Իսթանպուլի գլխաւոր քաղաքապետութեան կողմէ վերջին օրերուն իսլամական աշխարհի «Քուրպան»ի տօնին առթիւ կազմակերպուեցաւ առցանց շնորհաւորական մը։ Այս առթիւ երկրի փոքրամասնութիւններու ներկայացուցիչները Իսթանպուլի գլխաւոր քաղաքապետ Էքրէմ Իմամօղլուին փոխանցեցին իրենց շնորհաւորութիւններն ու բարեմաղթանքը։
Շիշլի մարզակումբի վարչութեան նախաձեռնութեամբ, վերջին օրերու արձակուրդի առիթը օգտագործուեցաւ՝ կազմակերպելու համար քայլարշաւ մը։ Ակումբի երիտասարդաց յանձնախումբին ջանքերով կեանքի կոչուեցաւ այս ծրագիրը՝ Գնալը կղզիի վրայ «Բնութեան մէջ քայլարշաւ» կարգախօսով։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, նախընթաց օր, ընդունեց Գումգաբու Դրսի Ս. Յարութիւն եկեղեցւոյ թաղային խորհուրդի անդամները՝ գլխաւորութեամբ ատենապետ Արուշ Թաշի։
Այցելուները եկեղեցւոյ տարեկան հաշուետուութիւնը Նորին Ամենապատուութեան ներկայացնելու նպատակաւ փութացած էին Պատրիարքարան։
«Արաս» հրատարակչութիւնը այս շրջանին գրասէրներու տրամադրութեան տակ դրած է երկու հետաքրքրական գիրք։ Անոնցմէ մին կը կոչուի Harfler Ülkesine Yolculuk, որու հեղինակն է ռուս գրող Անտրէյ Պիթով։
«YouTube»ի վրայ «Keyif Köşesi» ծրագրի ընթացքին հաղորդավար Շեպնէմ Ուզունարսլանի հարցազրոյցը:
Արման Սուճիեան մանրամասնօրէն բացատրեց իր ասպարէզի եզակի ոդիսականը՝ որպէս գոհարեղէններու ծրագրաւորող:
Գոհունակութեամբ վերահասու կ՚ըլլանք, թէ մեր համայնքի երիտասարդներէն Արիս Նշան փայլուն յաջողութիւն մը արձանագրած է համալսարանի մտից քննութիւններուն մէջ։ Ան Էսաեան վարժարանի յաջողագոյն աշակերտներէն մին եղած է եւ ինքզինք արդարացուցած է նաեւ համալսարանի մտից քննութիւններուն, որոնք բոլոր երիտասարդներուն տեսակէտէ ճակատագրական փուլ մը, բեկումնային պահ մը կը համարուին։
«Լիպրա» հրատարակչութիւնը ներկայիս գրասէրներու տրամադրութեան տակ դրած է հետաքրքրական գիրք մը, որու հեղինակն է Էզկի Եըլտըրըմ։ «Kitapçı Arakel'in Kataloglarında "Tercüme" Eserlerin Tanıtımı» կը կոչուի այս գիրքը, որու բովանդակութեան մէջ ուշադրութիւն կեդրոնացուած է 19-րդ դարու յառաջատար հրատարակիչներէն Առաքել Թոզլեան էֆէնտիի գործունէութեան վրայ։
Գուզկունճուքի Սուրբ Գրիգոր Լուսաւորիչ եկեղեցւոյ մէջ մատուցուեցաւ Ս. Պատարագ՝ ձեռամբ Տ. Նաթան Քահանայ Արապեանի։ Մեր եկեղեցիներու պաշտամունքի վերաբացման զուգահեռ հաւատացեալներն ալ մասնակցեցան արարողութեան՝ յարգելով քորոնաժահրի համաճարակի դէմ պայքարի նախազգուշական միջոցները։
Շիշլի մարզակումբի վարչութեան նախաձեռնութեամբ երէկ Գնալը կղզիի մէջ կեանքի կոչուեցաւ ընկերային պատասխանատուութեան հետաքրքրական ծրագիր մը։ Այսպէս, ակումբի երիտասարդաց յանձնախումբը հանդէս եկաւ «Մաքուր պահենք մեր կղզին» կարգախօսով եւ կղզիի տարածքէն ներս կազմակերպեց աղբահաւաք։
Պայծառակերպութեան տաղաւարի շաբաթավերջի տօնակատարութիւններուն արձագանգները կը շարունակուին։ Այս տարի Վարդավառի տօնը արտասովոր խանդավառութեան առիթ հանդիսացաւ մեր համայնքէն ներս։
