Շիշլի մարզակումբէն ներս վերջերս գործել սկսաւ երիտասարդաց յանձնախումբ մը։ Ակումբի վոլէյպոլի, պասքեթպոլի եւ ճատրակի մարզիկներէն բաղկացեալ կազմ մըն է այս մէկը։ Վարչութեան այս նախաձեռնութեան նպատակն է համախմբել համայնքի երիտասարդութիւնը եւ ապահովել, որ ակումբը յառաջիկային իր երիտասարդ տարրերու հոգածութեան առարկայ դառնայ։
Պատրիարքական տեղապահ Տ. Սահակ Եպսկ. Մաշալեան նախընթաց օր հիւրընկալեց Ալթըմէրմէրի Գլխադիր Ս. Յակոբ եկեղեցւոյ տիկնանց կազմը։ Ներկայ էր նաեւ հոգեւոր հովիւ Տ. Զօհրապ Քհնյ. Ճիվանեան։
Գալֆաեան Տան խնամակալութեան ատենապետուհի Տիանա Գամբարոսեան եւ սիւներէն Տանիէլ Անթիքաճեան նախընթաց օր այցելեցին խմբագրատունս։ Հաճելի զրոյցի ընթացքին անոնք մեզի բացատրութիւններ տուին Գալֆաեան Տան ի նպաստ վաղը տեղի ունենալիք տարեկան աւանդական մատաղօրհնութեան շուրջ։
Պատրիարքական տեղապահ Տ. Սահակ Եպսկ. Մաշալեան նախընթաց օր Գումգաբուի մէջ հիւրընկալեց Գալֆաեան Տան խնամակալութեան ատենապետուհի Տիանա Գամբարոսեանն ու գործակից ընկերները։ Ներկայ էին նաեւ Տ. Յարութիւն Աբեղայ Տամատեան եւ Քոյր Գայիանէ Տուլքատիրեան։
Գոհունակութեամբ վերահասու կ՚ըլլանք, որ մեր համայնքի արժէքաւոր երիտասարդներէն Շանթ Ալթունքարա փայլուն նուաճումի մը հասած է ատամնաբուժութեան մարզին մէջ։ Ան ստացած է բերանի, ատամներու եւ կզակի մասնագէտ-վիրահատի կոչում։
Պատրիարքական տեղապահ Տ. Սահակ Եպսկ. Մաշալեան նախընթաց օր հիւրընկալեց Կէտիկփաշայի Ս. Յովհաննէս եկեղեցւոյ թաղային խորհուրդի փոխ-ատենապետ Մուրատ Էօզչելիքն ու գործակից ընկերները։ Ներկայ էր նաեւ հոգեւոր հովիւ Տ. Շնորհք Աբեղայ Տօնիկեան։
Պատրիարքական տեղապահ Տ. Սահակ Եպսկ. Մաշալեան Գումգաբուի մէջ նախընթաց օր հիւրընկալեց «Մարալ» միութեան վարչայինները՝ գլխաւորութեամբ Արման Տօնէրեանի։ Զրոյցի տեւողութեան հիւրերը տեղեկութիւններ փոխանցեցին միութեան գործունէութեան եւ ծրագրերուն շուրջ։
Մեծն Կոմիտասի ծննդեան 150-ամեակին առթիւ հերթական յոբելենական ձեռնարկը մեր համայնքէն ներս:
Էսաեանի ընտանիքին կողմէ կազմակերպուած՝ ճոխ յայտագրով երեկոյթը պսակուեցաւ փայլուն յաջողութեամբ:
Թուրքիոյ հայոց 85-րդ պատրիարքի ընտրութեան գործընթացի վիճարկումները կը շարունակուին դատական իշխանութիւններու մօտ։ Կը տեղեկանանք, որ երէկ իրաւաբան Սարօ Պենկլեան դատ մը բացած է պատրիարքական ընտրութեան գործընթացի այժմու երթին դէմ։
Խոր ցաւով վերահասու եղանք, թէ երէկ գիշեր իր մահկանացուն կնքած է մեր համայնքի երէց սերունդի երախտաշատ ու յայտնի ներկայացուցիչներէն Կարպիս Մասկաֆեան։ Գումգաբուի Ս. Աստուածածին Աթոռանիստ Մայր եկեղեցւոյ թաղային խորհուրդի ատենապետ Հրանդ Մասկաֆեանի անզուգական հայրն էր ան, որ երկրաւոր կեանքէ հրաժեշտ առած է 89 տարեկան հասակին։
