Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գնալը կղզիի Ս. Գրիգոր Լուսաւորիչ եկեղեցւոյ մէջ հանդիսապետեց կիրակնօրեայ արարողութիւններուն։ Ս. Պատարագը մատոյց Տ. Յարութիւն Աբեղայ Տամատեան, որ խօսեցաւ նաեւ օրուան քարոզը։
Գոհունակութեամբ վերահասու կ՚ըլլանք, թէ մեր համայնքի նոր սերունդէն Լուսին Ենիեորկան ծափահարելի ընթացք մը ունի նկարչութեան մէջ։ Լուսին Ենիեորկան, որ կը յաճախէ «Փիէռ Լոթի» ֆրանսական վարժարանը, փոքր տարիքէ ի վեր հետամուտ է նկարչութեան եւ հետեւողական յաջողութիւններ կ՚արձանագրէ այս մարզէն ներս։
Պաքըրգիւղի Տատեան վարժարանի այս տարուայ հունձքը վերջին օրերուն աւանդական հանդէսով մը հրաժեշտ առաւ՝ առարկայ դառնալով բոլորի ջերմ զգացումներուն եւ բարեմաղթութիւններուն։ Օրուայ հանդիսավարն էր հայերէնի ուսուցիչ Միշել Սամուրքաշ։
Վերաքննիչ դատարանի որոշումով՝ տնօրինութիւններու բողոքարկման հասցէն Պետական խորհուրդն է:
Փոքրամասնութիւններու վաքըֆներու առկախեալ ընտրութիւններու խնդրին շուրջ յարատեւ հարցականներ:
Գալֆաեան Տան 2020-2021 տարեշրջանի հունձքը երէկ աւանդական հաւաքոյթով մը հրաժեշտ առաւ դպրոցէն։ Հանդէսի բացումին ելոյթ մը ունեցաւ հայերէնի ուսուցչուհի Սիւզան Ավճը։
Երէկ, Ս. Թարգմանիչ վարդապետներ՝ Սահակ եւ Մեսրոպի տօնին առթիւ Գնալը կղզիի Ս. Գրիգոր Լուաւորիչ եկեղեցւոյ մէջ տեղի ունեցան արարողութիւններ։ Հանդիսութիւններուն նախագահեց Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, մասնակցեցան Պատրիարքական փոխանորդ Տ. Գրիգոր Ա. Քհնյ. Տամատեան, եկեղեցւոյ երէց Տ. Յարութիւն Աբեղայ Տամատեան եւ Տ. Զօհրապ Քհնյ. Ճիվանեան։
«Արաս» հրատարակչութիւնը կը շարունակէ մշտական ուշադրութեան առարկայ դարձնել մեծանուն գրող Զաւէն Պիպեռեանի հարուստ ժառանգութիւնը։ Գոհունակութեամբ վերահասու կ՚ըլլանք, թէ «Արաս»ի կողմէ վերջերս ընթերցասէրներու տրամադրութեան տակ դրուած է Պիպեռեանի երկու նոր գիրքը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան անցեալ տարի իր գահակալութեան յաջորդող օրերուն այցելած էր Իսթանպուլի եկեղեցիները եւ իր նախագահութեամբ տեղի ունեցած էին «Հրաշափառ»ի արարողութիւններ։ Դժբախտաբար, քորոնաժահրի համավարակի զարգացումներուն որպէս հետեւանք, կարելի չէր եղած Գնալը կղզիի վրայ «Հրաշափառ»ի արարողութիւն կատարել։
Գատըգիւղի Արամեան-Ունճեան վարժարանի 2020-2021 տարեշրջանի ընթացաւարտները խանդավառ հանդիսութիւնով մը ստացան իրենց վկայականները։ Դպրոցի այս տարուան հունձքը հրաժեշտ առաւ մեծ ոգեւորութեամբ եւ առարկայ դառնալով Գատըգիւղի ընտանիքի ամենաջերմ զգացումներուն։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, երէկ, Պատրիարքարանի ամարանոցին մէջ ընդունեց Գանտիլիի Ս. Երկոտասան Առաքելոց եկեղեցւոյ թաղային խորհուրդի անդամները՝ գլխաւորութեամբ ատենապետ Յովհաննէս Ֆէնէրճեանի։ Ներկայ էր նաեւ Գանտիլլիի եկեղեցւոյ երէց Տ. Յարութիւն Աբեղայ Տամատեան։
