Երէկ, Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան ընդունեց Ասորի կաթոլիկ եկեղեցւոյ Պատրիարքական փոխանորդ Մոնս. Օրհան Քհնյ. Չանլըն եւ Ասորի կաթոլիկ եկեղեցւոյ վարչութեան ատենապետ Զեքի Պասաթեմիրը։ Պատրիարքարանի մէջ տեղի ունեցաւ հանդիպումը, որուն ներկայ եղան նաեւ դիւանապետ Տ. Թաթուլ Ծ. Վրդ. Անուշեան եւ Պատրիարքական փոխանորդ Տ. Գրիգոր Ա. Քհնյ. Տամատեան։
Երէկ, Գնալը կղզիի Ս. Գրիգոր Լուսաւորիչ եկեղեցւոյ մէջ արարողութիւններուն հանդիսապետեց եւ Ս. Պատարագը մատոյց կղզեաց հոգեւոր Հովիւ Տ. Յարութիւն Աբեղայ Տամատեան։ Համավարակի սահմանափակումներէն յետոյ առաջին կիրակին էր, որ ժողովուրդը եւս մեծ ոգեւորութեամբ փութաց եկեղեցի։
Գումգաբուի Ս. Աստուածածին Աթոռանիստ Մայր եկեղեցին երէկ կէսօրուան ժամերուն համախմբեց հոծ թիւով յուղարկաւորներ, որոնք փութացած էին իրենց վերջին յարգանքը մատուցելու նորոգ հանգուցեալ ելմտագէտ եւ համայնքային գործիչ Եդուարդ Գովանի նկատմամբ։
Ամեն. Ս. Պատրիրարք Հայրը նախագահեց երէկ երեկոյեան Ֆէրիգիւղի մէջ կազմակերպուած համայնքային խորհրդակցութեան՝ դպրոցներու նիւթական անելին շուրջ:
Ատենապետ Պետրոս Շիրինօղլու ժողովի ընթացքին հերթական անգամ կրկնեց, որ երեք հազարի շուրջ աշակերտութեան համար աւելի է թրքահայ վարժարաններու այժմու ցանցը:
Կեդրոնական վարժարանի 2020-2021 տարեշրջանի հունձքը նախընթաց օր աւանդական հանդէսով մը հրաժեշտ տուաւ կրթօճախին։ Դպրոցը այս տարի ունի 53 շրջանաւարտ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, նախընթաց օր, յետմիջօրէին, ընդունեց Սկիւտարի Ս. Կարապետ եկեղեցւոյ երէց Տ. Պետրոս Քհնյ. Պուլտուքեանն ու թաղային խորհուրդի ատենապետ Նուրհան Էնկինը։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան, նախընթաց օր, ընդունեց Նուրհան Սոյքանը, որ Գերմանական միջկրօնական ծրագրի մը համակարգողն է։ Հանդիպման ներկայ եղաւ նաեւ Պատրիարքական փոխանորդ Տ. Գրիգոր Ա. Քհնյ. Տամատեան։
Սամաթիոյ ընտանիքը նախընթաց օր խանդավառ հանդիսութիւնով մը հրաժեշտ տուաւ թաղի Սահակեան-Նունեան վարժարանի այս տարուայ հունձքին։ Այսպէս, 2020-2021 տարեշրջանի ընթացաւարտները ստացան իրենց վկայականները՝ դպրոցի պարտէզին մէջ կազմակերպուած աւանդական հանդէսով մը։
Մխիթարեան վարժարանին մէջ վերջերս տեղի ունեցաւ մանկապարտէզի փոքրիկներու տարեվերջի հանդէսը, որ մեծ ոգեւորութեան առիթ հանդիսացաւ։ Հանդէսին մասնակցեցան միաբանութեան Իսթանպուլի վանատունէն Հայր Յակովբոս Ծ. Վրդ. Չօփուրեան, դպրոցի մատակարար մարմնի անդամները, տնօրէնուհիները, կրթական մշակներ, ծնողներ եւ հիւրեր։
Գարակէօզեան Տան 2020-2021 ուսումնական շրջանի հունձքը երէկ խանդավառ հանդիսութիւնով մը հրաժեշտ առաւ դպրոցէն։ Ոգեւոր մթնոլորտի մէջ անցաւ շրջանաւարտից հանդէսը, որ դպրոցի պարտէզին մէջ կազմակերպուած էր՝ քորոնաժահրի համաճարակով պայմանաւորուած սահմանափակումներուն համապատասխան։
