Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան Պատրիարքարանի պաշտօնական ընդունարանին մէջ ընդունեց Թուրքիոյ Քաղդէացի կաթոլիկ համայնքի պատրիարքական փոխանորդ Մոնս. Ռամզի Կարմօ Եպիսկոպոսը, որուն կ՚ընկերանար Հայր Ռեմզի Վրդ. Տիրիլ։
Գոհունակութեամբ վերահասու կ՚ըլլանք, թէ լուսանկարչութեան մրցոյթ մը կազմակերպուած է ի յիշատակ անմոռանալի լուսանկարիչ Նիքոլաս Մանկինասի, որ նախորդ ամիս զոհ գացած էր քորոնաժահրի համաճարակին։ Իր անժամանակ կորուստի պատճառած մեծ ցաւի մթնոլորտին մէջ, Ենիգիւղի յունաց եկեղեցւոյ թաղային խորհուրդին նախաձեռնութեամբ կազմակերպուած է այս մրցոյթը՝ «Մենք ու մեր աւանդութիւնները» խորագրին ներքեւ։
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան շաբաթավերջին մասնակցեցաւ Պէզճեան Մայր վարժարանի շրջանաւարտից հանդէսին։ 2020-2021 տարեշրջանի ընթացաւարտները դպրոցէն հրաժեշտ առին Գումգաբուի «Պէզճեան» սրահի երդիքին տակ կազմակերպուած աւանդական հանդիսութիւնով մը, որու պատուոյ հիւրը եղաւ Ամեն. Ս. Պատրիարք Հայրը՝ իր կողքին ունենալով Տ. Շնորհք Աբղ. Տօնիկեանը։
Շիշլիի նորընտիր վարչութիւնը կը շարունակէ գլխաւորել արժէքաւոր ատենապետ Ալէն Թեքպըչաք:
Մարզակումբի ընդհանուր ժողովը տարի մը յապաղումով տեղի ունեցաւ՝ քորոնաժահրի համաճարակի հետեւանքով:
Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեան երէկ Գումգաբուի մէջ հիւրընկալեց Կաթողիկէ հայոց վիճակաւոր Տ. Լեւոն Արք. Զեքիեանը։ Ներկայ էին Պատրիարքական փոխանորդ Տ. Գրիգոր Ա. Քհնյ. Տամատեան եւ միջեկեղեցական յարաբերութիւններու պատասխանատու Տ. Տրդատ Ա. Քհնյ. Ուզունեան։
Փոքրամասնութիւններու վաքըֆներու մատակարար մարմիններու առկախեալ ընտրութեան հարցը կը շարունակէ զբաղեցնել օրակարգը։ Վերջին շրջանին արձակուած դատավճիռներով պայմանաւորուած դրական սպասումներու մթնոլորտին մէջ, մեր համայնքէն ներս զանազան նախաձեռնութիւններ յառաջ կը տարուին այս հարցի յաղթահարման համար։
Կը տեղեկանանք, որ Ֆէրիգիւղի Մէրամէթճեան վարժարանէն երկու աշակերտուհիներ վերջերս գրական մրցանակի մը մէջ դարձած են դափնեկիր։ Այսպէս, «Neslin Değişen Sesi» միջնակարգին կողմէ կազմակերպուած, «Կտաւէ դէպի մատիտ բանաստեղծութեան եւ պատմուածքի մրցոյթ» կոչուած մրցոյթին մէջ անոնք արձանագրած են փայլուն յաջողութիւն։
Գոհունակութեամբ վերահասու կ՚ըլլանք, թէ մեր համակրելի մեներգչուհիներէն Մարալ Այվազ այս շաբաթավերջին պիտի մասնակցի առցանց ձեռնարկի մը, որ պիտի մէկտեղէ աշխարհի զանազան երկիրներէն հայ երաժիշտներ։ Զանազան երկիրներէ աւելի քան քսան երաժիշտներու շարքին պիտի գտնուի Մարալ Այվազ, որուն պիտի նուագակցին՝ Արի Հերկել, Սեւան Ինեափան եւ Սեւան Կարապետեան։
Սամաթիոյ Ս. Գէորգ եկեղեցւոյ մէջ երէկ տեղի ունեցաւ նորոգ հանգուցեալ Մելքոն Թաշճըօղլուի յուղարկաւորութեան արարողութիւնը։ Հանգուցեալը մարզասէր շրջանակներէ ներս համբաւ կը վայելէր՝ որպէս «Վեֆա» մարզակումբի թունդ համակիր։
Պատրիարքական Աթոռը վերջերս հանրութեան ուշադրութեան յանձնած էր, թէ Թուրքիոյ Հայոց Պատրիարք Ամեն. Տ. Սահակ Ս. Արք. Մաշալեանի հրամանաւ ու օրհնութեամբ լոյս տեսած էր «Աստուածաշունչէն - Kitab-ı Mukaddes’ten - From The Holy Bible» գեղատիպ հատորը, որ ձօնուած էր Աստուածաշունչի հայերէն տպագրութեան 350-ամեակի յոբելեանին։
Աթոռի հիմնադրութեան տարեդարձին եւ Սուրբ Էջմիածնի տօներուն յաջորդող բարեբաստիկ շրջանին աշխատութիւնը կ՚որակուէր՝ որպէս հայատառ Ս. Գիրքին մատուցուած ծառայութիւն։
