Գոհունակութեամբ վերակահու կ՚ըլլանք, թէ Պաքըրգիւղի Տատեան վարժարանի տնօրէնուհի նշանակուած է Երանուհի Պալճը։ Ինչպէս ծանօթ է, երկարամեայ պաշտօնավարութենէ վերջ Ալիս Պայրամ որոշած էր լքել տնօրէնուհիի պաշտօնը։
Հայաստանեայց Առաքելական Ս. Եկեղեցին շաբաթավերջին նշեց Վարդավառի տօնը։ Տաղաւարի հրճուանքը այս տարի արտասովոր բնոյթ ունէր, որովհետեւ քորոնաժահրի համաճարակի մթնոլորտին մէջ, երկար ժամանակ վերջ առաջին անգամ մեր եկեղեցիներէն ներս տօնակատարութիւն տեղի ունեցաւ հաւատացեալներու մասնակցութեամբ։
Ֆէրիգիւղի Ս. Վարդանանց եկեղեցւոյ մէջ նորոգ հանգուցեալ մտաւորականի յուղարկաւորութեան ընթացքին ընթերցուեցաւ Վեհափառ Հայրապետի ցաւակցականը:
Ամեն. Ս. Պատրիարք Հայրը կուռ դամբանական մը խօսեցաւ Վարդ Շիկահերի մասին - Արարողութեան հանդիսապետեց Տ. Արամ Արք. Աթէշեան: Ներկայ էր նաեւ Զեքիեան Գերապայծառ:
ԳՐԻԳՈՐ Ա. ՔՀՆՅ. ՏԱՄԱՏԵԱՆ
Խոր սրտաբեկութեամբ տեղեկացանք, թէ մեր համայնքի հանրածանօթ դէմքերէն Տոց. Տքթ. Վարդ Շիկահեր իր հոգին աւանդած էր Երկնաւոր Հօր ձեռքերուն մէջ:
Հոգելոյս Վարդ Շիկահեր, իրեն շատ սիրելի Մաքրուհեան վարժարանի հարիւրամեակին առթիւ պատրաստուած յուշամատեանի մէջ գրի առած սրտի խօսքին մէջ մէջբերելով իմաստասէրի մը բառերը, կը գրէր. «Յիշողութիւնը, կորուսեալ ժամանակի որոնումն է, փնտռտուքն է»։
ԳՐԻԳՈՐ Ա. ՔՀՆՅ. ՏԱՄԱՏԵԱՆ
Առօրեայ մեր ապրումներուն մէջ անուրանալի է վկայութեան կարեւորութիւնը, մանաւանդ այն պարագաներուն, երբ կը փնտռենք վստահելի կռուան մը դրական առումով լուսաւորուելու համար։ Սուրբ Գիրքը՝ իր պարունակութեամբ բոլորիս կը ներկայանայ որպէս հոգեւոր վկայութեան ակ։
Խոր ցաւով վերահասու եղանք, որ իր մահկանացուն կնքած է պոլսահայ մտաւորականութեան վառ դէմքերէն Տոց. Տքթ. Վարդ Շիկահեր։ Թրքահայ ազգային-եկեղեցական կեանքի արդի տարեգրութեանց մէջ ուրոյն հետք թողած անձնաւորութիւն մը եղած է ան։
Աթոռոյս Պատկառելի Կրօնական ժողովը 14 յուլիս 2020, երեքշաբթի, յետմիջօրէին, ժամը՝ 16.00-ին, գումարուեցաւ Պատրիարքարանի մէջ, նախագահութեամբ Ամենապատիւ Պատրիարք Սրբազան Հօր։
Ծանօթ է, թէ քորոնայի համավարակի պատճառաւ նկատի ունենալով առողջապահական շրջանակներու թելադրութիւնները ժողովի որոշմամբ մեր եկեղեցիները փակուած էին հաւաքական պաշտամունքի՝ 16 մարտ 2020 թուականէն ի վեր։
Ուրախութեամբ կը տեղեկանանք, որ մեր համայնքի երիտասարդ մասնագէտներէն Տարօն Եէօնտէմ ստանձնած է BluTV-ի փորձագիտութիւններու տնօրէնի (CTO) պաշտօնը։ Առցանց այս հեռուստակայանը վերջերս արդէն իրականացուցած է շարժանկարի ժապաւէնի մը արտադրութիւնը։
Գոհունակութեամբ վերահասու կ՚ըլլանք, թէ մեր համայնքի երէց սերունդի ճարտարապետներէն Նշան Եաղուպեան մրցանակի մը արժանացած է 2020 թուականի Ճարտարապետութեան ազգային ցուցահանդէսի եւ մրցանակներու ծրագրի շրջանակներէն ներս։ Եաղուպեան Թուրքիոյ մէջ հեղինակութիւն մը կը համարուի այս ասպարէզէն ներս։
Գուզկունճուքի Ս. Գրիգոր Լուսաւորիչ եկեղեցւոյ թաղային խորհուրդը երէկ հանդէս եկաւ յայտարարութիւնով մը։ Ատենապետ Եդուարդ Այվազեան այդ յայտարարութիւնով հանրութիւնը տեղեակ պահեց վերջերս եկեղեցւոյ դէմ կատարուած ոտնձգութեան վերաբերեալ իրադարձութիւններու վերջին փուլէն։
