Պատրիարքական Աթոռը 100 հազար լիրայով մասնակից դարձաւ այն մեծ նուիրատուութեան արշաւին, որ Թուրքիոյ մէջ սկսած է քորոնաժահրի համաճարակի դէմ պայքարի պայմաններուն ներքեւ։ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան որոշած է այս արշաւին յատկացնել վերջին հինգ ամիսներու իր ամսականները։
Համաճարակի պատճառաւ տուներու մէջ փակուելու պարտաւորուած երէց սերունդի մեր ժողովուրդի անդամներուն ուղղուած եւ Ամենապատիւ Սրբազան Պատրիարք Հօր առաջնորդութեամբ «Հեռախօսային օժանդակութեան աջակցութիւն» կարգախօսով արշաւ մը սկսած է։ Մօտաւորապէս 20 կամաւոր կիներ, իրենց ուղարկուած հեռախօսային տուեալներով, մեր երէց քոյր եւ երբայրներուն հետ կապ պիտի հաստատեն հեռաձայնի միջոցաւ, իրենց հետ պիտի զրուցեն ու իրենց պիտի ջանան զգացնել, թէ այս օրերուն առանձին չեն։
«Արմէնփրէս» գործակալութիւնը երէկ հաղորդեց, որ Սուրբ Փրկիչ Ազգային հիւանդանոցը ներգրաւուած է քորոնաժահրի համաճարակի դէմ պայքարին։ ԺԱՄԱՆԱԿ-ի երէկուան հաղորդումներէն արտատպումի հիման վրայ Հայաստանի պաշտօնական գործակալութիւնը ի լուր աշխարհին տեղեկացուց այս կարեւոր հանգամանքը։
Սուրբ Փրկիչ Ազգային հիւանդանոցի բժշկապետը բացառիկ հարցազրոյց մը տուաւ ԺԱՄԱՆԱԿ օրաթերթի։
Համաճարակէ վարակուածներու համար գթութեան յարկէն ներս կը գործէ մասնաւոր բաժանմունք մը՝ մինչ անմիջական կապ հաստատուած է պետական պատկան մարմիններու հետ։
Ըստ Տքթ. Արմենակ Մեծատուրեանի, ներկայիս արտասովոր հոգածութեան առարկայ կը դառնայ նաեւ ծերանոցը։
Ամեն. Ս. Պատրիարք Հօր նախագահութեամբ Ս. Պատարագ՝ Պալաթու Ս. Հրեշտակապետաց եկեղեցւոյ մէջ:
Չարխափան Սուրբ Աստուածածնի սրբապատկերին առջեւ. «Ընկալ Տէր զաղաչանս մեր, ներեա, քաւեա եւ թող զմեղս մեր…»:
Sevgili cemaatimiz,
Patrikliğimiz tarafından yapılan duyurular ile Coronavirüsü ile ilgili düzenlemeler yoluna gidilmişti.
Քորոնա ժահրի յառաջացուցած վարակի պատճառաւ ներհամայնքային զօրակցութիւն ապահովելու առաջադրութեամբ Ն.Ա.Տ. Սահակ Բ. Պատրիարք Սրբազան Հօր տնօրինութեամբ եւ օրհնութեամբ արդէն իսկ համակարգեալ աշխատանքները սկսած են։
Քորոնաժահրի համաճարակի դէմ պայքարի ներկայ օրերուն, մեր համայնքէ ներս ընկերային զօրակցութեան շարժումը բաւական կազմակերպուած ու նպատակասլաց կերպով յառաջ կը տարուի Ֆէրիգիւղի մէջ։ Քաղաքիս ամենահայաբնակ այս շրջանի Ս. Վարդանանց եկեղեցւոյ հնարաւորութիւնները շարժման կ՚անցուին՝ կարելի չափով բոլորի կարիքներուն հասնելու առաջադրութեամբ։
Kardeşler,
Vakfımızda oluşturulan gönüllü genç arkadaşlarımız vasıtasıyla, sadece vakfımız çevresindeki ihtiyacı olanlar değil, İstanbul genelinde 65 yaş üstü ve kronik rahatsızlığı olanlara nakti ve imkanlar doğrultusunda da bizzat adreslerine ayni yardımda bulunacağımızı, vakfımızda kaydı olmayan cemaat mensuplarımızın vakıf merkezimize iletişim bilgilerini göndermeleri gerektiğini saygılarımızla bildiririz.
1. Քորոնաժահրի յառաջացուցած վարակի պատճառաւ ներհամայնքային զօրակցութիւնը ապահովելու առաջադրութեամբ իրագործելի համակարգեալ աշխատանքները յարմար դատուած է որ Հայ հիմնարկներու միութեան երդիքին տակ կատարուին։ Որովհետեւ համայնքի աղքատ եւ տարեցներուն հասնելու նպատակաւ այժմու վարչական դրութեան օգտագործումը կը նկատուի ազդու միջոց։
