնադրութեան 200-ամեակի յոբելենական շրջանը։
Գոհունակութեամբ վերահասու կ՚ըլլանք, թէ Պաքըրգիւղի ընտանիքը յառաջիկայ շրջանին պիտի ոգեկոչէ մեծն Կոմիտաս Վարդապետը, որու ծննդեան 150-ամեակի յոբելեանը համազգային շուքով կը նշուի այս տարի։ Նախընթաց օր հաճոյքն ունեցանք խմբագրատանս մէջ հիւրընկալելու Պաքըրգիւղի ընտանիքէն երկու ներկայացուցիչներ՝ Հերմինէ Պենլիօղլուն եւ Արամ Կոստանեանը, որոնք մեզի բացատրութիւններ տուին այս ծրագրին շուրջ։
