Գուզկունճուքի Սուրբ Գրիգոր Լուսաւորիչ եկեղեցւոյ ցաւալի դէպքին արձագանգները կը շարունակուին բոլոր հարթութիւններու վրայ:
Իրաւապահ մարմինները երէկ օրուան երկրորդ կէսին իսկոյն գտան յանցագործը, որու հարցաքննութիւնը սկսաւ: Իշխանութիւններու կողմէ վճռական յայտարարութիւննե կատարուեցան՝ մեղմացնելով առկայ մտահոգութիւնը: Տ. Թաթուլ Ծ. Վրդ. Անուշեան տեղւոյն վրայ տեղեկութիւններ քաղեց ստեղծուած իրավիճակին շուրջ:
Տիարպաքըրի ՀՏՓ-ական երեսփոխան Կարօ Փայլան Ազգային մեծ ժողովէն ներս օրակարգի վրայ բերաւ Գուզկունճուքի Ս. Գրիգոր Լուսաւորիչ եկեղեցւոյ վերջին դէպքը։ Ինչպէս ծանօթ է, ան վերջին շրջանին խորհրդարանէ ներս իրերայաջորդ հարցադրումներով օրակարգի վրայ կը բերէ թրքահայ համայնքի վերաբերեալ զանազան հրատապ խնդիրները։
Սիրելի Արա Գօչունեան,
Կը հետեւիմ ԺԱՄԱՆԱԿ-ին, գրեթէ օրը օրին։
Այս օրերուն, զիս շատ կը յուզէ տնօրէնուհիներուն՝ այսպիսի օրերուն մանաւանդ, անակնկալ հեռացումը իրենց նուիրական պաշտօնէն։
Սկիւտարի գաւառապետ Մուրատ Սեֆա Տեմիրեիւրէք այս առաւօտ այցելեց Գուզկունճուքի Սուրբ Գրիգոր Լուսաւորիչ եկեղեցին՝ իր հետ ունենալով Սկիւտարի անվտանգութեան տնօրէնը եւ Գուզկունճուքի թաղապետը։ Թաղային խորհուրդի ատենապետ Եդուարդ Այվազեան ջերմ մթնոլորտի մը մէջ հիւրընկալեց բարձրաստիճան պաշտօնատարները, որոնց այցելութիւնը զօրակցութեան ու կարեկցանքի բնոյթ կը կրէր։
ՍԻԼՎԱ ԳՈՒՅՈՒՄՃԵԱՆ (*)
ՄԱՍՆԱԳԻՏԱԿԱՆ ԽՈՐՀՐԴԱԾՈՒԹԻՒՆ ՈԼՈՐՏԻ ՆՈՒԻՐԵԱԼԷ
Վարի տողերը կը ցոլացնեն պոլսահայ համայնքի ներկայ վիճակին մասին համառօտ կարծիքս, որ առընչուած կը նկատեմ Էսաեան վարժարանի բազմամեայ տնօրէններ՝ Սաթենիկ Նշանի եւ Առլին Եշիլթեփէի անակնկալ պաշտօնազրկման հետ:
Էսաեանը մեր դարաւոր կրթական օճախներէն մին եղած է եւ հասցուցած՝ շրջանի մտաւորական կին սերունդը:
Սուրբ Փրկիչ Ազգային հիւանդանոցի հոգաբարձութեան ատենապետ Պետրոս Շիրինօղլու վերջին օրերուն առցանց ուղիղ եթերի մը ընթացքին մեկնաբանութիւններով հանդէս եկաւ համայնքային շարք մը հարցերու շուրջ։ Այս ամբողջին մէջ ան պնդեց, որ համայնքէն ներս կարգ մը շրջանակներ վերջին պատրիարքական ընտրութեան արդիւնքը չեն մարսած եւ այժմ հրահրած են Էսաեան վարժարանի տնօրէնուհիներու պաշտօնազրկման խնդիրը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան քառօրեայ տօնական դադարէն առաջ համայնքային առկայ հրատապ հարցերուն շուրջ նամակ մը ուղարկեց Հանրապետութեան նախագահ Ռեճեփ Թայյիպ Էրտողանին։ Թրքահայ ազգային-եկեղեցական կեանքի այժմու հրատապ հարցերուն շուրջ ծանօթագրութիւններու ձեւաչափով գրութիւն մըն էր այս մէկը։
Ծանօթ է մերազն հաւատացելոց, թէ քորոնաժահրի համավարակի պատճառաւ 16 մարտ 2020 թուականէն ի վեր Ամեն. Տ. Սահակ Պատրիարք Սրբազան Հօր հովանաւորութեամբ ու առաջնորդութեամբ՝ Աթոռս կը շարունակէ առաքելութիւն մը։ Կարիքաւոր ընտանիքներու օգնութեան ձեռք կ՚երկարէ ու կ՚ապահովէ սննդեղէն ու մաքրութեան համար զանազան իրեր։
Ծանօթ է մերազն հաւատացելոց, թէ քորոնաժահրի համավարակի պատճառաւ 16 մարտ 2020 թուականէն ի վեր Իսթանպուլի մեր եկեղեցիները փակ են հաւաքական պաշտամունքի եւ միշտ բաց՝ մոմավառութեան ու անհատական աղօթքի համար։
Ծանօթ է կրկին, թէ տակաւ առ տակաւ բնականոնացման ընթացքը կը սկսի, անշուշտ նոր միջոցառումներով ու զգուշական քայլերով։
Այսօր Համբարձման տօնն է։ Այս տօնը բոլորիս համար հոգեւոր ուրախութեան առիթ է։ Որովհետեւ Աստուծոյ Միածին Որդին Հօր Աստուծոյ կամքը կատարելով երկրի վրայ քարոզեց փրկութեան խօսքը, մեր փրկութեան համար չարչարուեցաւ, խաչուեցաւ եւ երրորդ օրը յարութիւն առաւ եւ փառաւորեալ մարմնով քառասուն օրեր երկրի վրայ երեւեցաւ իր աշակերտներուն եւ այլոց ու երկինք համբարձաւ, հոն շարունակելու համար ըստ կարգին Մելքիսեդեկի քահանայապետական պաշտօնը։
