Կրօնական ժողովի ատենապետ Տ. Արամ Արք. Աթէշեան երէկ Գուզկունճուքի Ս. Գրիգոր Լուսաւորիչ եկեղեցւոյ մէջ նախագահեց Ս. Պատարագի արարողութեան։ Ինչպէս ծանօթ է, ամէն չորեքշաբթի Վոսփորի մեր այս գողտրիկ եկեղեցւոյ մէջ կը մատուցուի Ս. Պատարագ, որուն կը մասնակցին մեր զանազան թաղերէն հաւատացեալներ։
Գարակէօզեան Տան Գնալը կղզիի Կազդուրման կայանին մէջ երէկ երեկոյեան տեղի ունեցաւ եղանակի փակման հանդիսութիւնը։ Կազդուրման կայանի «Գրիգոր Ճամպազեան» խաղավայրին մէջ կազմակերպուած ձեռնարկը առիթ հանդիսացաւ մեծ խանդավառութեան։
Ըստ աւանդութեան, այս տարի եւս տեղի ունեցաւ Մուսա լերան Վաքըֆլըգիւղի Ս. Աստուածածին եկեղեցւոյ անուան տօնախմբութիւնն ու աւանդական «Հարիսա Զատիկը»։ Ուխտագնացութիւնը գլխաւորեց Պատրիարքական տեղապահ Տ. Սահակ Եպսկ. Մաշալեան։
Երէկ, Ս. Աստուածածնի տօնին առթիւ Գարթալի Ս. Նշան եկեղեցւոյ մէջ տեղի ունեցաւ տարեկան անուան տօնախմբութիւն։ Խնդրակատար այս եկեղեցին, ինչպէս ծանօթ է, ամէն տարի մեր հաւատացեալներու ժամադրավայրը կը հանդիսանայ եւ այնտեղ տաղաւարի առթիւ կը ստեղծուի արտասովոր խանդավառութիւն։
Գարակէօզեան Տան Գնալը կղզիի Կազդուրման կայանին մէջ երէկ տեղի ունեցաւ եզակի ձեռնարկ մը։ Այսպէս, «Փոքրիկ» հայերէն հէքեաթներու կայքէջի աշխատակազմը հիւրընկալուեցաւ Կազդուրման կայանի համալիրէն ներս։
Գարակէօզեան Տան Գնալը կղզիի Կազդուրման կայանին մէջ պայրամի արձակուրդի օրերուն տեղի ունեցաւ «Զուարճալի գիտական աշխատանոց» խորագրեալ ձեռնարկ մը, որ առիթ հանդիսացաւ մեծ խանդավառութեան։
Երէկ, Գուզկունճուքի Ս. Գրիգոր Լուսաւորիչ եկեղեցւոյ մէջ պատարագեց Տ. Շահէն Քհնյ. Օհանեան։ Ինչպէս ամէն չորեքշաբթի, երէկուան Ս. Պատարագին եւս մասնակցեցան զանազան թաղերէ փութացած հաւատացեալներ, որոնց ներկայութեամբ ջերմ մթնոլորտ մը ստեղծուեցաւ եկեղեցւոյ մէջ։ Երգեցողութիւնները կատարուեցան Սեւան Արապօղլուի գլխաւորութեամբ։
Ատենապետ Խոսրով Քէօլէդաւիթօղլու եւ փոխ-ատենապետ Սարգիս Չավուշեան երէկ երեկոյեան Գումգաբուի մէջ Նախաձեռնարկ մարմնի անդամներուն բացատրութիւններ տուին՝ նախընթաց օր Ներքին գործոց նախարար Սիւլէյման Սոյլուի հետ տեղի ունեցած կարեւոր տեսակցութեան շուրջ:
Ընտրական գործընթացը մշտական լուծումներով՝ թրքահայ համայնքի արդի կարիքներու դիմագրաւման համար: նոր որակով մը վերակազմակերպելու նպատակով կողմերը արտայայտեցին իրենց կամքը: Համակարգի զարգացման ուղղեալ աշխատանքներն ու առաջարկները սեղանի վրայ պիտի դրուին յառաջիկայ արձակուրդի օրերէն վերջ:
Պատրիարքական տեղապահ Տ. Սահակ Եպսկ. Մաշալեան երէկ առաւօտ հիւրընկալեց Պէյօղլուի Լուսաւորիչ երգչախումբի ներկայացուցիչները։ Տնօրէն խորհուրդի անդամներուն առընթեր ներկայ էր նաեւ խմբավար Յակոբ Մամիկոնեան։
Պատրիարքական տեղապահ Տ. Սահակ Եպսկ. Մաշալեան երէկ Գումգաբուի մէջ հիւրընկալեց Պատրիարքարանի Երիտասարդաց յանձնախումբի ատենապետ Արի Չոլաքն ու կարգ մը գործակից ընկերները։ Յանձնախումբի ներկայացուցիչները շնորհաւորեցին նորին սրբազնութիւնը՝ տեղապահի պաշտօնը ստանձնելու կապակցութեամբ։
