«Իսթանպուլ» աճուրդատան կողմէ վերջին օրերուն կազմակերպուեցաւ առցանց աճուրդ մը, որու ծիրէն ներս վաճառքի դրուած էր 46 գեղարուեստական նմոյշ։ «Անատոլու» գործակալութեան հաղորդումներով, այս առթիւ ամենամեծ գինը վճարուեցաւ Արա Կիւլէրի լուսանկարներէն մէկուն համար, որ ընդգրկուած էր աճուրդի առարկաներու ցուցակին մէջ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, հինգշաբթի երեկոյեան, Պատրիարքարանի ամարանոցի շէնքին մէջ ընդունեց Կղզեաց թաղային խորհուրդը՝ գլխաւորութեամբ ատենապետ Լեւոն Շատեանի։ Հանդիպման ներկայ էր նաեւ Կղզեաց հոգեւոր հովիւ Տ. Յարութիւն Աբեղայ Տամատեան։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, շաբաթավերջին, Պատրիարքարանի ամարանոցին մէջ ընդունեց Կազդուրման կայանի Խնամատար մարմնի ներկայացուցիչները՝ գլխաւորութեամբ ատենապետ Արի Չոլաքի։
Գոհունակութեամբ վերահասու կ՚ըլլանք, թէ համարկրելի մեներգչուհի Սեդա Քիւրքճիւօղլու վերջերս նուաճած է տոցենթի կոչում։ Սեդա Քիւրքճիւօղլու մեր համայնքի յայտնի արուեստագիտուհիներէն մին է։
Համակրելի մեներգչուհի Թաթիանա Պոստան մասնակցութիւն բերաւ առցանց եզակի ծրագրի մը, որ կը կոչուի՝ «Իսթանպուլի ձայնը. հանդիպում»։ Երէկ երեկոյեան համացանցային միջավայրի մէջ ներկայացուեցաւ այս համերգը, որու ընթացքին հնչած երգերը ձօնուած էին Իսթանպուլին։
ԹՎՄ-ի (ERVAB) կողմէ զանազան աշխատանքներ յառաջ կը տարուին մեր կրթական համակարգին համար:
Սուրբ Փրկիչ Ազգային հիւանդանոցի «Պիլէք» հանգստարանի երէկուան ժողովը գլխաւորեց Տիգրան Կիւլմէզկիլ:
Երէկ, Գնալըի Ս. Գրիգոր Լուսաւորիչ եկեղեցւոյս մէջ ամրան շրջանի առաջին Ս. Պատարագը մատուցուեցաւ Գիւտ Տփոյ Ս. Աստուածածնի տօնին։ Ս. Պատարագը մատոյց՝ եկեղեցւոյ հոգեւոր հովիւ Տ. Յարութիւն Աբեղայ Տամատեան, իսկ երգեցողութիւնները կատարուեցան Ս. Ներսէսեան դպրաց դասու անդամներու կողմէ՝ առաջնորդութեամբ Ռոպէր Սրկ. Քիւչիւքաքպուլութեանի։
Գումգաբուի Ս. Աստուածածին Աթոռանիստ Մայր եկեղեցւոյ մէջ աւանդական արարողութիւններ:
Ամենապատիւ Սրբազան Պատրիարք Հայրը նախագահեց Սրբոց Թարգմանչաց երէկուան տօնակատարութիւններուն:
Մեր համայնքի անդամներուն ծանօթ է, թէ երկար ժամանակէ ի վեր համայնքային եւ թաղային մարմիններու ընտրութիւնները կարելի չ՚ըլլար կատարել։ Այս պարագան ծնունդ կու տայ զանազան հարցերու, որոնք կը զբաղեցնեն համայնքի օրակարգը։
Աթոռոյս Պատկառելի Կրօնական ժողովը 1 յուլիս 2020, չորեքշաբթի առաւօտ գումարուեցաւ Պատրիարքարանի մէջ, նախագահութեամբ Ամենապատիւ Պատրիարք Սրբազան Հօր։
Ծանօթ է, թէ քորոնայի համավարակի պատճառաւ նկատի ունենալով առողջապահական շրջանակներու թելադրութիւնները՝ ժողովի որոշմամբ մեր եկեղեցիները փակուած էին հաւաքական պաշտամունքի՝ 16 մարտ 2020 թուականէն ի վեր։
